الموضوع: معاناتنا اليومية فى شوارعنا البهية (فضفض معانا بدل ماتفرقع )

المشاركة الأصلية كتبت بواسطة ahmedateya

انا بقى ببقى عامل حاجة لذيذة جدا
او ما حد من المتطفلين دول يحاول برمي الباراشوت
اقوم بعمل الآتي:

1اعللي صوت الكاسيت فيدب الرعب في قلب الباراشوت من صوت الصب الجهور (و غالبا بيفهم انك مجنون و ممكن تنزل تعوره فبيمشي بهدووووء)

2‏ لو فضل لسة راميها اقوم موللع سيجارة و احلق لوجوده و اتعامل على انه ذبابة واقفة على الازاز

3‏ لو فضل برضه (و من النادر انه يوصل للمرحلة دي) اقوم منزل الازاز 1سم و اقوله بمنتهى الحزم ''اتكل على الله'' و لو كرر محاولة لفت انتباهي اكرر''اتكل على الله'' بطريقة اكثر حدة

4‏ لو فضل برضه (و ده محصلش معايا الا مرتين) مبنزلش برضه من العربية و اقله ''هات تصريحك علشان اظاهر انك مش عايزه تاني''
و طبعا لا بيبقى معاه تصريح ولا غيره و بيفك من قدامك على طوول

صباح الفل على الشباب الرايق :D:D... والله نفسى ابقى زيك كدة ... وبتخيل نفسى لو عملت كدة .. انى فعلا حستريح نوعا ما ..... بس للاسف مش بعرف ... هو مافيش كورس فى كيفية الرواقان وتكبير الدماغ يا مان ؟

بس بأمانة
اصلى يا باشا ;)
احلى رد فعل ينفع فى بلدنا

المشاركة الأصلية كتبت بواسطة casperinoo

وديه كانت اول مره في حياتي اشتم هذا الكم من الشتايم((( الواحد طلع قليل الأدب قوي:())))

