الموضوع: لانسر مكوة مطلعش فيها فلتر تكييف

كنت قرأت موضوع في المنتدى إن اللانسر لغاية موديل بداية 2006 ما لهاش فلتر تكييف.

بس موضوع إنك تحطلها فلتر ما عنديش فكرة عنه.

المشاركة الأصلية كتبت بواسطة egy77

كنت قرأت موضوع في المنتدى إن اللانسر لغاية موديل بداية 2006 ما لهاش فلتر تكييف.

بس موضوع إنك تحطلها فلتر ما عنديش فكرة عنه.

شكرا ياصاحبي علي مرورك وردك. بس هو فعلا مكان تحسه جاهز لتركيب الفلتر نفسسسسسسسسسس المكان اللي فيه الفلتر بتاع البومة ونفس مقاسه. والكهربائي والله بالصدفة بساله هو فلتر التكييف فين قالي ملهاش وفعلا انا كنت شيكت قبل كد ولقيت مكانه مسدود ببلاستكة. فقال بتشتريه عادي في حدود ( 50 جنيه ) ويتركب عادي وممكن تحط فيه عطر عشان اول ماتشغل التكييف ميجبش الهبو اللي بتطلع مع بداية التشغيل ده. في انتظار حد من الشباب لاحظ الحوار ده في عربية مكوة او لقاه في عربيته.

وياريت لو حد يعرف او عمل الموضوع ده كمان لاني عندي في البطة مافيش فلتر وكل فترة بظطر اني اروح افك التلاجة وانظفها من كتر التراب اللي بيتراكم فيها

المشاركة الأصلية كتبت بواسطة zoro007

هوه فلتر التكييف دا مكانه فين ؟

والله اللي اقدر افيدك بيه ان مكانه في البومة ورا درج التابلو. بتفتح الدرج وفيه كلبسات كدة بتشيلها الدرج يطلع معاك. تلاقي وراه كدة علبة مستطيلة بيضا ( هي ده الفلتر ) او بلاسيكة سادة مكانه يبقي ده المكان. انما بالنسبة للبطة والكريستالة بصراحة معرفش بالظبط ممكن يبقي فين بس ارجح انه يكون في نفس المكان علي اساس انه قبل فتحات التهوية وهو ده احسن مكان يبقي فيه التكسييف في الموتور والفلتر في التابلوه ( ده لو كان فيهم فلتر اصلا) لان زي ماقال زميلنا انه فيه موديلات منزلش فيها فلتر ولحد 2005او 2006 بس كتير اوي. عموما برده في انتظار حد من الشباب عنده خبر الفلتر مكانه فين سواء بقي بطة او كريستالة او مكوة عشان الشباب اصحاب البطة والكريستالة عايزين يعرفو برده.

فامبير حبيبي بقالنا كتير متقبلناش
بص يا سيدي انا معايا زي ما انت عارف المكواة 2003 وكنت بشتكي من حوار التكييف لحد ما رحت انضف الفلتر اللي ورا درج التابلوة وفؤجئت انها ملهاش فلتر ولما سألت هنا في المنتدي المهندس طارق زويل قالي ان الفلتر بعد 2006 والكهربائي لما فك درج التابلوة طلع حاجة كدا زي علبة وقالي دي اسمها التلاجة وجاب خرطوم مياه وحطه جوة التلاجة دي وبعدها التكييف بقي زي الفل
احيانا بيخليني اسقع كمان واطفيه

المشاركة الأصلية كتبت بواسطة shooter123

فامبير حبيبي بقالنا كتير متقبلناش
بص يا سيدي انا معايا زي ما انت عارف المكواة 2003 وكنت بشتكي من حوار التكييف لحد ما رحت انضف الفلتر اللي ورا درج التابلوة وفؤجئت انها ملهاش فلتر ولما سألت هنا في المنتدي المهندس طارق زويل قالي ان الفلتر بعد 2006 والكهربائي لما فك درج التابلوة طلع حاجة كدا زي علبة وقالي دي اسمها التلاجة وجاب خرطوم مياه وحطه جوة التلاجة دي وبعدها التكييف بقي زي الفل
احيانا بيخليني اسقع كمان واطفيه

اتاخرت عليا (لاني كنت متوقعك من اوائل المشاركين اول ماتقرا كلمة مكوة ) لعل المانع خير ان شاء الله. والحمد لله شرفتني ياجميل بمرورك وردك. يعني فعلا زي مالواد الكهربائي قال ان مفيهاش فلتر وممكن يتركب بس حلوة فكرة التلاجة ده ممكن اعملها عشان ازود كفاءة التكييف. طيب معندكش اي معلومة بقي عن البطة او الكريستالة للشباب اللي سالت ( بس متهيالي كدة نسنتج ان هما كمان مفيهومش فلتر ) ومن الاخر كدة كل واحد يروح ينضف تلاجته.

ومتتاخرش عليا تاني ياجميل لانك عارف اني بثق في ربنا ثم كلامك ورايك في اي حاجة تخص المكوة لاني حاسس بيك اوي انك مهتم بيها. ربنا يديك خيرها ويكفيك شرها