ايه الجمال ده
و اضح ان اللوجان اظهرت موهبة الكتابة و التعبير عندك زى القمر عند القدماء
رقم العضوية : 61970
تاريخ التسجيل : 14Feb2010
المشاركات : 1,562
النوع : ذكر
الاقامة : Alexandria, Egypt
السيارة: .......................
السيارة[2]: Opel Vectra 2001
دراجة بخارية: 123
الحالة :
السلام عليكم ورحمة الله وبركاته
...............
..........
ده تقييمى بالتفصيل عشان ممكن ناس تستفيد منه
عمومآ اللوجان معايا من شهر 11
عامل بيها حوالى 17 الف كيلو
عدد الصيانات اللى عملتها فى التوكيل ... صفر
المشاكل اللى حصلت ورحت عشانها التوكيل مشكلتين
اولهم الازاز الخلفى اللى اتسرطن
وثانيآ صوت تخبيط وتزييق ورجرجه فى العربيه .. وكان حلها تربيط عفشه
تغير الزيت والفلتر بغيره بنفسى بره بالنوع اللى انا اختاره ..
وكلها زيوت معدنيه مش تخليقى
نيجى بقى للمشاكل اللى لاحظتها اول ما استلمت العربيه
فيبريشن فى دواسة البنزين .. انا قولت يمكن اختراع جديد للزغزغه
فيبريشن خفيف فى الفتيس ... عادى مكنش مضايقنى
العربيه فى المطبات والشوارع المكسره
حاسس ان العربيه طوبه حجر × حجر .. الكلام ده اول ما استلمتها
سحبها كان جميل جدآ
ثابتها معقول على الطريق
باور الدريكسيون ناعم وتحس انه ماسك نفسه !!
الكلاكس فضلت ادور عليه بتاع نص ساعه
فين الكلاكس وادوس على الطاره مافييييييش
وادور تحت وفى الطابلوه مافييييييش
اتجنيت قولت يمكن هى نازله من غير كلاكس
فى الاخر سألت المسؤل فى المعرض اللى كنت بتعامل معاه
قالى دى فى دراع الاشارات
طب نيجى لزراير الازاز ابص الاقيها مش فى الباب
طب واللى ورا لاقيتها ورا فرامل اليد !!!!
هو فى ايه يا جدعان انا شكلى مركبتش عربيات قبل كده ولا ايه
ما علينا
صوت الماتور وانت وقاعد فى العربيه مالوش صوت نهائى
بس لو انت واقف جمبها تحس ان صوت الماتور عالى شويه
طب على السرعات العاليه بعد ال 100
ابص فى المرايا اللى فى النص الاقى الازاز الخلفى شغال فيبريشن هزاز
والعربيه كلها بتتهز من صوت الماتور العالى
قولت يا واد طنش خالص اكيد بعد التليين الصوت هيهدى
وجيت اقفل المرايات حسيت انها اتكسرت وانا وبقفلها !!
فين وفين اما عرفت ان المرايات دى سوسته
وفى يوم لاقيت حراره فظيعه وسخنيه طالعه من تحت الدوسات
قولت يا نهار ازرق
العربيه لسه زيرو هى لحقت تجيب سخنيه فى الكابينه !!
وتعالى بقى فى كل اصحابى واحبابى واللى اعرفهم
انت ايه يا عم ايه اللى خلاك تجيب لوجان
يا عم طب مجبتش فيرنا ولا لانوس ولا اي حاجه تانيه ليه ؟؟
مشاكل من هنا على ضغوط من هنا
حسيت ان انا اتسرعت اما اشتريتها
وكرهت العربيه وكرهت نفسى بصراحه
فى الاخر قولت الله طب ما هى اي عربيه فى الفئه دى اكيد ليها مشاكلها
طيب يا عم استحمل شويه وابقى بيعها بقى لو خنقتك اكتر
...........................
المهم كل الكلام ده والتفكير ده كان فى الاول خالص وفى مرحلة التليين
طب دلوقتى بقى ايه الكلام الجديد ؟!
