بس الاحداث لكذا مدة زمنية
يعني الموضوع فيه خلط لحاجات من السعبينات والتمانينات والتسعينات
عرض للطباعة
بس الاحداث لكذا مدة زمنية
يعني الموضوع فيه خلط لحاجات من السعبينات والتمانينات والتسعينات
جميل جدا الموضوع ده
خد دي من التسعينات مش الثمانينات
اذا كنت تعود مسرعا من صلاة الجمعة لتشاهد عالم الحيوان ثم تنتظر انتهاء برنامج الشيخ الشعراوي لتشاهد القرموطي
ودي يعرفها سكان الجزء الشرقي لساحل البحر المتوسط دمياط بورسعيد وسينا
اذا اشتريت جهاز كاسيت به اف ام وانتظرت الصيف لتستمع لقنوات لبنان الغنائية وطفرة الغناء الحديث للمطربين الجدد ديانا حداد ووائل كفوري وكلودا الشمالي وغيرهم على اذاعات صوت الغد واذاعة الشرق وراديو سترايك وتدعو بالخير لاحمد شتا وصلاح الشرنوبي
[QUOTE=meero_boy2000;3872855207] ههههههههههههههههههههههههه هههههههههههههههههه يا باختك يا مان عشان اتنا كنت بجرى ورا عربية الكوكالا نفسها وملقتش الجادون اهو ايميها كنا هنكسب عجلة بيجوو هههههههههههههههههه بس بجد يا مان انت كتبت كلام جميل قوى وجامد قوى قوى وفكرتنى بخجات كتيرة قوى و تسلم أيدك وعقلك عشان فكرت فى الموضوع دة
تعرفو انا كان جالى ايميل فى نفس الموضوع كدوة هقلب عالية الدنيا وان شاء الله الاقية واجبهولكو
لا ماهو فيه حاجات تانية برده انا افتكرتها لوحدى
لما كنا ننزل الشارع نلعب اولى مع ولاد الجيران
العاب البلى المختلفة والكيس او العلبة اللى مليانة بلى ودى كانت تعتبر راس مالنا لانه كلما زاد عدد البلى وكلما كانت الالوان زاهية كان بيتحدد مكانتك فى الشلة
موضة البنطلون الصوف اللى بيتلبس تحت الجيب والبنت تبقى ماشية وكانها حفيدة هند رستم
والا الاحلى برده بداية البرمودا والوانه الزاهية
فى رمضان ساعة فوازير نيللى مستحيل تلاقى مخلوق فى الشارع
زينة رمضان اللى معمولة من الورق واللى كنا بنلزقها على الحبل بالنشا
ندرة العربيات فى الشارع يعنى كل شارع يبقى فيه خمس عربيات بالكتير والرصيف عريض وكلنا بنلعب عليه الاولى ونط الحبل واستغماية وكيك على العالى والا بنك السعادة كان حكاية لوحده
العيدية اول يوم العيد قبل ما الاهالى تبقى ناصحة وتاخد العيدية من الاطفال علشان تردها تانى واللعب اللى كنا بنروح نشتريها بالعيدية دى وذكرياتى انها كانت شوية لعب ماتزدش عن عشرة لعب طقم الشاى والبيانو والجيتار وادوات الدكتور والعرايس
والا اول مالكونو طلع كان حدث فى عالم الايس كريم
حاجات كتير ممكن نفتكرها وكلها ذكريات جميلة جدا واهم مافيها ان كلنا كنا بنعملها فى نفس الوقت ماكنتش الفروق الاجتماعية والاقتصادية وسعت اوى كدة بين الناس
ياه فكرتينى بالذى مضى
بس نسيتى ألبوم الشمعدان ولبان بمبم واكسب العربية الشهيرة 127
اظن ان طاهر القويرى عمل من ورا الاطفال ملايين :M_yes[1]:
اللي أنا فعلاً مفتقده جداً برنامج ماما ساميه بتاع يوم الجمعه
بيتهيألي ماكانش في طفل مش بيتفرج عليها
وحلقات الكلبه لاسي اللي كانت بتتعرض في أخر البرنامج
على قد ما التليفيزيون كان خنيق لكن كلنا كنا بنتلم ونتفرج على نفس الحاجه.
