هي البطارية بتموت مرة واحدة كدة؟؟؟

**abdelaziz-waleed** · 14-07-2010 05:13 PM

المشاركة الأصلية كتبت بواسطة tananybasha

هى بتموت فجأه
سكته دماغية
و هات 70 امبير كود n عشان اقطاب الفيكترا معكوسه

ههههههههههه جامدة سكتة دماغية ديه يا طناني
بس ازاي اعرف موضوع ال n كود ده وبيكون مكتوب فين؟؟؟

المشاركة الأصلية كتبت بواسطة n.a.j.d

انا اول مره اشوف بطاريه بتموت مره وحده

وانا كمان والله يا نجد. حاجة غريبة بس هو ده اللي حصل معايا

انا كلمت الميكانيكي اللي بيعملي العربية داخل مقار. اصله ساكن في حلوان
قاللي برده اجيب البطارية من برة واركبها ومش هحتاج ابرمج اي حاجة غير وحدات الرفع فقط
يعني مش هحتاج ابرمج لا مراوح ولا تكييف ولا اي حاجة
هجيبها وابلغكو بالاخبار

**N.a.j.d** · 14-07-2010 05:55 PM

ان شاء الله خير ياباشا ومستنين الرد

**thug** · 14-07-2010 06:52 PM

طب إسمعو دي

وحياتك أخويا جاب بطاريه سائله بقالها 3 ايام معاه بس,,,,,ولسه بيعدي عليا تحت البيت عشان نسافر
ببصله من الشباك لقيت صوت ,,,,بوووووووووووووم
والعربيه دردبت ميه تحت الكبوت ,,,,بيفتح الكبوت لقي البطاريه مشروخه شبه نصفين وكل الميه اللى جواها وقعت
والضمان معملش حاجه لأن شرط من شروط الضمان ...ان تكون البطاريه سليمه غير مشروخه !!!!!!!

**meika** · 14-07-2010 09:20 PM

بوص يا باشا الالوان فى البطارية مش مقياس لدرجة الشحن
تانى حاجة اخلع البطرية من العربية واشحنها برة وكمان قيس الدينموة

**mohamed_selim** · 14-07-2010 11:16 PM

المشاركة الأصلية كتبت بواسطة meika

بوص يا باشا الالوان فى البطارية مش مقياس لدرجة الشحن
تانى حاجة اخلع البطرية من العربية واشحنها برة وكمان قيس الدينموة

ايوه مبتديش درجة الشحن بس بتقول لو البطاريه انتهت (الابيض) او محتاجه شحن بس مش اد ايه (الاسود) او مشحونه و كله تمام (الاخضر)

**tananybasha** · 14-07-2010 11:20 PM

الجافة طالما ماتت مره ملهاش حل
و اكيد و انت بتركب الجديده هتراجع الشحن
رمز n لو مش موجود حتى هتلاقى القطب الموجب يمين و انت واقف قدام البطارية السالب شمال عكس كل البطاريات العادية

**tananybasha** · 15-07-2010 12:47 AM

انا نفسى و منى عينى البطارية تبوظ قبل ما الضمان ما يخلص
انا عندى بتضرب بعد ما الضمان ما يخلص باسبوع او 10 ايام

**lancerevolution** · 15-07-2010 01:03 AM

المشاركة الأصلية كتبت بواسطة abdelaziz-waleed

المفاجئة يا جماعة
البطارية سليمة وزي الفل وهتعدي الاربع سنين ان شاء الله
انهاردة عملت وصلة من بطارية تانية علشان اشغل العربية واخرجها من الجراج
المهم شغلتها ورحت لبتاع بطاريات يبعد عن بيتي 700 متر بالظبط
طبعا كنت سألته على سعر البطارية ال AC Delco ال 70 امبير قاللي ب 320 جنيه بضمان سنة وهياخد القديمة ب 30 جنيه لو 55 امبير و 40 جنيه لو 70 امبير تمام كدة
رحتله بالعربية
راح جايب جهاز تحميل ووصله بالعربية وكانت المفاجئة: قاللي البطارية سليمة يا باشمهندس وزي الفل ومش محتاجة تغيير
قاللي بطل العربية ودورها تاني. بطلتها ودورتها دارت عادي جدا
قاللي طب بطلها وشغل النور العالي لمدة 3 دقائق
بعد حوالي 5 دقائق من اشعال النور العالي والعربية مبطلة قاللي دور العربية. دورت دارت عادي جدا ومافيش اي مشكلة
قاللي ممكن يكون شحن زيادة او شحن قليل هو اللي يعمل كدة بس واضح ان كان عندك شحن زيادة
وافضل شيء تعمله علشان تحافظ على البطارية انك بعد ما تخلص مشوارك وتروح وتبطل العربية. حاول تشغل النور دقيقتين فقط علشان البطارية ماتكونش مشحونة على الاخر وتبوظ
الغريبة اني بعد ما رجعت البي والمسافة 700 متر فقط لاقيت البطارية مدية اخضر ومش مدية اسود
الحمد لله تم صرف العفريت اللي كان في البطارية والحمد لله

انا بقى عندي سؤال
بالنسبة للوصلة بتاعة البطارية. هل في منها انواع بمعنى ان فيه وصلات سلكها محمل ووصلات تعبانة
والوصلات النضيفة اجيبها منين؟

كدا فل قوى

-

-

الموضوع: هي البطارية بتموت مرة واحدة كدة؟؟؟

LinkBack

أدوات الموضوع

عرض

-

-

-

-

-

المواضيع المتشابهه

الطريق من القاهرة لرأس البر واحدة واحدة

امسك .. وادى كمان مصيبة ... واحدة واحدة يا ولاد ال.....

عايز امشى بالعربية واحدة واحدة من غير ما ادوس دبرياج,, هل ينفع؟؟

الكلمات الدلالية لهذا الموضوع

المفضلات

المفضلات

ضوابط المشاركة