حاطيت زيت شنبر بالغلط

**MostafaAssem** · 14-07-2010 04:29 PM

المشاركة الأصلية كتبت بواسطة samirayad

صور العلب مظهرتش

قصدك اللينك شغال بس الصور مش باينه؟

لينك اخر للصور:
اللى حطيته: http://www.stp.com/img/products/hero_ot.jpg
الأنواع الأخرى: http://www.stp.com/img/products/hero_esl.jpg & http://www.stp.com/img/products/hero_st.jpg

اللينكات لشرح المنتجات مرة أخرى:
اللى حطيته: STP® Fuel & Oil Additives - Choose The Best Fuel Additive For Your Car
الأنواع الأخرى: STP® Fuel & Oil Additives - Choose The Best Fuel Additive For Your Car & STP® Fuel & Oil Additives - Choose The Best Fuel Additive For Your Car

السؤال بقى, كده اللى أنا حطيته شنبر ولا لأ؟

المشاركة الأصلية كتبت بواسطة samirayad

ممكن

زيادة اللزوجه مخليه قشط الزيت بشنابر الزيت بيسير بمعدل بسيط

أثناء قشطه للكرتير مره تانيه مع نزول البساتم للنقطه الميته السفلى

من مشاوير الحريق

يعنى ممكن يحصل أصوات فعلا بسبب أضافة زيت الشنبر

أنا كنت بقصد أسطوانة الديبرياج. مش الزيت برضه ممكن يخليها تتزحلق على الديسك؟

شكرا

**samirayad** · 14-07-2010 04:36 PM

أنا كنت بقصد أسطوانة الديبرياج. مش الزيت برضه ممكن يخليها تتزحلق على الديسك؟

لا يأخى
مفيش علاقه بين الدبرياج وزيت تزييت المكنه نهائيا

السؤال بقى, كده اللى أنا حطيته شنبر ولا لأ؟

بالفعل فأنت وضعت زيت شنبر

**MostafaAssem** · 14-07-2010 04:44 PM

جزاك الله خيرا

**MostafaAssem** · 18-07-2010 05:15 PM

أنا رحت لبنزينة موبيل، و قلتله شيل 2 و حط 2 لتر، قالى مفيش الكلام ده.
قالى انه صعب انه يعمل الحركه ديه و ان الزيت كده هيضيع فى الأرض.
سألنى ليه عاوز تعمل كده، حكيتله، قالى مفيش مشكله انى أنا اكمل كده عادى و الزيت ال stp ده مش هيضر، و ان عربيات كتير بتحطه من غير ميكون عندها مشكله.

رحت لواحد تانى (موبيل برضه)، قالى نفس الكلام.

فمش عارف، هل أروح لواحد بتاع زيت (مش بنزينة يعنى) ، ولا أطنش؟
و هل لازم العربيه تكون بارده، ولا لأ؟

شكرا جزيلا.

**samirayad** · 18-07-2010 08:00 PM

فمش عارف، هل أروح لواحد بتاع زيت (مش بنزينة يعنى) ، ولا أطنش؟

أنت اللى حاسس بوضع المكنه عندك

لو عاملالك مشكله فى الصوت والسحب والدخنه وكده

يبقى مطنش وسيبك من كلام بتوع البنزينه

وتروح تعرض الوضع على ميكانيكى خارج البنزينات مثلا

___________________

أما لو أنت حاسس أن الوضع مش مؤثر قوى

يبقى الطناش مطلوب حاليا

**M.Zaher** · 18-07-2010 09:13 PM

المشاركة الأصلية كتبت بواسطة mahmoud5777

لو المكنة قديمة شوية فكل زيوت الشنبر تعتبر محسنات لزوجة للزيت يعنى بتخلى الزيت يحتفظ بلزوجته شوية لما يكون سخن والمفروض صوت المكنة يتكتم شوية او ينعم موش يعلى وممكن يسبب صعوبة دوارة فى الشتاء يعنى تحس انك عاوز تأخر كهربا بس فى العموم انا موش شايف ان مرة زيت شنبر هاتعمل حاجة خصوصا ان العبوات بتاعته بيبقى مكتوب عليها انو بيضاف للموتور السليم علشان يحافظ عليه
ده غير انو فى واحد قريبى فى ايطاليا بيقول انو بيشترى العربية تقعد معاه 3 سنين ويغيرها من غير مايغير زيت خالص وبيقول ان عملية غيار الزيت ده نوع من النصب علينا
بس مادام حمارتك العرجة تغنيك عن سؤال اللئيم واحنا موش بنشترى عربية جديدة كل 3 سنين يبقى خلينا فى المضمون ونغير زيت
اللي اقصده متتخضش غيار الزيت مايستاهلش ده كله
طنش لغاية ما تغير او لو ظبطت معاك تغيير الزيت فبل معاده بشويه توكل على الله
لو خايف اعمل اللى قاله باش مهندس سمير جركن واقسمه على اتنين مع اللى موجود فى العربيه
وحرام عليك تنزل الزيت وتحط غيره مانصحكش

انا معاك في الراي ده
وخصوصا انه ماقللش اللزوجه
و حكاية تغير الزيت دي
واحد قاللى شغال في شركه زيوت هنا في مصر خلى الزيت في عربيته 40 الف كلم و محصلش حاجة

**samirayad** · 18-07-2010 09:22 PM

واحد قاللى شغال في شركه زيوت هنا في مصر خلى الزيت في عربيته 40 الف كلم و محصلش حاجة

قوله أصبر

فبداية الغيث قطره

بكره حيحصل اللى أنت مش متوقعه

وحترمى المكنه وتشترى واحده أستيراد

**misoalex** · 19-07-2010 05:57 AM

بتاع البنزينه معرفش ينزل نص الزيت او استسهل عشان المروض يقفل الطبه وهى لسه بتنزل زيت

لو عاوز تعمل زى بشمهندس سمير قال يبقى هات حاجه نضبفه ونزل فيها الزيت كله
وبعد كده حط نصه مع نص موبيل فقط من غير اضافات

وخلى النص التانى معاك

**MostafaAssem** · 20-07-2010 02:59 PM

امبارح رحت أعمل حركة ال 2 لتر.
أشتريت موبل 1 تانى 4 لتر (250 جنيه )
رحت بنزينة شل (سيبك من اللخبطه ده )، اتحايلت عالراجل لحد موافق انه يغير لى زيت موبيل.
نزل 4 لتر فى جركن، حط منهم 2، زائد 2 لتر تانين من موبيل الجديد.

الحمد لله، العربيه أحسن كتيير . السحب أحسن و الصوت أوطى (بس و أنا ماشى بس. وأنا واقف، الصوت ماوطاش).
هو أعتقد سحب العربيه كده قريب من الأول، بس مش زى الأول تماما.

يا ترى الزيت ممكن يخف شويه بعد كام ألف؟
و تفتكروا بعد الغيار ده، أ حط ال2 لتر اللى أنا نزلتهم ولا لأ؟
و هل ممكن أعمل حاجه تخفف ال2لتر اللى معايا دول قبل مأحطهم فى الغيار اللى جاى؟

و شكرا.