كان نفسنا أوي يبقى عندنا قنوات كتير، بس أهه دلوقت بقى عندنا قنوات كتيييير أوي بس ما بقناش نحب التليفيزيون زي زمان.
فى اغنيه بتاعت مودى راب اسمها تاكسى السهره بيتكلم فيها عن الزمن ده ودى كلماتها
ايه
انت مش فاكر واللا ايه؟
ارجع
ارجع لماضيك
تاكل ريري
الواد كان عنده حق
بولا بولا
أنا باكل سامبا
توت توت توت توت
طول ما ندي ضهرنا للترعه
ذهب الليل وطلع الفجر والعصفور صوصو صوصو
مواليد التمانينات تايهين في البلد دي
عايشين حياه غريبه مش عارفين ناخد وندِّي
مواليد التمانينات واقع م الحسابات
محدش همه حد فينا عاش ولا مات
أوزو وماما نجوى كانت البدايه في جيلي
إخترنا لك وتاكسى السهره والفيلم التسجيلي
أنا جيلي سينما الأطفال يوم الجمعه الصبح
والبرامج العجيبه اللي مكنش هدفها الربح
العلم والإيمان وإعلانات الشمعدان
كلنا جبنا شريط واتس ناو من زمان
رجل المستحيل وملف المستقبل ساعتها
روايات كتير مرميه معظمنا كان شاحتها
إحنا الجيل اللي فضل شهرين يشرب كوكاكولا
بندور عالجادون زي (.....) المسعوره
إحنا اللي ياما كنا بنفرد شعرنا بجلاد
بنقلد عمرو دياب في نور العين بالكريمات
إحنا اللي شوفنا مازنجر وجرين دايزر
بعد العيش البلدي كلنا الفينو كمان الكايزر
إحذر في أغنية إيه الأساتوك ده
إيه ورد الجناين ده اللي يصحّي النايم ده
مواليد التماننينات تايهين في البلد دي
عايشين حياه غريبه مش عارفين ناخد وندِّي
مواليد التماننينات واقع م الحسابات
محدش همه حد فينا عاش ولا مات
إحنا جيل عمرو دياب جيل محمد منير
مدحت صالح وعلي الحجار وغيرهم كتير
مصر في كاس العالم وكمان حرب الخليج
البوسنه والهرسك وإعتزال الخطيب
إحنا اللي إتحبسنا جوا القناه الأولى والتانيه
اللي يشوفنا يشوف الجون برجول جوه ألبانيا
إحنا الجيل اللي شاف التفجيرات في عز الظهر
الشركات توظيف الأموال والناس بتموت م القهر
إحنا اللي شفنا الرصاصه لاتزال في جيبي
أفلام حرب أكتوبر باتفرج ويا قرايبي
إحنا اللي بسرعه إشترينا بلوفر تمللي معاك
يوم الكليب كان منتشر في المحلات
إحنا اللي إتفرجنا على أفلام إسماعيل ياسين
والأفلام التاريخيه والناصر صلاح الدين
ياما لعبنا بلاي إستيشن ولعبنا الكوره الياباني
ياما إتخانقنا وقولنا هنعيد الماتش من تاني
مواليد التماننينات تايهين في البلد دي
عايشين حياه غريبه مش عارفين ناخد وندِّي
مواليد التماننينات واقع م الحسابات
محدش همه حد فينا عاش ولا مات
إحنا اللي كنا بنروح الدرس بالبسكليته
ونعاكس البنات ونتضرب من كل الحته
كمل ألبوم الصور إنزل إشتري اللبان
مع طاهر القويري جوايز الشمعدان
بعد التمثيليه بنلاقي حديث الروح
والأمهات تقول على سريرك ياللا روح
طول ما تِدّي ضهرك للترعه
محلول الجفاف خُد جرعه
كنت بتسحب أسرق المربى م التلاجه
آكل وأنا بتفرج على شاهد ما شافش حاجه
إحنا اللي كنا بنتفرج على كلام من دهب
وقرينا في الجرايد نجيب محفوظ اتضرب