طب لو فى تفسير لحضرتك ايه من مكونات الكهرباء اللى ممكن يسبب اضطراب فى استهلاك البنزين
عرض للطباعة
طيب انا عايز اتاكد اخر وضع عندك ايه دلوقتى
هل مشكلة التبطيل و هى باردة راحت؟
هل مشكلة الرجة مع تشغيل اكسيسوريس كتير راحت ( 2 ازاز كهرباء مع بعض - انوار عالية ......الخ) ؟
هل باقى بس مشكلة الاستهلاك الملخبط ؟
و لا مشكلة الاستهلاك و هى باردة بس؟
مع الوضع فى الاعتبار ان طبيعى جدا (كل العربيات كده) و العربية باردة استهلاك البنزين بيبقى عالى
سوئال هام : هل ثرموستات كوعة الميه راكبه و لا متشالة؟ لانها لو متشالة حتطول الوقت اللازم للتسخين بالتالى حتزود الاستهلاك
بس بما ان المشكلة عندك مش ثابتة فانا محتار
نرجع لسؤالك عن مكونات الكهرباء الى ممكن الى تاثر فى الاستهلاك :
1- حساس درجة حرارة المحرك (وانت كنت قبل كده قولت عليه كاحتمال)
2- حساس الاوكسوجين (و على فكرة ده الكومبيوتر مبيخدش بيان منه فى مرحلة التسخين - open loop - و لما العربية تسخن و بالتالى الحساس يسخن بيبتدى الكومبيوتر يعتمد عليه لظبط نسب الوقود - closed loop- فوارد ان حساس الاوكسوجين تعب بس مش للدرجة ان يخلى لمبة الشيك تنور و يؤدى الى التخريف ده ساعات و ساعات و الله اعلم)
3- صمام علبة الفحم
4- حساس ال tps - وضع بوابة الهواء -
5- صمام ال idle
6- حساس الضغط المطلق للمانيفولد map
7- طبعا ضفيرة الكهرباء لو فيهل مشكلة بس مابتبانش الا مع الاهتزاز نتيجة لتحرك السيارة (يعنى حاجة مشعرة ) وتيجى تكشف عليها تلاقى كله تمام بس مع المشى و المطبات تعمل مشكلة
و ان شاء الله مشاكلك حتتحل و تبقى عربيتك احلى عربية
و بعد 4 شهور من المشكلة ايه اللي حصل ؟