بعيدا عن الشتيمه و اليأس ياريت نتكلم ايه الحلول اللي ممكن تعدل البلد
اولا لازم نعرف ايه المشاكل بالضبط و نشوف ايه الحلول الممكنه ليها
ثانيا نبدأ نقول المشاكل بقي :
المشكله السكانيه
التعليم
الصحه
البطاله
الغلاء المستمر
المشكله السكانيه:
من اكبر من المشاكل في البلد هي المشكله السكانيه و الزحمه ..وده بسبب اننا متجمعين اعتقد
انه لا يزيد عن 5% من مساحه مصر..
و لهذا يجب توزيع السكان علي مساحه مصر...و طبعا مش هتبقي كلها
انا هتكلم عن كثافه السكان من كل النواحي دلوقتي
الحل:
انشاء مدن جديده في امتداد المدن الكبري..
و بما ان ناس كتير هتقول فين الفلوس اللي هيبنوا بيها المدن هنقول:
* بيع اراضي المدن علي الورق بالتقسيط و باسعار طبعا رخيصه و استلامها بعد انشاء الخدمات (اللي هنقول عليها تحت)
* عدم صلاحيه بيع الاراضي او العقارات حتي بعد المباني علشان الاسعار ماتزدش..في فتره محدده
* عمل قيود بعدم اجازه اي شخص بامتلاك اكثر من ارض ..علشان برضوا الاسعار
كلام جميل و كثير هيقول ما هو ده اللي بيتعمل..
طبعا كلام غلط ان ده اللي بيتعمل ..لأن اللي بيتعمل دلوقتي ماشي من غير اي اسس ولا اي حسابات اطلاقا..
المفروض ايه بقي اللي ينفع يتنفذ لمشروع المدن في وقت قياسي ؟؟؟؟؟
* تطوير المترو و امتداده علي جميع المدن الجديده قبل اي شي
* رصف الطرق داخل المدينه و ادخال جميع الخدمات من طرق ,مياه ,كهرباء , مصالح حكوميه ,مدارس ,مستشفيات ,منافذ استهلاكيه حكوميه
و ده بفلوس الاراضي اللي هتبيعها الدوله علي الورق
نيجي بقي وقت التسليم و طبعا مش لازم بعد ما كل الخدمات تشتغل
بس علي الاقل معظمها او الحاجات الاساسيه اللي محتاجاها المدينه
*تحديد فتره معينه للمباني او حجز الاراضي
*انشاء منافذ بيع حكوميه للحاجات الاستهلاكيه بجانب كل من منطقه سكنيه
(علشان محدش هيفتح محل مثلا و يخسر علشان مافيش سكان)
*تحديد مناطق المدن او المدن كامله في مستوي السكان عن طريق تحديد المؤهلات الدراسيه للمشتري و الدبلوم و اللي من غير مؤهل دراسي
(علشان مايكونش فيه اختلاف فكري و اسلوب معيشه بين السكان )
كده المدينه هتتعمر بسرعه عن الهبل اللي بيحصل دلوقتي
بدل ما يبيعول ملايين الفدادين للاجانب بتراب الفلوس علشان يبنوا عليها مدن الاحلام الخياليه بتاعتهم.
كثافه المصالح الحكوميه:
*زياده عدد الشبابيك بدل واحد ولا اتنين ليه مايكونش عشره ولا عشرين
*ممكن تزويد المصالح باماكن انتظار مكيفه تسعي للحاضرين بعد تقديم الوثائق المطلوبه للموظفين
*و الافكار ديه هتساعد شويه في زياده الموظفين و نقلل البطاله
كثافه المدارس و المستشفيات:
*بدل ما يبنوا مدرسه كبيره فيها مثلا 5000 طالب ..يبنوا مثلا 5 مدارس متفرقين اصغر في الحجم
و بكده هيقل عدد الطلاب في الفصل و نبدء في تطوير التعليم المنهجي
*نفس الكلام برضوا مع المستشفيات الحكوميه .
البطاله و الغلاء المستمر هسيبه واجب عليكم تعملوه
معلش انا عارف ان افكاري غير مرتبه و مش كامله طبعا
بس قلت اقول بدايه في حل الكثافه و ساعدوني في الباقي
و ياريت كل شويه نرتب الافكار من اول و جديد
المفضلات