الحقيقة انا متابع الموضوع من الاول و الحقيقة دى من المواضيع النادرة اللى كل طرف فيها سواء مؤيد او معارض ...صح
فى حاجة واحدة بس عايز اقولها
(اللى لية أب أو أم لسة عايشين ...متستاهلش يتحرموا منة وهو عايش ...بس)
عرض للطباعة
الحقيقة انا متابع الموضوع من الاول و الحقيقة دى من المواضيع النادرة اللى كل طرف فيها سواء مؤيد او معارض ...صح
فى حاجة واحدة بس عايز اقولها
(اللى لية أب أو أم لسة عايشين ...متستاهلش يتحرموا منة وهو عايش ...بس)
موضوع شيق ومحترم ولسه متابعه دلوقتى اصلى بقالى فترة طويلة ما دخلتش على النت
قرات التعليقات ومفادها ان مفيش حد راضى عن الوضع فى مصر والبعض قال انا قابلها كده زى ماهى
والاخر قال اطفش احسن وده مربط الفرس الامبالاة هى الشعار الكبير لجميع المصريين اللى بيتكلم عن النظافة يرفع مسئوليته عن الفمامه فى الشوارع وطلع مصدرها الرئيسى الكائنات الفضائية اللى ماليه البلد
والزحمة برده العيال الجهات المعادية هى اللى بتحدفهم علينا كل يوم بالبارشوت
الديموقراطية لازم حديفرضها علينا عشان مش فاضيين,اللى مبهور بدول اوروبا جدا والحرية والنظام هناك الناس هناك همه اللى فرضوه ليه؟ عشان هما اللى اختارو ده ونفذوه لما ما عاجبتهمش الملكية عملوا ثوره ولان الشعب اللى عمل الثورة فهو اللى حكم نسه ماعجبهمش الوضع عمله الشيوعيه مانفعتش غيروها راس مالية وهكذا كان دورنا ايه فى كل ده !!! نفخر بالفرجة واكل الملوخية.
الخلاصة اللى عايز يغير بايده يغير وإن شاء الله هانتغير لان فى ناس كتير بتشتغل عشان مصر بجد مش عشان فلوس مصر لان اللى بيحب لا ينتظر المقابل ولازم بجد نحبها عشان لو بعنا كلنا مش هايبقالنا مكان فيها بجد مش هزار واللى حبها واشتغل عشانها يستاهل يعيش فيها...
مع كامل احترامى ... بس حضرتك مش شايف ان الكلام دة شعارات ... ومش حتفيد ...
كلام حضرتك يمشى لو اتقال ل 80 مليون مصرى وفى قانون الزمهم ( بالعافية ) على التنفيذ ... و لو نص ال80 مليون ( كانو ملتزمين كفاية )اتبعو النظام والقانون ... البلد حيتصلح حالها
من فضلك قول لل40 مليون يصلحو حالهم ... وانا مستنى النتيجه ؟
صحيح وقبل ماتقول انى ابد أبنفسى انا مثلا عمرى ما برمى منديل فى الشارع ومخلى دايما كيس تحت كرسى العربية برمى فيه اى حاجة ( كانز مناديل اى حاجة ) وبعد كدة ارمى الكيس كله فى القمامه :) ( يعنى بحاول زى مابتقول حضرتك اكون متحضر حتى ولو قدام نفسى ) . ؟؟؟ هل مصر اتغيرت ... هل السواقين اتصلح حالهم . قولى فى كام واحد مصرى حيهتم بأنى حاطط كيس تحت الكرسى وبرمى فى المناديل ... كتيييييييييييييير جدا حيقولو دة فاكر نفسة عبده النظيف .. وناس تانة حتقول فاكر نفسة فى محمية طبيعية ...:p وعدد قليل جدا جدا الى حيقول كويس ان فى حد بدأ بنفسة
و اخيرا انا مش بحب الملوخية
:) اخوك فى الوطن فيات متفائل :D
مصر هى ..... ونيلها هو ......
النيل روانى والخير .......
مصر طبعا
اى بلد بتحترم حرية و كرامة الانسان و مفيش تمييز بين الناس على اساس الدين و العرق و اللون و الثروة و فيها قانون ماشى على الجميع الغنى زى الفقير و اللى فى السلطة زى المواطن العادى تستحق ان يعيش فيها الانسان و تصبح بلدى مش البلد اللى اتولدت فيها بالصدفة و بدون اختيارى .. و لو البلد اللى اتولد فيها الانسان فيها ليس له قيمة او كرامة تتحرق فى داهية ..و البلد اللى كلها جهل و تخلف و غوغائية و سلوك غير متحضر وتسعصى على الاصلاح تغور بلا حزن او زعل .. تخيلوا عندنا ناس بتحرم كل شئ حتى بتحرم النكت و الضحك !!... ايه يا ربى الكأبة اللى احنا فيها دى احنا حنعيش كام مرة ؟؟؟ .. و الموضوع مش بس بلد بيوفر فرصة عمل و مرتب كويس .. الموضوع منظومة كاملة و بيئة صحية يعيش فيها الانسان .. اللغة ممكن يتعلمها الانسان و الدين ممكن يؤمن بيه الانسان فى اى مكان و الاصدقاء ممكن يكتسبهم فى اى مكان .. اسوأ شئ الواحد يعيش غريب فى بلده .. افضل اعيش فى بلد متحضر حتى و لو مش بلدى الاصلى .
