تعديل في المكواة ل 1600

**Ralliart** · 16-07-2010 12:31 PM

المكوه نفس البومه فمبدئياً كده المايفيك 1600 وال1500 اتنين كامه مش هينفعو في المكوه ولا البومه
قدام حضرتك موتور بومه 4G18 1.6 L SOHC I4
4G93 1.8 L DOHC I4
4G93 1.8 L DOHC I4 GDI Turbo
4G94 2.0 L SOHC I4I4
4G63 2.0 L DOHC I4
4G69 2.4 L SOHC MIVEC I4

وانا لو مكانك هسقط 4g93 gdi او4g63 او 4g96 على حسب امكانياتي وعلى حسب المتوفر

**Haitham10** · 16-07-2010 02:25 PM

انا متشكر ليكم جدا ياجماعة بس بلاش نتوه ونروح بعيد

انا كان كل قصدي مكنة معينة بفتيسها ونظام تعليقها للمكواة

وفجميع الاحوال انا عايز ادرس الفكرة بالامكانيات ودة سبب سؤالي هنا
المكنة ال1600 الاوتو بتاعت البومة بفتيسها وهغير اكيد الStrut bar زيها
وعفشه المكواة ناشفه زيها معرفش هيه هيه ولا لا بس ممكن اغيرها برضه

السؤال هنا تمن المكنة دى كام وبيشمل ايه وهل ينفع abs
4G18 1.6 L SOHC I4

عاوز اعرف تكاليفها يعني

**Ralliart** · 16-07-2010 06:59 PM

طالما التعديل هيبقى لموتور بوما فمن الافضل والاريح والاقل تكلفه في الوقت والاوفر كمان هو انك تبيع المكواه وتجيب بومه

**Haitham10** · 17-07-2010 07:30 AM

هي الفكرة بس اني عاوز 1600 مش معقول الموضوع غالي اوي كدة معقول ؟؟

وبعدين عشان اشتري بومة لازم هيبقي 1600 بالabs لانها كانت معايا قبل كدة ولما الظروف توفرت جبت المكواة وكان معايا كريستاله فالموتور ال1300 دة فكرته معايا نيله خالص ومفيش حتي توفير بنزين لاني بقرص في السرعات الاولانية اوي عشان احس بسحب وحركة

فلو في موتور 1600 ويفضل لو معاه فرامل abs بعفشته وكل حاجه هيتكلف كام تقريبا

**Ralliart** · 17-07-2010 10:12 AM

الموضوع هيكلف لان العربيه لسه بينزل منها زيرو لحد دلوقتي وده السبب اللي هيخليها غاليه يعني انا سألت على الفتيس الستيب ترونك بتاع البومه كان ب3800 جنيه في حين ان السعر ده يجيب موتور كريستاله 1500 اتنين كامه بفتيسه بكنترولاته بكل حاجته
وكمان موضوع الـabs ده موال لوحده لانك محتاج الوحده بتاعته وهتاخد الاربع وصلات اللي رايحين للعجل بحساساتهم بكله

بجد الموضوع هيتكلف اكتر من الفرق في السعر بين البومه والمكوه وهيبقى شغل المصنع

**Haitham10** · 17-07-2010 02:24 PM

الفرق بالنسبالي عشان اجيب بومة فيها الكلام دة بالظبط 20 الف :) صعب موت

طب مش مشكلة المكنة بتاعت البومة انا شفت انك متابع في مواضيع تانية موضوع المواتير دي برضه وانك مهتم طب لو في مواتير تانية بس بجد عاوز واحد قليل يا 1500 او 1600
انا كنت بقول بتاع البومة لاني عارفه ومتعود عليه لو في حاجه قريبه له في الاداء ونعومة فتيسه رشحلي انا خلاص اقتنعت فعلا بوجهة نظرك لان صعب طالما الموتور لسه بينزل جديد