اولآ مشكله الكلاكس عرفت واقتنعت هما حطينه فى الدراع كده ليه
كده احسن وبعرف استخدمه بسهوله وخصوصآ فى الملفات
ثانيآ اماكن زراير الازاز اخدت عليها بسهوله وبالنسبه لى مبقتش مشكله ولا مضيقانى
واما بركب عربيه تانى يمكن بستغرب من اماكن زرايرها اللى فى الباب
المسأله مسأله تعود
ثالثآ بقى هزة الدواسه بتاعة البنزين شبه اختفت تمامآ
وهزة الفتيس هى اه لسه فى هزه بس مش زي الاول دلوقتى على خفيف شويه
يمكن عشان مش متابعها ومش مضيقانى من الاول اصلآ
طيب صوت الماتور وهزة الازاز الخلفى والزنه على السرعات العاليه
الهزه اختفت خالص ونهائيآ
وصوت الماتور بقى اهدى بكتير جدآ وبقى عادى خالص
الفتيس ثلث فى غياراته لو بصوبع واحد بعمل بيه النقله بدون مشاكل
طب عضة المارشدير صحيح
خلاص اتعودت عليها استنى ثانيه واجيب مارشدير من غير عضه
وبعدين يعنى انا مش ماشى البلد كلها بضهرى
والفرامل جميله جدآ من اجمل ما يكون كلبشه على الاسفلت وثبات فظيع
وتخليك تجرى وانت مطمن على الاخر
طبعآ الدبرياج ميه فى رجلك خفيف ريشه
الدريكسيون اللى البعض حاسس انه تقيل شويه ده
والله مدى ثبات على السرعات العاليه الطاره مش بتروح وتيجى مع المطبات كمان
واساسآ هو مش تقيل بأيد واحده وشغال الله ينور
طب نيجى للعفشه اللى كانت حجر × حجر وناشفه جدآ
دلوقتى العكس صحيح
العربيه ناعمه جدآ جدآ فى المطبات بحس انها ريش نعام
والشوارع المكسره تحس انها متسفلته اساسآ
استهلاك البنزين انا عن نفسى مرضى عنه
مره فولت العربيه
وسافرت بيها القاهره كنت بقضى مصلحه ولفيت بيها كتير
ورجعت اخر النهار تقريبآ
والمفجأه ان كان لسه نص التنك تقريبآ مليان ورجعت بيها كده على اسكندريه
لغايت ما وصلت بيتنا وكان فاضل فى علامة البنزين شرطه واحده
زي الفل مش عايز اكتر من كده توفير فى البنزين
مع العلم انا مش بستهلك بنزين كتير فى اي عربيه اساسآ عشان سواقتى
بمور كتير على الطريق واما اجى اهدى والطلاعات واما اقف ابطل عربيه فورآ
مش بقرص على اي غيار نهائيآ
يعنى الحاجات دى فى بعض منها مفيده للتوفير وللسياره .. على حسب استخدامك
طب تزييق الازاز الجانبى اما تيجى تنزله او تطلعه
كان موجود عندى فى الاول وفجأه واحده وبدون مقدمات اختفى نهائى
وانا فى رئ هى بتعتمد على نظافة العربيه للزجاج عشان بيلم تراب وبيتحشر فيه
طب والسخنيه اللى بتيجى من الدوسات
المشكله دى حصلت معايا تقريبآ مرتين وبس
بعدها محصلتش تانى خالص !!
ولو كانت هتحصل كل شويه كنت هركب عازل واريح دماغى
التكييف زي الفل بس فى الحر الشديد بتلاقى صوت المروحه مزعج وعامل رجه ديمآ وانت مشغله
وحل المشكله من بعض الاخوه هنا عن تجربه ان فيها شحن غاز فريون زياده
ودى بتروح التوكيل بيقلل الغاز شويه
انا بالنسبه لى مكسل اروح اضبطه
يمكن لانى نادر اما بشغل التكييف حتى فى الحر
طب فى مشكله كمان المريات الجانبيه اللى ناشفه فى قفلها وفتحها !
على فكره المرايه اتخبطت منى كذا مره
وبتروح وتيجى مع الضربه يمين وشمال وهى دى ميزتها انها سوسته
طب والكاسيت بقى عندى ام بى ثرى وصوته نقى وعالى وزي الفل
مش محتاج اغيره ولا محتاج اغير سماعات هو كده تمام اوووى
الشنطه كبيره جدآ وفى مره خبيت فيها واحد صحبى وقفلت عليه !!
.........................
طيب نيجى للنفسنه بقى بتاعة الناس اللى مش بتحب اللوجان ولا الرينو
والله ناس تجيبلك احباط تام
مافيش واحد اعرفه الا وقالى ايه اللى خلاك تجيب لوجان !!
