استطلاع رأى...بيه فى مصر وللا ارزقى برة
حكاية اخونا عصام الحضرى اللى ساب ناديه ذو السمعة القوية محليا واقليما الى نادى سمعته على قده فى البلد اللى راح لها دفعتنى للتفكير فى هذة القضية
لو حيدنا كل الجوانب المادية، يعنى هنفترض ان امامك فرصة العمل فى مصر ب5000 جنيه مثلا فى مجالك (مهندس ، محاسب، طبيب، الخ) وفرصة اخرى فى الخليج بما يقابل 7000 ريال سعودى بحسب عملة البلد( وقيمتهم فى بلدهم زى ال5000 آلاف جنيه فى مصر تقريبا) وهتشتغل فى تخصصك لكن بدون ألقاب ، يعىن بدلا ما انت شغال هنا فى مصر سنيور او مدير قسم هتشتغل فى الخليج جونيور تحت رئاسة مدير هندى ، والاختيار التالت انك هتشتغل فى اوروبا سائق تاكسى او بياع فى محل ساندويتشات او بيتزا ب1500 يورو ، وفى التلات حالات عندك مكان للإقامة وسيارة متوسطة ودخلك بيكفيك اكل وشرب ولبس
ياترى اختيارك هيكون إيه وليه
اكيد طبعا الموضوع بالنسبالك كا بنت اصعب بكتير
اقتباس:
المشاركة الأصلية كتبت بواسطة OlaOsman
طبعا هاتقولوا آه طبعا ماهي بنت و لازم تتكلم بروقان كده، انما اللي حصل اني فعلا جت لي فرصة سفر من سنة تقريبا لإحدى دول الخليج و كانت فرصة كويسة و المرتب برضه كان كويس جدا مع البدلات و خلافه.. انما فكرت كتير و استخرت و تخيلت نفسي دوامة الغربة واخداني و واقعة في الفخ اللي بيقع فيه ناس كتير من اللي بيسافروا الخليج عشان الفلوس بس.. ساعتها رفضت العرض و قلت برضه مهما حصل آديني في بلدي وسط أهلي و ناسي.. آه ساعات بازهق و اطهق و ابقى عايزة أعيش في مكان يحترمني.. مكان ما اقعدش ساعتين في الطريق اللي ما ياخدش تلت ساعة.. مكان بيتطبق فيه القانون على الكل من غير تمييز.. بس رجعت أقول كل شئ له تمن و اللي قادر على التمن يدفعه.
انا بصراحة لو عندي اخت مش هرضي انها تسافر بس ممكن في حالة واحدة لو مع اهلها او جوزها
وانا معاكي فعلا في ان كل شئ له تمن و اللي قادر على التمن يدفعه.