تكييف اوبترا 2010

**youssef1967** · 12-07-2010 08:42 PM

السلام عليكم يا ريت حد يفيدنى التكييف بقاله اسبوع شغال كأنه مروحة فقط مع انى راجعت الفريون لقيته تمام ونظفت الفلتر فى صيانة 5000 والمواسير مشبرة ثلج بس جوا السيارة وحش جدا مع ان العربية موديل السنة ولسه معملتش 8000 كم انا زهقت جدا ومش عارف ده عيب ايه بتاع التكييف قالى روح التوكيل وقلهم اتصرفو فيها .اقول حاجة من غير زعل كان معايا لانسر برقبتها

**Bassem Raafat** · 12-07-2010 09:14 PM

متضايقش نفسك يا يوسف باشا ..... شوف لو الزرار الأوسط فى زراير التكييف مقفول أبقى شغلُه (( خلية منور )) لأنى الزرار ده هو المسئول عن تجديد الهواء من خارج السيارة ، وعلشان كده بيقلل أداء التكييف ، ولما بتخلية شغال (( منور )) بيمنع دخول اى هواء خارجى سخن من بره العربيه وبكدة يتحسن اداء التكييف .....
ويا رب تبقى هى دى المشكله ...... وأبقى طمنا

**youssef1967** · 12-07-2010 09:38 PM

شكرا يا باشا على الرد بس انا فاهم والزرار منور انا مش اول مرة اركب عربية وعارف كويس بس بجد موضوع غريب جدا كأن العربية فيها عيب صناعة بجد وبفكر اخلص منها ياريت لو حد ليه فى التكييف يقولى اعمل ايه لأنهم فى التوكيل اكيد هيقولوا فلتر وشكرا على كده

**Hosam_Optrawy** · 13-07-2010 02:45 AM

بصراحه مش عارف ايه السبب بس ان شاء الله بسيطه

وطبعا اللى انت فيه دا مش طبيعى

انا عربيتى سودا ومع ذلك التكييف بيؤدى الغرض جدا فى عز الحر بالنهار

وبليل باعمله على اقل درجه وباطفيه كل شويه لانه بيسقع جدا

**arakysolom** · 14-07-2010 09:17 AM

السلام عليكم
انا كنت في التوكيل الخميس الماضي و كان عندي نفس الشكوي وهو عدم فعالية التكييف نهارا و بالذات في ايام الحر الشديد و ساعة الظهيرة وكان رد المهندس انه وضع ميزان حرارة (ترمومتر) بداخل فتحة التكييف و طبعا العربية كانت في الظل و بعد ربع ساعة من التشغيل علي درجة 2 ومع غلق دورة التهوية الخارجية قالي التكييف زي الفل ده القراءه بتاعة التكييف 7 درجات رديت عليه قلتله ازاي 7 درجات اللي انا اعرفه ان التكييف الاوتوماتيك بيظبط علي من 16 - 24 حتي يعطي تبريد مناسب و ان 16 بيخلي العربية تلاجه راح رد وقال 16 او 24 هو الدرجة الحرارة المراد جعل الجو الداخلي للسيارة عليها اما الخارج من التكييف بيكون بدون عوامل الجو المحيطة و طبعا ايام الحر و ساعة الظهر بيكون تأثير الجو المحيط اعكبر من الخارج من الوحدة طبعا كلام يحتاج لكثير من التنقيح العلمي و ذلك بدليل ان فيه انواع اخري من السيارات بيكون التكييف فيها زي الفل و ممتازة

**youssef1967** · 14-07-2010 11:47 AM

السلام عليكم طبعا الرد ده مش مقنع خالص التكييف عندى بيشتغل كويس لمدة ربع او ثلث ساعة وبعدين البرودة تقل جدا وتبقى قريبة من المروحة مع ان لى صديق اشترى اوبترا معايا بس ماشاء الله كويسة معاه معنى كده ان العربيات مش بجودة واحدة ولا ايه خليكم مكانى ازاى تركب عربية موديل السنة وتبتدى تشتكى من عيوب تكييف وبرضه عندى تزييق من التابلوه بعد سرعة 100 كم وناشفة جدااااااااااااااااا فى المطبات وعلى فكرة دى شكوى معظم مالكى الأوبترا الله يسامحه بقى احمد حلمى حسسنا اننا هنركب طيارة مش عربية

**SHERIF2009BHIT** · 22-07-2010 08:51 PM

المشاركة الأصلية كتبت بواسطة youssef1967

السلام عليكم يا ريت حد يفيدنى التكييف بقاله اسبوع شغال كأنه مروحة فقط مع انى راجعت الفريون لقيته تمام ونظفت الفلتر فى صيانة 5000 والمواسير مشبرة ثلج بس جوا السيارة وحش جدا مع ان العربية موديل السنة ولسه معملتش 8000 كم انا زهقت جدا ومش عارف ده عيب ايه بتاع التكييف قالى روح التوكيل وقلهم اتصرفو فيها .اقول حاجة من غير زعل كان معايا لانسر برقبتها

حضرتك بتقول (والمواسير مشبرة ثلج) معنى فى تلج على المواسير وكمان الهواء ضعيف جو السيارة
احتمل فى فالف ممكن يكون السبب دة فى حالة لو المواسير عاملة تلج فالى ببحصل العواء مش قادر يعدى لان التلج سادد المواسير واللة اعلم

**youssef1967** · 25-07-2010 11:24 PM

السلام عليكم معلش اتأخرت فى الرد عليكم الحمد لله فى مركز اتو ماستر خلوا التكييف تمام بس ده بعد ما رحت مرتين المشكلة كانت ان الفريون مش كويس وتقريبا المواسير واخدة هوا فضوه وشحنوا فريون تانى وبقت تمام وشهادة حق مركز اتو ماستر جيد جدا وبجد

**dj_bex** · 26-07-2010 03:03 AM

كان عندي الموضوع ده .. بسبب اييه بقى ان الفريون بيتمدد مع الحراره وبيخلي المواسير تبقى تلج المهم فضيت حبه بسيطه اوي اوي من الفريون و بعديها بقى تلاجه بجد