:D:D:D

سعات الواحد بيكتشف فى نفسة مواهب مدفونه مش بتطلع الى فى الوقت المناسب ..:D:D:D


لانى قولت لانفسى نفس كلام بالظبط ... وكنت مستغرب انا لية بقيت كدة

حضراتكو بتتكلمو عن ناس عاديه ماشيه بتسوق أو ناس بتبلطج وبتسمي نفسها سايس ... أنا الحمد لله بعرف أسوق ومتعلمها زي الكتاب مابيقول وكنت بسوق في الكويت داخل المدن عشان متعلقش (ده غلط أنا عارف) كمان في مصر كنت بسوق برضو داخل المدن بس سيارتنا الجمرك (في مصر مفيش غلط) (عارف إني غلط) ماعلينا قلت أطلع رخصه من أول ماجيت مصر للجامعه لقيت السواقا ولا كأنها بلاي إستيشين ولا كأنها لعبة السيارات التصادميه في الملاهي فضلت لحد اليومين دول خايف أحط رجلي على أي دواسة بنزين في مصر من الرعب فلما قلبي جمد قلت أطلع رخصه قالولي لازم مانيوال الأمتحان قلت أنا كنت باسوق مانيوال بس برضو أعمل واجبي وأروح مدرسة السواقة تبع المحافظه كنوع من المراجعه وتحسين الأداء أعتقادا مني إن ده حيكون عندهم أحسن من بره (زيي بقيت دول العالم العدله) شوفو بقى اللي بيحصل وقت التعليم
بتعرف تسوق
أنا/الحمد لله بس ضعيف شويه في المانيوال
المهم قلتله كده عشان يقول مليش فيها ويبدأ معايا من الزيرو
أستنى ينطق بحاجه أبدا (لحظات من الصمت يقطعها قفزة منه على الدريكسيون ههههههههه)
يدور الباشا وهو اللي بيسوق من الدواسات اللي عنده -حلو لحد كده- ألاقي عربيه جت قدامي بسرعه من جنبي ثواني بقت قدامي ووقفت فالبديهي إنك تعمل فلاشر شمال عشان تعرف اللي وراك إنك حتفادي اللي كابتن اللي وقف فجأه وقبل كده تبص في المرايا-يعني كلام العاقلين-فجأه ألاقي واحد بيصوت جنبي -السواق- ويقولي اللي معلمك معلمك غلط إنت إتعلمت فين لأأأأأأأأأ تعمل فلاشر ليه غلط -بكل برود مني أسف علمني الصح حضرتك لأني كنت فاكر لما أعدي عربيه أعمل فلاشر وأبوص في المرايا-بعدين مشينا شويه جينا عند صنيه دخلت الصنيه 100% لحد كده لقيت واحد من الماره بيعدي فدست دبرياج وبدأت أهدي بالفرامل عشان أحافظ عالمسافه على مايعدي وإذا بصرخه أخري إنت عملت إيه قلت دبرياج وفرامل لأ متعملش كده -في عقلي أومال أدوس الراجل أو أخبطه-عقدني الراجل ده والأغتت كانت السيارة لادا وطبعا تقيله يعني حتى لو غلطان يبقى ليا عذر إن أول حصه و على لادا ..فمش عارف أنا غلطان ولا إيه؟؟
مع إن تاني مرة سوقت أكسنت مع واحد تاني قلتله تاني حصه ماسمعش فقال دور وأطلع فطلع لوحدي من خبرتي ومشيت مع نفسي بس جيت في مكان كان في حفره فالعربيه كادت أن تقف -اللي أعرفه لما تقف السياره أجيب أول-فقلت أجيب أول عشان تديني عزم -وأنا عارف أنها ماوقفتش بس كادت أن تقف-فقالي إزاي بتقولي تامن حصه وتعمل كده بيني وبنكو ضحكت وقلتله والله دي تاني حصه بس كنت بسوق أوتوماتيك وناسي المانيوال - لقيت الراجل قالي أنا اللي أسف من تاني حصه وكده ماشاء الله نظراته كانت كده-فمش عارف برضو أنا غلطان؟؟؟
بس فعلا الأولاني اللي لسه معصبني للحظه دي..وده خنقني لأني قلت إذا كان ده واحد بيعلم فما بالكم باللي إتعلموا منه عاملين إزاي!!!!(سؤال يطرح نفسه كان معكم mohamed_88skمن أحد مدارس القياده بالمحروسه)حاجه نسيت أقولها معندهمش أماكن للتعليم بيخلوها في الشارع من أول مرة ده برضو أثار غضبي وحزني على بلدي.........................

انا الموضوع يختسر في كلمتين هل ينفع انزل من الشغل الساعه 1 ظهرا" متجه الي الدقي شارع مجلس الدوله ارجع تاني الشغل الساعه 5.10 المغرب ده ينفع مع ان المشوار اللي انا ريحه مخدش غير 10 دقائق .....................
ارحمنا يارب برحمتك

و الله المواقف اللي تفقع كتير ..

ولكن امنيتي الكبيرة في الحياة بعض النقاط التي قد تبدو بسيطة و ساذجة و لكني نادرا مش بشوفها :

نفسي اي حد قبل ما ييجي شمال او يمين .. يدي اشارة !! بسيطة اوي
نفسي ابص في مرايته و هو بيكسر بغشومية كدة .. الاقيه باصص فعلا
نفسي الاقيه فاتح المراية اصلا !! (فيه بنت ساكنة عندنا في العمارة ماشية من غير المرايا اليمين المكسورة بقالها 6 شهور مثلا )
نفسي مبقاش ماشي علي 100 في الحارة اللي في النص عالمحور و واحد يلزق ورايا يقلبلي نور !!
نفسي لو واحد بيلف يو تيرن .. ملاقيهوش كسر عالشارع كله من اقصي اليمين لأخر عربية في الشمال !
و يا سلام لو كل واحد يلتزم بحارته و يعرف ان جميع الحارات ماشية في طريق واحد واقف و ملهاش لازمة الشقلباظات اللي بيعملها .. اكون شاكر جدا

بعض الامنيات الهبلة اللي من الممكن ان تجعل يومي اكثر سعادة !

