الموضوع: صنايعية الكاوتش في محطات بنزين الصحراوي - نصابين؟

المشاركة الأصلية كتبت بواسطة dr.mostafa anwar

باشا انت عربيتك لانسر خضرا ؟؟

انا عربيتي كيا سيراتو بس بس في الموقف ده انا كنت مسافر بلانوس جولييت و هي اللي حصل فيها الموضوع ده

و انا اتعمل فيا نفس الموقف من كام يوم عند واحد بتاع كاوتش مش محطة على شارع فيصل الرئيسى اودام العشرين كدا و طلعلى 10 اخرام من الكاوتش من فردة واحدة و دفعنى 100 مع ان اصلا الفردة مستعملة بتعمل من 80 ل100 و انا لسة جايبها جديدة و معملتش 500 كيلو حتى و دمى اتحرق جدا و انا لو كنت اعرف ان اصلا فيها الاخرام دى كلها سواء هوة عملها او من ازاز او غيرة مكنتش عملتها و زودت على ال100 الى دفعتها و جبت فردة جديدة وحسبى الله و نعمة الوكيل

المشاركة الأصلية كتبت بواسطة engahmedsamy

12 خرم و صدقت ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟

المشكلة انه بيطلعهم قدامك في صورة حتة في الكاوتش بتطلع فقاقيع مع الصابون حتى لو الخرم نفسه مش باين , انا سمعت من واحد بتاع كاوتش بس ملتحي و عنده ضمير انهم بيخرموه بنفسهم و انت مش واخد بالك , و اخ برضه هنا فاضل رد في الموضوع ده و قال انهم بيخرموه بحاجة معاهم بخفة ايد

و المشكلة اني كنت على طريق سفر و مع اني عرفت جوايا ان في نصب في الموضوع اضطريت اني اعملهم علشان دي الحاجة اللي انت ماشي عليها في الطريق و كان معايا ناس كبار في السن و ما اقدرش اخاطر
كل حاجة تلاقيها بتمسكك من ايدك اللي بتوجعك يعني علشان كده الموضوع ده منتشر على طرق السفر اكتر و كمان لصعوبة انك ترجعلهم تتخانق معاهم او تجيبلهم بوليس, في الغالب انت زبون مرة واحدة و خلاص و بتبعد بمسافة كبيرة و مش هتشوفهم تاني
انا على فكرة قلت للحيوان ده لو فيها اكتر من 5 اخرام ما تعملش حاجة و ركبلي الاستبن قالي يا باشا حرام تمشي على الاستبن في طريق سفر

و فعلا لما طلع اكتر من 5 اخرام قلتله ما تعملش حاجة راح منزل الكريك مرة واحدة و العربية اترزعت في الارض و قفش و قال مش هشتغل و اضطريت اروح احايله علشان يرجع يشتغل و يخلصني!! شوف الوساخة

لزوم العلم مرة تانية
دي اول بنزينة في طريق القاهرة اسكندرية الصحراوي بعد ما تعدي البوابات على اليمين بكام كيلو (من 5 ل 15 كيلو مش فاكر بالظبط) وواخدة لون اخضر و بتنزلها من فتحة صغيرة في صدادات الطريق في طريق ترابي صغير و ملهاش طلعة غير برضه على طريق ترابي مكسر و ممتد شوية لقدام
و الحيوان ده عيل عنده بتاع 20 سنة و جسمه صغير بس شكله لبط و معاه راجل كبير تخين شوية و لابس نضارة و شكله غلبان بس ابن ......

اللي يعرف يطلع تربنتين اللي جابهم همة و اللي مشغلهم ليه الاجر و الثواب ان شاء الله

نصيحة لو حد بتاع كاوتش سواء كان فى بنزينة او غيرة قالك الهوا ناقص و يكشف علية و كدا اكشف علية عادى مافيش مشكلة بس و انت عينك علية و مركز معاة جدا و لو قالك اكسر العجل يمين او شمال اعرف ان دى كلمة السر و هبتدى يخرملك الكاوتش و اوعى تبعد عينك عنة فانت تقلة ياة دا انا نسيت الفلوس زودها و خلاص و بعدين ابقى اعدى عليك

المشاركة الأصلية كتبت بواسطة mohamed_selim

باشا ابعد عن الاصلاح فى البنزينه ... يزود ماشى يقولك فيها حاجه قوله شكرا و روح شوفها عند حد تانى مش فى بنزينه
لو دورت فى المنتدى هتلاقى حكايات كتيره زى اللى حصل معاك
مش مشكله الفلوس كويس انك مسافر و انت مطمئن بس النصب ده زاد عن حده و فى نفس الوقت متضمنش شخص باللا اخلاق دى شغله عامل ازاى و ممكن يبوظ الدنيا علشان مفيش ضمير

و على فكره مش فى الصحراوى بس ... لللأسف فى اغلب البنزينات

والله اتعملت فيا فى محل كاوتش عادى على شارع فيصل اودام شارع العشرين كدا مش شرط بنزينة بس فى ناس كتير معندهاش ضمير