ومافيش على لسان اي حد الا ويقولك يا عم كنت جيب لانوس ولا فيرنا ولا بيكانتو
ولا نوبيرا ولا ولا ولا
وحاجه تخنق فعلآ
طب انتو ركبتو العربيه ؟ لا
طب بتقول على اي اساس انها وحشه ؟ مافيش اجابه مقنعه
سألت ناس قبل ما اشترى اللوجان
عن الفيرنا وعن الانوس وعن النوبيرا
ناس تقولك الفيرنا عربيه مش حلوه
وبالاجماع ان الانوس عربيه كويسه
طب نوبيرا نفس الكلام عربيه واسعه
وقطع غيار فى كل حته واى حد يفهم فيها
والكلام اللى احنا عارفينه ده كله
الفيرنا مستبعده تمامآ من تفكيرى هى عربيه اه كويسه اللى حد ما
بس مش مرتحلها نهائيآ
ودور ليها يا معلم هتلاقى مشكلها ومشاكل تقفيلها كتيره
تعالى للانوس عربيه محترمه
وزيها زي اي عربيه ليها مشاكلها برضو
طب ما هو معلش مع احترامى للجميع اي عربيه فى الفئه دى مستحيل تكون صح 100 %
او تكون مالهاش مشاكل نهائيآ !!
...................................
دلوقتى بقى العربيه مريحانى تمامآ
ومش مزعلانى فى حاجه
عربيه بتمشى وبتجرى وناعمه وثابته واوبشنز تمام
وبتقضى الغرض فى اسوء الظروف على اكمل وجه
معتنى بيها من نظافه خارجيه وداخليه
بعاملها فى السواقه كويس مش بضغط عليها
مطبات وحتت متكسره على اقل من مهلى مش مستعجل .. عشان العفشه
.....................
العين وما ادراك ما العين
اخدت العين فى الازاز واتسرطن وطرشق وانا جوه العربيه والحمد لله
خبطات مافيش غير خبطه وحده خفيفه من وقت قريب فى الرفرف الخلفى يمين
واحد احول رجع مرشدير وحصل اللى حصل
اتردت بشكوشين على البارد عند سمكرى معرفه محترم جدآ
رجعت زي الاول تمامآ
على كام خربوش بقى فى البويه كده مش مستاهلين حاجه
على نقره فوق الكبوت من العيال وحدف الطوب
وتوته توته خلصت الحدوته
وده كان تقريرى ورئى بصراحه تامه
واى جديد انا موجود وبقوله هنا دايمآ مع الوحوش
والله على ما اقول شهيد
[rmade]http://www12.0zz0.com/2015/02/12/19/718590391.jpg[/rmade]
رقم العضوية : 15895
تاريخ التسجيل : 06Aug2008
المشاركات : 586
النوع : ذكر
الاقامة : Helwan
السيارة: لوجان
السيارة[2]: فليشيا
دراجة بخارية: لا
الحالة :
ايه الجمال ده
و اضح ان اللوجان اظهرت موهبة الكتابة و التعبير عندك زى القمر عند القدماء
رقم العضوية : 13961
تاريخ التسجيل : 01Jul2008
المشاركات : 4,984
النوع : ذكر
الاقامة : Rehab city
السيارة: Nissan Sunny 2014
السيارة[2]: RENAULT LOGAN 2010
دراجة بخارية: agala
الحالة :
تمام التمام يا سوبر ستار
كل تقريرك صحيح تماما
الحاجة الوحيدة اللي خدت بالي منها التوكيل
يا راجل روح التوكيل انت اصلا دافع فلوس الضمان وحقك انك تركب البريك والعازل زيي وانسى بعد كده اي نتشة في الفتيس
حتى لو بتغير زيت بره روح على الصيانات العادية وخد معاك الزيت اللي انت عايزه زي ما بعمل
د. أحمد عبد الرحمن
ونرجع ثاني: نفسي الناس تبطل تقول الحشيش مفيهوش ادمان
رقم العضوية : 53342
تاريخ التسجيل : 18Nov2009
المشاركات : 1,095
النوع : ذكر
الاقامة : الأسكندرية
السيارة: لوجان 2010
السيارة[2]: بيجو504 موديل 1979
دراجة بخارية: لا يوجد
الحالة :
الله ينور عليك يا سوبر يا ابو اسكندر . كويس ان العربية مستحملاك . جايبها من شهر 11 و عامل بيها 17 الف . الله يكون في عونها . هههههههههه . ده انا شاريها اول شهر12 يادوب عامل بيها 5500 . بس بصراحة كل اللي انت قولته كان علي لساني و كأنك بتتكلم باللي انا عايز اقوله . بس مقولتليش لسه بتمونها بنزين 80 و الا بطلت . و علي فكرة يا ريت تقول لي بتغير لها زيت ايه و علي كام كيلو و بكام . و لية مبترحشي التوكيل لعمل الصيانة الدورية .
