4g63 كنت شفتلها تعديل ومتركبه خلفي وطبعاً موتور ملهوش حل وكان عندي في الجالانت 91 وهو الموتور اللي نزل في الايفو مع بعض التعديلات
اهم حاجه تشوف الاول ايه المتوفر في السوق وبعدين تختار لانك ممكن تختار وفي الآخر متلاقيهاش في السوق
عرض للطباعة
4g63 كنت شفتلها تعديل ومتركبه خلفي وطبعاً موتور ملهوش حل وكان عندي في الجالانت 91 وهو الموتور اللي نزل في الايفو مع بعض التعديلات
اهم حاجه تشوف الاول ايه المتوفر في السوق وبعدين تختار لانك ممكن تختار وفي الآخر متلاقيهاش في السوق
المشكلة ان صاحب الموضوع مش عايز حاية التعديل واللعب فى الحوض ..اقتباس:
شفتلها تعديل ومتركبه خلفي
لكن اى مكنة ممكن تتعدل وتركب ... ويا سلام لو كان المرور بيسمح بتركيب نوع موتور بتاع عربية مش نفس العربية .... كان ممكن يركب موتور الاوبل فيكترا 3200 سى سى و 225 حصان وحاجاته رخيصة جدا وموجود ... بس المشكلة فى الترخيص ...
4g34
كانت بتنزل ب فتيس متسوبيشي فى الهونداى ستلر 5 غيار موديل km119
مواتير المتسو هتركب عنده من غير تعديل فى الحوض بس هيركب قواعد موتور اقصر
بس ممكن المانفولد يزنق فى السيرفو و يضطر يعدل مانفولد
الله اعلم ... اللى اعرفه قولته ..
حاول تقبل التعديل و تتماشى مع التطور و تفكر ازاي تستفيد بالعلم الحديث فى العربيات الحديثة و تطبقه فى عربيتك وخصوصا لو كانت قديمة الطراز بعض الشئ وانا ذكرت اللى بيتعمل فى العربيات دي فى الورش و وجدت احد الأعضاء اعترض على كلامي بس عايز اقوله ان العربية متركب فيها التعديل و نجح و ماشية بتلف شوارع البلد وبتجمع حلو جدا والموضوع بسيط و نجح
زي ما انا عدلت اللادا 2107 لأوتوماتيك و باور والأوتوماتيك و الباور كان يخص تويوتا كرسيدا والعربية ماشية فى شوارع الأسكندرية و 10/10 وزي برده ما عدلت فى الكوردوبا و عدلت فى الشيروكي و عدلت فى عربيات كتير منها 127 و132و131و128 و بي ام دبليو وجيب رانجلر وvwو ستروين و بيجو ودايو و جالنتات قديمة وكرسيدا الثمانينات و مرسيدس التسعينات.
انا دخلت فى عالم التعديل و التطوير منذ عام 1990 الى يومنا هذا و بإستخدام الأسلوب العلمي مش شغل عك و الكلام اللى بكتبه ده متراجع و متجرب و مختبر و متلاحظ اى مشاكل تظهر بعد تركيبه و مستوفى شروط الأمان و السلامة و الكفاءة و
مجربه بنفسي شخصيا واللى مش بيكون مرضي او مش جايب همه ما بكتبهوش وبكتب الكلام ده والكلام اللى عملته فى عربيات كتير وبكتب كثير من المعلومات اللى عارفهافى التعديل و المقارنات و المميزات والمساوئ علشان المنتدي يبقى فيه المعرفة و الإبتكار و التطوير و التواؤم و حلول لمشاكل ناس كتير فى مختلف ماركات العربيات.
فالمرونة شئ لابد منه علشان الواحد يحل مشاكله فى عربية يملكها وخصوصا لو حتتوافر نقطة رفع الأداء
ياباشا انا ما اعترضتش على كلامك ولا حاجة لا سمح الله اما قولت نركب موتور امامى ونعدلة انا كل اللى قولتو ان اعتقد من الافضل انى اجيب مكنة خلفى بفتيسها اريح بكتير من موضوع الامامى المعدل واوفر كتير برضو عشان التعديل مش هيبقى كبير اوى فى الخلفى بس فى المامى هعدل حاجات كتير اوى عشان انت بتقول انى لازم اعدل فى الكردان والفتيس وكرتيرة الزيت وقواعد الموتور والكلام دة كلو هيصرف جامد ومش مضمون برضو لازملو صنايعى نضيف والصنايعية الشاطرة بقو قليليلن اوى
بس بما انك فى عالم التعديل من سنة 90 ليا سؤال عندك ياريت ماتبخلش بالرد عليا
المكنة ال 2000 سى سى بتاعت الجالانت موديل التمانينات مكنة حلوة وعفية ولا تعبانة ولو تعرف بتطلع كام حصان يبقا خدمتنى خدمة كبيرة اوى عشان بفكر اجيبها