الموضوع: فكره محل كشرى محتاج رايكم

المشاركة الأصلية كتبت بواسطة احمد المصرى

انا باخد رايكم علشان كلكم ليكم وجهات نظر ولازم ادرس كل وجهات النظر بتاعتكم


وفعلا انا مش شرط كشرى بس المحل مجهز بالفعل كشرى بس لو لقيت حاجه احسن اكيد هعملها وطبعا فى الاول والاخر الارزاق بيد الله


وتقترح لو مكنش كشرى اعمله ايه ؟؟؟؟؟؟؟

لو هفتح حاجة اول شىء افكر فيه انه لو لاقدر الله فشل ماخسرش فيه كتير
واى حاجة بعيد عن الاكل عشان الاكل لو اتساب هيبوظ
يعنى مثلا محل موبيلات او كمبيوترات..واى حاجة زى دى
حلم حياتى انى افتح محل تصليح الكترونيات واصلح ببلاش ...هواية يعنى بس عارف الشعب ده هايجيبلى حاجة بايظة ويقولى ان انا اللى بوظتها

محل الكشري اهم حاجه فيه شيء واحد بس وهوا :
الصنيعي او الطباخ
لو تعرف طباخ وفاهم " بيقولو عليه صنيعي شاطر " توكل على الله لان ده بيكون معاه مفاتيح اللعبه كلها
هيقولك تجيب الحاجات منين بأسعار وجوده كويسه وكمان هيتابع العمال الى شغلين
الكشري بذات لو حلو هتلاقى كل العمال الى حواليك بياكلو عندك كل يوم على الاقل وجبه اساسيه سواء غدا او عشا بشكل يومي
لو طعمه نص نص هتلاقيهم بيجو يخدو واجبه كل يومين او تلاته

بعد كده المكان : اللى اعرفه ان الكشري بيحتاج مكانين مكان للطبخ ومكان للبيع والاكل
ومش مهم تصرف كتير فى الاول على المحل ابدأ وشوف الدنيا ماشيا ازاي الاول
ولما تعمل اسم وزبون ابقى اصرف على المحل براحتك

العماله : اعتقد فى الاول ممكن تبدأ ب 4 الطباخ والكشير وواحد بيعبى والرابع بيساعده
وحاول ان تختار العامل الى بيعبي يكون امين لانه ممكن لو الكاشير مش موجود يقوم هوا بالاتنين فى نفس الوقت
بخصوص الخبره : لازم تكون متوفره فى الطباخ "أو الصنيعى" وبخصوص الاتنين العمال ممكن الطباخ يفهمهم ويعلمهم الشغلانه ويتابعهم بعد كده

الدعايه : لازم تكون موجوده وظاهره وتفضل أكبر وقت ممكن
واحسن دعايه هى المنتج نفسه يعنى لو الطبق طعمه حلو والكميه مش قليله ده هيعملك الدعايه الحقيقة

اهم عيوب المشروع :
1- انك محكوم بحاجات كتير اسعاره متغيره باستمرار يعنى سعر الارز او الطماطم والعدس كل فتره بسعر شكل
2- الاسعار نفسها بقت غاليه يعنى العدس دلوقتى بقى الكيلو بكام يعد مكان من ارخص حاجه بتتاكل
3- احتياجك بشكل رئيسي ودائم لطباخ وهتقضل باستمرار تحت رحمته

نقطه فنيه "من اسرار المهنه" : لازم تعرف الناس الى انت بتبعلهم زوقهم ايه وتنفذه
مثلا فى ناس اهم حاجه ان الطعم يكون حلو دول تحاول يكون الاكل صابح على قد ما تقدر وتكترلهم المكرونه وتقلل الرز شويه وتهتم بالشطه بحيث متكونش حاره اوي لدرجه المراره ولا مخففه اوى وملهاش لزمه
وناس تانيه اهم حاجه انهم يشبعو دول تكترلهم الرز شويه هيروح لاكمهم :) وهيفضلو فتره طويله حاسين بالشبع وملهمش نفس ياكلو لمده كام ساعه بعد طبق الكشري اياه ده :))
لازم تعرف الزباين الى فى منطقه الى هتفتح فيها من اى نوع وتسخدم السياسه الى تربيلك زبون وتجذب اكبر عدد منهم

وربنا يوفقك