ده الحل الأمثل طالما أنك لا تمتلك خبره فى المجال ده
ولازم فى الأول حيتنصب عليك كيتير جدا بس المهم أن النصبه اللى تحصل تكون تحت السيطره
وفى نقطه مهمه جدا حضرتك قلتها أنك حتكتفى ب 3 عمال فى الأول وده غلط فظيع جدا
لأن لو واحد فيهم غاب يوم المحل كله توقف تماما والله أعلم أقل عدد يكون 5
وحتى لو ماغبش وألتزم ليه يوم أجازه فى الأسبوع ؟؟؟؟؟؟ وطبعا مافيش محل كشرى بيقفل ده شغال 7 أيام
ولو الكاشير غاب لأى سبب لازم تفكر حتعمل أيه وفى يوم أجازته الأسبوعيه مين اللى حيقعد مكانه
والأهم من ده كله أنت لازم تتواجد فى المحل فترات كثيره جدا وفى أوقات مختلفه عشان تعرف أيه الوقت اللى بيكون فيه ضغط شغل وأيه الوقت اللى مريح فىه الشغل وخصوصا لو أنت بتشتغل عشان تقدر تقيم الدنيا ماشيه أزاى
النقاط اللى فاتت عن خبره فى مجال المحلات بس محلات إيشاربات
لازم تسأل أصحاب محلات الأكل عن التعامل مع بتوع الصحه والتموين لأن دول لوحدهم ليهم طرق خاصه فى التعامل
النقطه الأخيره والمهمه جدا لازم يكون فى خط تليفون و2 شباب ديليفرى بعجل حتى على الأقل فى الأول
وتطبع ورق صغير عليه أسم المحل ورقم التليفون ويتوزع على البيوت والمحلات والسنترز الموجوده فى 6 أكتوبر
وربنا يوفقك للخير إنشاء الله
المفضلات