ما هى الحارة المخصصه للنقل والتريلات ؟

**ahmed76** · 19-07-2010 08:35 AM

المشاركة الأصلية كتبت بواسطة omaroof

المفروض الحاره اليمنى فقط واللى يتجاوز يتسحب رخصته وتكون غرامته كبيره فى يومين حاتلاقى السواقين احترمت روحها
ويكترو الدوريات وكل دورية تزود بكاميرة فيديو عشان يسجل المخالفه( عشان البوليس مايمشيهاش غلاسه ومزاج)

الله ينور يا استاذ عمر
بس نقول لمين الكلام ده
ويا ترى الفكرة دى ماجتش على دماغ حد من اللى ماسكين البلد ولا مش فاضيين

**shaddadfalcon1** · 19-07-2010 08:41 AM

المشاركة الأصلية كتبت بواسطة mahmoud_afifi

انا عملتها كذا مره وجابت نتيجه بس ماجاش في بالي انه ممكن يبقوا محششين زي مانت بتقول !
ومعاك حق انا بشوفهم بيجروا بسرعات غريبه وهما محملين على طريق مصر اسكندريه الصحراوي. وحتى داخل الاحياء السكنيه.

اصل انا شوفت واحد معاه باجيرو عمل الموضوع ده في سواق تريلا وخلاه يحترم نفسه ومن ساعتها وانا واخده مثل اعلى ليا :)

طيب انا هحكيلك موقف اتحكي لوالدي من الراجل نفسه

كان ماشي في طريق يادوب واخده ويعدي عربيه صغيره من جنبه وكان في عربيه ملاكي وعربيه جامبو وراه وشغالين كلاكسات وتقليب نور
صاحبني بص وراه ملاقاش غيرهم قام موسع شويه وعداهم لحد مابقو قصادو قام حادف عليهم وقلبهم هما الأتنين

بلاش ده - الموقف ده بقي حصل مع زميلي في الشغل
كان ماشي علي الأسكندريه الصحراوي وماشي في امان الله وفجاه الصالون بتاعه كله نور ولقا اكصدام عربيه كبيره علي القزاز اللي ورا - قرص جامد عشان يطلع منه لحد مابوظ الموتور والغريبه انه نزل من علي الطريق قام بتاع النقل رايح وراه يعني كان قصده

يعني الموضوع كله ممكن يكون كالأتي:
السواق: ايه رايك اخضلك الواد بتاع الملاكي اللي قدامنا ده؟
التباع: هوشه شويه كده
السواق يكسر عليه يقوم بتاع الملاكي عامل فيها الشجاع يقوم بتاع النقل مضيعه ولا من شاف ولا من دري

في مثل بيقولك Don't be the dead right

لما تشوف حد كده ابقي حذره باذوق وانت معاه ماستجش ابقي خد نمرته وبلغ عنه

**ainshouka** · 19-07-2010 02:54 PM

لما قريت موضوع النقل افتكرت حكاية التوك توك ماشى براحته وكان وراه نقل زمرله فلما فبتاع التوك توك قعد يشوحله فالنقل قرب الاكصدام بتاعه من التوك توك وشبكه فيه وفضل زاقق التوك توك قدامه وسواق التوك توك كان عاوز يبوس ايده عشان يسيبه :-)

**mahmoud_afifi** · 19-07-2010 05:29 PM

المشاركة الأصلية كتبت بواسطة shaddadfalcon1

طيب انا هحكيلك موقف اتحكي لوالدي من الراجل نفسه

كان ماشي في طريق يادوب واخده ويعدي عربيه صغيره من جنبه وكان في عربيه ملاكي وعربيه جامبو وراه وشغالين كلاكسات وتقليب نور
صاحبني بص وراه ملاقاش غيرهم قام موسع شويه وعداهم لحد مابقو قصادو قام حادف عليهم وقلبهم هما الأتنين

بلاش ده - الموقف ده بقي حصل مع زميلي في الشغل
كان ماشي علي الأسكندريه الصحراوي وماشي في امان الله وفجاه الصالون بتاعه كله نور ولقا اكصدام عربيه كبيره علي القزاز اللي ورا - قرص جامد عشان يطلع منه لحد مابوظ الموتور والغريبه انه نزل من علي الطريق قام بتاع النقل رايح وراه يعني كان قصده

