الأخ MaZaGAngeE , مش هاقدر اقول غير أفدتنا جامد و فتحت نقط كتير اوي :)))))))))
بصي يا سيدي
بالنسبة للحلال و الحرام
انا شايف اتفاق في معلومات الناس على صورتين في البورصة , صورة تجوز شرعا , اللي أسهم الشركات اللي مالهاش نشاط حرام , و باقي الصور من سندات او أسهم الشركات ذات الأنشطة المحرمة لا تجوز
انا باقترح نقصر النقاش على الصورة اللي تجوز شرعا لأن اللي مش هايفرق معاه الحلال من الحرام اكيد مش هايفرق معاه غير المكسب اللي جاي له
بخصوص العامل المنتج , و مشترك معاك في النقطة دي الاخوة mr_safwtا و hesham_tawfiq
انت قلت ان فلوسك بالصورة دي هي عامل مؤثر , لأنه بيساعد في تطوير الشركة اللي بتشتري فيها أسهم , انا فيه سؤال في بالي دلوقت من افادتك دي , هل بتكون بتشتري السهم بالنية دي ؟ كأنك شاري نصيب في شركة يعني ؟ ولا مجرد قيمة مالية معينة زادت هاتبيع قلت برده هاتبيع ؟ ده سؤال استفساري على فكرة
و سؤال كمان , لما الناس كلها بتبيع , بتبيع لمين ؟؟؟؟
انا على فكرة مش باتكلم من منظور ان المتعامل في البورصة داخل اشتغالة يخسر , لكن انه داخل يتاجر في الفلوس بدون اي مكسب حقيقي للمجتمع ( دي وجهة نظري على الأقل )
و سؤال تالت , نقطة ان عادي جدا ان حد يلعب بأسهم شركاته عشان يكسب ملايين من جيوب صغار المساهمين في يوم ولا اتنين , ازاي بتشارك بفلوسك في حاجة انت عارف ان ده عادي فيها ؟
المشاركة الأصلية كتبت بواسطة MaZaGAngeE
نيجي للجرح الكبير : الناس بتخسر ليه ؟
ليه مسمعناش عن حد بيكسب من البورصة ؟
و دي نقطة مهمة , انت بتقول ان السبب ان ناس كتير بتدخل من غير علم ... اظن بيدخلوا مع حد بيفترضوا انه فاهم و هو اللي بيمشيهم , انا بصراحة مش مرتاح للصورة دي , و برده عندي احساس انها عبارة عن محاولة ايجاد مكسب سريع من غير تعب و خلاص , ايه رأيك ؟
المشاركة الأصلية كتبت بواسطة hesham_tawfiq
انا بئى عندى استفسار من حضرتك ولو انك قيدتنى بعدم الدخول فى الحلال والحرام ( انا برضه مش عاوزاخش فالحته دى :-)
يعنى ايه " مش كل حلال صح " ؟
انا بالتأكيد مش باحرم حلال , هاديك مثال , لو مثلا انت مش بتغسل اسنانك , ده غلط , لكن ما نقدرش فيما أظن نقول ان عدم غسيل الأسنان حرام , ده المقصود من اللي قلته , مثال تاني , انك تنزل و انت مش مسرح شعرك مش حرام , لكنها غلط :) , انك ما تحوشش قرشين احتياطي لأي ظرف , ده غلط , لكن مش حرام , و هكذا , فيه حاجات مش حرام لكنها ما تزال مش صح لأي سبب , و منها حاجات كتير تندرج تحت بند وجهة النظر , ممكن واحد يبقى شايف حاجة معينة انها صح , حتى لو هي غلط , و بيعملها و ماهياش حرام
اديك مثال اقوى شوية , تشتغل في الاستيراد ولا في الصناعة ؟؟؟
من وجهة نظر اللي بيدور على المكسب بس الاستيراد أريح للدماغ و مكسبه قريب , من وجهة نظر اللي عايز يفيد البلد , الصناعة أحسن طبعا حتى لو تعبها اكتر
المفضلات