لالا كدة اهمال فى حق العربية فعلا...

**sahtot** · 24-02-2008 05:30 PM

هاى ازييكوا يا جماعة انا بس كنت داخل فى الهيونداى مخصوص علشان اعرف اكتر عن الكوبية عيوبها ومميزاتها حرقها سحبها كل الحاجات دية كنت عاوز اعرف عنها اكتر اصلها داخلة دماغى وناوى اشتريها فالى عندة خلفية يقولى يا جماعة بسرعة جداا واهتموا بالحتة دية شوية اصلكوا مش كاتبين عنها اى حاجة....شكرا

**CryptonX** · 24-02-2008 05:49 PM

عدم الاهتمام مش معناه ان العربية وحشة
بس تلاقي مفيش حد عنده او بيفكر يمتلكها

هي سيارة جميلة فعلا بس المشكلة ان في التمن ده في ناس بتبص لحاجة تكون عملية اكتر ( مش 2 باب )

**fahd_628** · 24-02-2008 06:04 PM

هية عربية جميلة جدا بلا شك بس كانت عاوزة محرك 2000 سى سى علشان تديك اداء رياضى كما يوحى شكلها لأنى فعلا اتغظت جدا جدا لما شفت حاجة و يمكن ناس كتيير متصدقنيش

شفت مرة كوبية و اكسنت 1500 سى سى القديمة و كانو بيعملو Drag يعنى من الثبات مش غرز و كدة و المشكلة ان الأكسنت عدت من الكوبية و انا الراجل بتاع الكوبية صعب عليا اوى :)

على فكرة محركها هو نفس محرك الفيرنا و الماتريكس و الجيتز و الألنترا 2006

**sahtot** · 24-02-2008 06:07 PM

:( مش يمكن المعلم الى كان سايق الكوبية كان جاهل شوية :) خيير يعنى انا ممكن اجيبلها موتور 2000 سى سى بس انا عاوز اعرف عن العربية نفسها يعنى ثباتها الصاج التابوة كدا يعنى ييعنى تستاهل سعرها ولا زى اى عربية كدا يعنى... واللف شكر يا باشا

**Hossam.Hamdy** · 24-02-2008 07:11 PM

بص الصاج بتعها زى باقى العربيات الجديده ...وهى شكلها بس الرياضى فوانيس قدام وورا كراسى سبور كده. انما الاداء مش زى honda sir يعنى
زيها زي الالنترا و الماتركس و الجبتس و الفيرنا
وبتهيألى لو كوبيه شد مع جيتس الجيتس هتخيطها..
بس هى شكلها جامد الجديده و اللون الابيض بتاعها تحفه و مش منتشر خالص بس جامد اخر حاجه