رقم العضوية : 70566
تاريخ التسجيل : 14May2010
المشاركات : 181
النوع : ذكر
الاقامة : Nasr City , Cairo
السيارة: الحمد لله هى واحده
السيارة[2]: Logan 2010 FO Red
دراجة بخارية: noooooooo
الحالة :
تقرير زى العسل يا باشا
انت راجل ميه ميه
كان لى سؤال بسيط كده هو انت حسيت بتحسن فى العفشه بعد كام كم
يعنى احسن اداء لها بعد كام الف
رقم العضوية : 45138
تاريخ التسجيل : 19Aug2009
المشاركات : 3,416
النوع : ذكر
الاقامة : Cairo
السيارة: Logan 2010
السيارة[2]: Fait 128
دراجة بخارية: لا يوجد
الحالة :
الف شكر يا سوبر على التقرير الجميل
الوا السياسة مهلكة بشكل عــــــــــــــام...و بحورها يا بني خشنة مش ريش نعام.
غوص فيها تلقي الغرقانين كلهــــــــــم. شايلين غنايم ...و الخفيف اللي عـــــام
رقم العضوية : 64297
تاريخ التسجيل : 06Mar2010
المشاركات : 142
النوع : ذكر
الاقامة : Nasr city
السيارة: logan f/o
السيارة[2]: lada ,verna
دراجة بخارية: no
الحالة :
رقم العضوية : 61381
تاريخ التسجيل : 08Feb2010
المشاركات : 57
النوع : ذكر
الاقامة : alexandria
السيارة: None .. Yet
السيارة[2]: Renault logan 2010 F/O
الحالة :
الحقيقة موضوع السخونة دة محصلش معايا إلا مرة واحدة و مرجعش تاني
و عضة المارشدير شبة غير موجودة و حرام انك تركب بريك وتفتح ال gearbox بتاع عربية زيرو العضة بتتلاشي تدريجيا ولو ماختفتش ابقي ركب بريك بعد ما العربية تستهلك شوية
بالنسبة للازاز الخلفي الي شغال فايبراشن انا جبت 130 ومفيش اي صوت نهائي لا موتور ولا ازاز ولا تزييق وثبات مش معقول ده انتا لو غمضت عينيك هاتحس انك واقف !!
الدركسيون النلس بتقول عليه تقيل لأ هو كدة ماسك نفسة ومدي ثبات كويس جدااصله لو كان خفيف هتلاقية بيحدف و ينطر وانتا داخل علي مطب و مابالك باللي حيحصل
الراجل اللي في التوكيل اما استلمت قاللي حط 92 محطوط علي غطا التانك من جوة انواع البنزين اللي ينفع تحطها
91-95-98
بس تقرير مية مية
رقم العضوية : 54247
تاريخ التسجيل : 30Nov2009
المشاركات : 86
النوع : ذكر
الاقامة : Alex
السيارة: Fiat punto
السيارة[2]: Renault Logan
دراجة بخارية: لا يوجد
الحالة :
اللة ينور مع اني سوقتها و محبتهاش ولا غيت حجزي للوجان عشان حسيت انها لادا 2015 بسب كل إلي حدرتك قولته في النصف الأول يمكن عشان انا راكب بونتو فحسيت كدة بس انت حتخليني افكر تاني بس يمكن اجيبها مستعملة عشن اجيب من الأخر ومندمش :)
بجد تقرير جميل جدا
رقم العضوية : 25415
تاريخ التسجيل : 17Nov2008
المشاركات : 1,284
النوع : ذكر
الاقامة : Helwan
السيارة: Logan FO 2010
السيارة[2]: Maruti2000-accent2000
دراجة بخارية: No
الحالة :
تقرير كامل ومفصل
جزاك الله خير
Eng. Ahmed Bakr
المفضلات