المشاركة الأصلية كتبت بواسطة mohamed_88sk

حضراتكو بتتكلمو عن ناس عاديه ماشيه بتسوق أو ناس بتبلطج وبتسمي نفسها سايس ... أنا الحمد لله بعرف أسوق ومتعلمها زي الكتاب مابيقول وكنت بسوق في الكويت داخل المدن عشان متعلقش (ده غلط أنا عارف) كمان في مصر كنت بسوق برضو داخل المدن بس سيارتنا الجمرك (في مصر مفيش غلط) (عارف إني غلط) ماعلينا قلت أطلع رخصه من أول ماجيت مصر للجامعه لقيت السواقا ولا كأنها بلاي إستيشين ولا كأنها لعبة السيارات التصادميه في الملاهي فضلت لحد اليومين دول خايف أحط رجلي على أي دواسة بنزين في مصر من الرعب فلما قلبي جمد قلت أطلع رخصه قالولي لازم مانيوال الأمتحان قلت أنا كنت باسوق مانيوال بس برضو أعمل واجبي وأروح مدرسة السواقة تبع المحافظه كنوع من المراجعه وتحسين الأداء أعتقادا مني إن ده حيكون عندهم أحسن من بره (زيي بقيت دول العالم العدله) شوفو بقى اللي بيحصل وقت التعليم
بتعرف تسوق
أنا/الحمد لله بس ضعيف شويه في المانيوال
المهم قلتله كده عشان يقول مليش فيها ويبدأ معايا من الزيرو
أستنى ينطق بحاجه أبدا (لحظات من الصمت يقطعها قفزة منه على الدريكسيون ههههههههه)
يدور الباشا وهو اللي بيسوق من الدواسات اللي عنده -حلو لحد كده- ألاقي عربيه جت قدامي بسرعه من جنبي ثواني بقت قدامي ووقفت فالبديهي إنك تعمل فلاشر شمال عشان تعرف اللي وراك إنك حتفادي اللي كابتن اللي وقف فجأه وقبل كده تبص في المرايا-يعني كلام العاقلين-فجأه ألاقي واحد بيصوت جنبي -السواق- ويقولي اللي معلمك معلمك غلط إنت إتعلمت فين لأأأأأأأأأ تعمل فلاشر ليه غلط -بكل برود مني أسف علمني الصح حضرتك لأني كنت فاكر لما أعدي عربيه أعمل فلاشر وأبوص في المرايا-بعدين مشينا شويه جينا عند صنيه دخلت الصنيه 100% لحد كده لقيت واحد من الماره بيعدي فدست دبرياج وبدأت أهدي بالفرامل عشان أحافظ عالمسافه على مايعدي وإذا بصرخه أخري إنت عملت إيه قلت دبرياج وفرامل لأ متعملش كده -في عقلي أومال أدوس الراجل أو أخبطه-عقدني الراجل ده والأغتت كانت السيارة لادا وطبعا تقيله يعني حتى لو غلطان يبقى ليا عذر إن أول حصه و على لادا ..فمش عارف أنا غلطان ولا إيه؟؟
مع إن تاني مرة سوقت أكسنت مع واحد تاني قلتله تاني حصه ماسمعش فقال دور وأطلع فطلع لوحدي من خبرتي ومشيت مع نفسي بس جيت في مكان كان في حفره فالعربيه كادت أن تقف -اللي أعرفه لما تقف السياره أجيب أول-فقلت أجيب أول عشان تديني عزم -وأنا عارف أنها ماوقفتش بس كادت أن تقف-فقالي إزاي بتقولي تامن حصه وتعمل كده بيني وبنكو ضحكت وقلتله والله دي تاني حصه بس كنت بسوق أوتوماتيك وناسي المانيوال - لقيت الراجل قالي أنا اللي أسف من تاني حصه وكده ماشاء الله نظراته كانت كده-فمش عارف برضو أنا غلطان؟؟؟
بس فعلا الأولاني اللي لسه معصبني للحظه دي..وده خنقني لأني قلت إذا كان ده واحد بيعلم فما بالكم باللي إتعلموا منه عاملين إزاي!!!!(سؤال يطرح نفسه كان معكم mohamed_88skمن أحد مدارس القياده بالمحروسه)حاجه نسيت أقولها معندهمش أماكن للتعليم بيخلوها في الشارع من أول مرة ده برضو أثار غضبي وحزني على بلدي.........................

