الموضوع: سؤال عن نيسان ليفينا

ألف شكر يا كريم على الموضوعات المفيدة اللى بعتها و بشكر العضو المميز فى المنتدى "أحمد" على نصيحتك ليا.

بالنسبة لى بفكر جديا فى الليفينا بالرغم من انخفاض سعر اعادة البيع ولكن اللى بسمعه فى الاوفر برايس للكارينز يعادل تقريبا الخسارة فى سعر اعادة البيع لليفينامع العلم طبعا للفارق بين مستوى جودة العربية اليابانى (حتى لو تقفيل صينى) وبين الكورى.

و من وجهة نظرى ان تعدد البلاد الخليجية اللى المستوردين بيستوردوا منها + بلد المنشأ بالنسبة للتوكيل و ده بيفرق فى الكماليات و اساسيات العربية زى العفشة مثلا (الخليجى غير المصرى طبعا) كل ده هيضر المستهلك اللى بيشترى الخليجى ذات الكماليات الكثيرة او اللي هيشترى الهاى لاين من التوكيل فى سعر اعادة البيع لانه هينزل كتير جدا.

لي ملاحظة على موضوع الجودة و التقفيل، كنت بتفرج على الليفينا و الكارينز من يومين عند احد المعارض اللى بتعرض كل انواع السيارات، ولاقيت الفرق فى الجودة واضح جدا بداية من فتح و غلق الأبواب و تقفيل التابلوه و الفرق فى الخامات المستخدمة فى الصالون الداخلى..... وطبعا الليفينا تكسب.

وفى حاجة كمان بترجح الليفينا بالنسبة لي عن الكارينز وهي مكان الصيانة، لأنى ساكن فى زهراء المعادى و السبع قريب منى جدا و اللى شوفتوا على المنتدى من شكر فى مركز الصيانة ده يخلينى ارجح كافة الليفينا.

الف شكر يا جماعة على نصيحتكم و ادعوا لى بالتوفيق فى قرار الشراء.

ألف شكر يا أبوحميد ، و انشاء الله ربنا يوفقنى فى شرائها و اكتب لكم تقرير بالتفصيل الدقيق الممل عن كل تفصيلة فيها، خصوصا انى غاوى تدقيق فى التفاصيل اوى. " نمكى" يعنى. هههههههههه

يا ابو حميد انا يزيدنى شرف بمعرفتكم وانضمامى لاسرة نيسان و سعيد جدا بالترحيب الجميل اللى لاقيته منكم، حقيقى جروب محترم جدا،،،،، بس فى حاجة !!!! و حياتك بلاش استاذ احمد ديه.... انا يا دوب لسه تامم الثلاثين الشهر ده.