الموضوع: إستفسار بخصوص المياه

المشاركة الأصلية كتبت بواسطة mostafashokry

السلام عليكم معلش أنا أسألتى كتيرة و يارب تكون وصلت و شخصت المشكله بضبط عشان اوفر عليك ترد على السؤال ألى جاى و أحب أوضح حاجه قبل ما أسأل , إن الجوان وش السلندر بيتغير لسبب واحد
فقط ألا و هو التسرييب و التسريب بيكون مش من خارج المحرك يعنى أنت ما بتشفش أى تسريب و لكن فقط المياه بتنقص كل شويه و بطريقه ملحوظه ,و لكن المياه بتروح فين؟ - أما بتخرج من الشكمان وده نادراً ، أما بتحترق فى غرف الأحتراق و ده بيكون أخبث نوع من التسريب لأنه مابيظهرش ألا لواحد خبره أوى و لكن ظواهرة كالآتى بتلاقى الميه بتنقص بشكل ملحوظ و تفتح غطاء الردياتير تلاقى فى فقاقيع هواء بتخرج من المياه و كلام ده تلاحظة و العربيه سخنه مش بارده و الحرارة تلاقيها ممكن فى معدلتها الطبيعيه و لكن المروحه ما بتفصلش و خصوصا فى النهار و على الطوالى ممكن تقصل بس مش كتيير , أما المياه بتروح على الزيت يعنى تقيس الزيت تلاقيه زياده أوى و فيه طحينه فى آخر المقاس الزيت أو فى كل المقاس ، أما بعض الزيت يروح على الردياتير و يعمل طحينه فى الردياتير و فى غطاء الردياتير و ده طبعا لأن الزيت كثافته أقل من المياه .
و أما سؤالى: ليك هل الوش راح للخراط و الميكانيكى ركب جوان ولا أتنين ؟
و هقول على حاجه مهمه أوى يا جماعة قبل ما تفك وش السلندر لأى واحد أبتلى بهذا العيب خلى الميكانيكى يبص على الفالف(الصمام) ألى داخل كوعة المياه و هو غالبا فى العربيات ألى فات عليها 5-6 سنين مش ضرورى أوى و عندنا فى مصر أيام اللادا بالأخص العربيه لسه زيرو بيشيلوا الصمام ده , و كتير من الميكانيكه بختلط عليهم وبيتسرعوا و يفكوا وش السلندر و عمر ما ما الجوان ألى بيركب بيكون ذى بتاع المصنع .

بص يا اخى اللى حصل انى رحت للميكانيكى وعملت كبس على دورة التبريد تبين وجود تسريب من مكانين الأول كوعة المياه ودى كانت ظهرت مع الكبس وبان تسريب المياه لاكن والعربية سخنة عمرها مكانت بتبان علشان السخونية بتبخر على طول المياه ومش بتبان للعين التسريب الثانى كان من تحت الجوان على طول من برة ودا كان واضح جدا مع الكبس نزلت تحت العربية وبصيت كانت المياه بتنقط قدامى من تحت الجوان على طول لخارج الموتور وكانت بتنزل على الأرض وكان فيه كمان طبه من ضمن الطباب كانت بترشح كمان وغيرت كل الطباب اللى كانت فى الموتور لما حليت الموتور الجوان محتاجش خراط نهائى والميكانيكى نضف الوش بالكشط كدا من كل الصداء والبلاوى اللى كانت جوة ولكن لم يكن هناك داعى لخرط الوش نهائى ودا اللى حصل وتم تركيب الوش وطقم طباب كامل وكوعة مياه ودا منع التسريب لفترة محصل اللى حصل معايا من اسبوع وهو نقصان المياه مرة واحدة وسريعاً ودا إكتشفت بعديه ان الكوليه اللى ماسك الخرطوم على كوعة المياه كان مكسور ومصدى ودا فى إعتقادى السبب الرئيسى لنقص المياه وحاليا العربية فى التجربة لو لاحظت نقصان ساعتها بقى اعمل كبس تانى واشوف العيب فين وربنا كريم وأرجوا إنى أكون وصلتلك المعلومة

أحب أضيف نقطة اخيرة وهى ان لما الموتور اتحل قدامى الجوان كان عبارة عن قشرة وكان فيه اجزاء منه زى متكون محروقة او متهالكة ودا فى إعتقادى سبب التسريب للخارج وكنت بلاحظ مياه بتنقط تحت العربية بمجردة إكتشافى لنقصان المياه