انا فى الاول لما قريت كلامك قولت يمكن فعلا المشكلة ان السواقين اتعلمو غلط بسبب الموضوع الى ذكرته !!!!!!!!! بس رجعت وفوقت وافتكرت انهم اساسا مش بيتعلمو ... دة طوالى بيجربو عملى فى الشارع فينا :D

ابتسم يا اخى فغداً يوماً اخر
;)

المشاركة الأصلية كتبت بواسطة hamedo0

انا الموضوع يختسر في كلمتين هل ينفع انزل من الشغل الساعه 1 ظهرا" متجه الي الدقي شارع مجلس الدوله ارجع تاني الشغل الساعه 5.10 المغرب ده ينفع مع ان المشوار اللي انا ريحه مخدش غير 10 دقائق .....................
ارحمنا يارب برحمتك

انا عندى اختصار اكبر .. لما تكون فى اول شارع احمد عرابى فى المهندسين ... كأنك جاى من العجوزة .. وعلاشان تدخل شارع جامعة الدول العربية ونزلت واحد صاحبك وعاوز ترجع تانى شارع احمد عرابى ... تقعد من الساعة 1 ونص لغاية الساعة 4 ؟؟؟؟؟؟؟؟؟؟ الكلام دة كان من حوالى شهرين ؟ وساعتها لقيت اليو تيرن مقفول خالص روح داخل من جمب سور الزمالك .. لقيتة مقفول اتحبست بتاع نص ساعة وطلعت على النفق لقيتة مقفول رحت لللفف وراجع تانى لقيت كل حاجة مقفولة ؟؟؟؟؟؟؟؟؟؟؟ ساعتين ونص علاشان مسافة لا تتعدى ال2 كيلو ؟؟؟؟؟؟؟:D متخيل!!!!!!!!

المشاركة الأصلية كتبت بواسطة fiatmomo

انا عندى اختصار اكبر .. لما تكون فى اول شارع احمد عرابى فى المهندسين ... كأنك جاى من العجوزة .. وعلاشان تدخل شارع جامعة الدول العربية ونزلت واحد صاحبك وعاوز ترجع تانى شارع احمد عرابى ... تقعد من الساعة 1 ونص لغاية الساعة 4 ؟؟؟؟؟؟؟؟؟؟ الكلام دة كان من حوالى شهرين ؟ وساعتها لقيت اليو تيرن مقفول خالص روح داخل من جمب سور الزمالك .. لقيتة مقفول اتحبست بتاع نص ساعة وطلعت على النفق لقيتة مقفول رحت لللفف وراجع تانى لقيت كل حاجة مقفولة ؟؟؟؟؟؟؟؟؟؟؟ ساعتين ونص علاشان مسافة لا تتعدى ال2 كيلو ؟؟؟؟؟؟؟:D متخيل!!!!!!!!

حصلي نفس الموقف
بس أنا من أول ربع ساعة أدركت الخطر المحدق بي
فقمت بركن سيارتي و تركتها إلى الساعة العاشرة مساءا و ذهب إلى منزل والدتي مشي .......... و كنت أسرع من كل الطريق
عارف الطريق بيقف ليه ؟؟؟
علشان الناس قمة الأنانية و محدش عايز يعدي حد
و الحكومة ....... سايبهم ينطحوا في بعض
------------
يارب أحرق سواقين الميكروباصات و النص نقل و النقل و الشباب اللي بيعمل غرز عمال على بطال
في جهنم يا سميع يا عليم إن شاء الله ( الدعاء فقط على قليلي الادب و إن كان أغلبهم )