الموضوع: يا اهل التمبرا انا قررت اشتري تمبرا بس محتاج مساعدتكم

المشاركة الأصلية كتبت بواسطة amrseba

adelco كنت عايز اقولك شويه حاجات عندى اولا استهلاك البنزين قليل ده بنسبالى عشان 1400 انا سفرت من السويس لاسكنريه ب 17 لتر بنزين


وانا بأكد ال 30 الف مش هيجيبوا حاله كويسه سواء 1400 او 1600 عشان انا لفيت فى السوق وشوفت الحالات

وانا عندى 1400 و موديل 93 فيها فول اوبشن معادا فتحه السقف وشوفت عربيه فيها abs

وتانى برده العربيه لو حالتها وحشه هتقرفك وهتتعبك امال لو كويسه او جيده جدا هتحبها وهتريحك وصالونها وخصوصا الديجيتال احسن من عربيات 2005 صالونها لو نضيف احسن من لانوس و عربيات جديده كمان ولو تاكييف تاتش يا جمالك بس لو تعرف تزود 6 الف هتجيب حاله نضيف ب 30 الف هتحتاج تصرف على العربيه جامد بس وانا بنصحك نصيحه لوجه الله

السلام عليكم
ازيك يا عمر
والله الموضوع ما لوش قواعد دى حاجات ربنا بيسهلها
يعنى هو ممكن يجيب تمبرا ب 35 وتكون فيها مشكله كبيرة او متبهدله وينضحك عليه
وممكن يجيب تمبرا ب 30 وتكون حالتها ممتازه
لكن انا رايي انه يستعين بالله وينوى بس الاول ويركز على النوع اللى عاجبه ودة هيبقى بالطريقه التاليه
اولا
احلم كويس وفكر فى مواصفات العربيه اللى انت عاوزها يعنى مثلا
تكييف
باور
قدرة الموتور
اتوماتيك ولا عاده
كاربراتير ولا انجيكشن
سيدان ولا استيشن
عائليه ولا شبابيه
عاليه ولا واطيه (عن الارض)
وهكذا فكر اى حاجه تخطر على بالك
جمع المواصفات دى كلها وبعدين اعمل امتحان للعربيات عن طريق انك هتسال على المنتدى مثلا لو انت عاوز العربيه اتوماتيك
يا جماعه ايه احسن عربيه اتوماتيك فى الانواع التاليه وتحط ال 3 او الاربع عربيات اللى انت استقريت عليهم
وتفضل تستمر فى المقارنه لحد ما تستقر عهلى النوع
بعد ما تخلص وتستقر على نوع العربيع وكل المواصفات اللى انت عاوزها فيه ابدا البحث
وانا ارشحلك كونتاكت جمع مواصفات وعناوين وابتدى اعمل زيارات بس يكون معاك حد فاهم كويس
وان شاء الله ربنا يوفقك
على فكرة التمبرا عربيه فظيعه حاجه كده زى الالماظ لو كويسه
انا عربيتى 97 كامله 1600 وجايبها ب 30000 وصرفت حوالى 2500 تغيير سيور وتيل وبلى وحاجات كده لازم تتعمل فى العربيه المستعمله والحمد لله زى الف
انا امبارح رحت الاسماعيليه ورجعت فى نفس اليوم ووبصراحه انا بحمد الله عليها ليل نهار
بس انا كنت عاوز احيى هشام حبيب قلبى
وده بقى موسوعه فى التمبرا اسئله عن اى حاجه هتلاقى الرد على طول