يعني الموضوع كله ممكن يكون كالأتي:
السواق: ايه رايك اخضلك الواد بتاع الملاكي اللي قدامنا ده؟
التباع: هوشه شويه كده
السواق يكسر عليه يقوم بتاع الملاكي عامل فيها الشجاع يقوم بتاع النقل مضيعه ولا من شاف ولا من دري

في مثل بيقولك don't be the dead right

لما تشوف حد كده ابقي حذره باذوق وانت معاه ماستجش ابقي خد نمرته وبلغ عنه

انا معاك في الموضوع ده بس وقت العصبيه الواحد مابيعرفش هو بيعمل ايه.
وكمان فكرت اخد نمرة العربيه بس اكتشفت حاجه مش عارف صح ولا غلط وهي ان نمرة المقطوره غير نمرة العربيه النقل نفسها. العربيه بتبقى مترخصه نقل والمقطوره بيبقى مكتوب مقطوره باين. لذلك لما اخد نمرتها واجي ابلغ مش عارف هيمسكوه ولا لأ.

ياريت لو عندك تفاصيل تأكد كلامي احسن حد يقول اني بفتي

وشكرا

**shaddadfalcon1** · 19-07-2010 08:52 PM

المشاركة الأصلية كتبت بواسطة memo_p910

رجال المرور البواسل في الميدان لجباية المال فقط

بمناسبة رجال المرور
لسه راجع البيت من ساعه من عند مزلقان سيدي بشر والقطر جاي والعربيات مش عارفه تمشي عشان بتوع المشاريع عمالين يديرو من وسط الشارع اللي في وش المزلقان
العسكري مهنش عليه يوقف ناحيه عشان الكل يشتغل ولا يقولهم ينجزو لا بالعكس ده وقف ياخد نمر اللي واقف ومش عارف يمشي

**shaddadfalcon1** · 19-07-2010 08:53 PM

المشاركة الأصلية كتبت بواسطة mahmoud_afifi

انا معاك في الموضوع ده بس وقت العصبيه الواحد مابيعرفش هو بيعمل ايه.
وكمان فكرت اخد نمرة العربيه بس اكتشفت حاجه مش عارف صح ولا غلط وهي ان نمرة المقطوره غير نمرة العربيه النقل نفسها. العربيه بتبقى مترخصه نقل والمقطوره بيبقى مكتوب مقطوره باين. لذلك لما اخد نمرتها واجي ابلغ مش عارف هيمسكوه ولا لأ.

ياريت لو عندك تفاصيل تأكد كلامي احسن حد يقول اني بفتي

وشكرا

بيتيهالي كلامك صحيح وخصوصا ان في ناس بترخص الجرار من غير مقطوره وبعدين يشترو المقطوره وتترخص لوحدها

بس اعتقد اي نمره هتجبيه

**mahmoud_afifi** · 19-07-2010 10:10 PM

المشاركة الأصلية كتبت بواسطة shaddadfalcon1

بيتيهالي كلامك صحيح وخصوصا ان في ناس بترخص الجرار من غير مقطوره وبعدين يشترو المقطوره وتترخص لوحدها

بس اعتقد اي نمره هتجبيه

متشكر يا باشا وهضع كلامك في عين الاعتبار :)

-

الموضوع: ما هى الحارة المخصصه للنقل والتريلات ؟

LinkBack

أدوات الموضوع

عرض

-

المواضيع المتشابهه

طريقة جديدة لأخلاء الحارة الشمال من السيارات البطيئة

الحارة اليمين للسرعة فقط

حد قال ان الحارة الشمال للتجاوز ؟؟ طب اتفضل شوف الصورة دي .. (نوع جديد من الأغبياء)

حاره للنقل على الدائرى

هل الحارة البطيئة اتجاه واحد ام اتجاهين ؟

الكلمات الدلالية لهذا الموضوع

المفضلات

المفضلات

ضوابط المشاركة