اه بيتحرم الضحك المارد بيه السخرية واماتة القلب
وبنحرم النكت اللي اي شخص يسخر بيها من غيرة
لان غيرة ده ممكن يكون انت
تخيل نفسك ربنا خلقك قصير وواحد قعد يقول نكت عليك ويسخر منك هاتزعل ولا لاء
لو اتولدت في الصعيد والناس ليل ونهار بتستهزء بيهم
بيتهيالي اننا لم نقول غلط على حاجات زي دي
نبقي احنا كدة على درجة من الرقي والثقافة وبنمنع الضحك الرخيص المبتذل وبنطبق تعاليم الشرع والدين اللي هيا اساس حياتنا
مش نقول هيا الدنيا ايه غير حياة واحدة نعيشها بالطول والعرض
وبعد كدةو ترجع تقول نبطل جهل وتخلف
طب ما اللي انت بتنادي بيه ده قمة الفوضى والجهل
يا سيد كريم بالله عليك يا رجل يا تقى يا مسلم .. حد اتكلم على الضحك بالسخرية على انسان ذو عاهة ؟؟؟ ..و هل جرح انسان ذو عاهة
لا يكون الا بالاستهزاء منه و الضحك عليه ؟؟ ..اليس من الممكن ان تجرح انسان و تهينه من غير نكته ؟؟..
تقول الضحك الرخيص و المبتذل ..؟؟ فهل انا تكلمت عن الضحك الرخيص و المبتذل بالتحديد ؟؟ .. يا سيدى هناك ضحك راقى و ضحك
مبتذل .. هناك تعبير ساخر من موقف و هناك سخرية من نقيصة لدى انسان كالبخل او الطمع او الخيانة او الادعاء بالعلم و غيره كما فى الكتب و المسرحيات و الروايات و الادب الشعبى و كما قالوا شر البلية ما يضحك وهذا يختلف عن السخرية من عاهة انسان ليس له دخل دخل فيها كالعمى او فقد ساق مثلا ..فهل انا تكلمت عن الضحك بهذا المعنى ؟؟ .. انا ارضى حكم جميع اعضاء المنتدى لو وجدوا فى كلامى ما يفيد بهذا !
الكوميديا لو درست تاريخ المسرح فن اصيل و معروف من عهد اريستوفانيس اليونانى .. و الضحك و النكته و خفة الدم حتى فى تناول الهام من
الامور شئ هام خاصة فى العصر الذى نعيش فيه و كله صراعات و حروب و دم و بحث مضنى عن لقمة العيش الخ
ومن حقى ان اتعجب من عقليات منتشرة الان تحاول تحريم كل شئ حتى الضحك - و لا اتحدث عن الضحك الجارح او المهين - و الذين يظنون ان التدين يعنى التجهم و الغلظة .. كما انى ارفض ان يحشر بعض الناس فى كل كبيرة و صغيرة الدين فى اى نقاش بلا داعى للادعاء بأنه افضل علما بمن يحاوره و يحاول اظهاره بمظهر من يقول شئ مخالف للدين .. يا استاذ كريم لا داعى لذلك و حياة والدك ..
تعارض ما اقول عن الجهل و التخلف .. طيب يا سيد كريم .. هل تعلم نسبة الامية الكاملة فى المحروسة ام لا تعلم ؟؟؟ هل تعلم عن الاحصائيات التى تظهر مدى التخلف فى معظم المجالات ؟ و بما اننا فى منتدى للسيارات فما رأيك يا ترى فى حركة السير فى شوارعنا ؟.. الا ترى بأم عينيك مدى الجهل و التخلف و الفوضى و البلطجة بصورة لا تراها فى اى مكان .. طيب بلاش رأيى انا .. اقرأ كل ما يقوله الزملاء فى كل المواضيع و اسمع شكاوى المصريين التعبانين المنهكين فى كل شئون الحياة فى بلدنا اللى مستخسرين عليهم حتى الضحك ؟؟؟ ..
تقول انى ادعو للعيش بالطول و العرض !!! .. طيب مرة اخرى هل قلت انا عبارة " بالطول و العرض " ام هى من ابتكارك لمحاولة
تشويه ما اقول ؟؟ .. يا سيدى انا قلت احنا بنعيش مرة واحدة و قلته فى سياق الحديث عن الضحك بالتحديد و لم اطلب من احد يعيش حياته بالطول و العرض فى الكباريهات !!! سبحان الله يا شيخ !..قلت ذلك بما يعنى مش ناقصة نعيش فى كأبة لمن يحرمون الضحك - و مرة اخرى لم اقل الضحك المهين لشخص او قيمة عليا .. انت تحاول تلوى الكلام و المعانى لتهاجمنى بعدها .. فهل هذه امانة او موضوعية ؟
و بتتكلم عن السخرية و الضحك الجارح ثم تقول انى" ادعو للفوضى و الجهل " !!!! ..مع ان مداخلتى كلها رفض للجهل و التخلف
و الفوضى !! ...
أنا أعيش في البلد اللي تقدر إنسانيتي .. دولة فيها نظام و تحضر و نظام ..
:):):o
مهما حصل ..... مصر اولاً و أخيراً ... بلا غربة بلا بتاع .. يكفى انك هنا مع أهلك وناسك و أصدقائك اللى لو احتجتهم أو احتاجوك فى أى وقت ح تلاقوا بعض فى الفرح والحزن سوا .... اللحظات دى لا تقدر بثمن ... :)
وبعشقك يا مصر ... يا أحلى بلاد الدنيا كلها ..... :) :) :)
أنا مع رأى أ/ عمرو (seat lover ) جدااااااااااااااااااااااا ااااااااااااااااااااااااا اااااااااااااااااااااااا
(اللى ليه أب أو أم لسة عايشين ...متستاهلش يتحرموا منة وهو عايش ...بس)