هل لازال شاسيه الكريستالة يعتمد عليه ؟

**SkyBird** · 04-07-2010 12:12 AM

الكلام عموما عن موديل الكريستالة
احنا عارفين ان الكريستاله بقالها شغاله في الشوارع المصرية من 13 الى 11 سنة مطبات ومطر وبهدلة
كنت عايز اسأل لو شاسيه الكريستالة سلم من الحوادث لاقدر الله ومن الخبطات الجامده هل لازال يعتمد عليه ان الواحد يجري بالعربية وهو مطمن وهل يعتمد عليه انه يعدل على العربية مثل انه يركب موتور جديد 1800 مثلا ولا خلاص عمره الافتراضي انتهى
انا سمعت من صديق لينا في القسم هنا مش متذكر اسمه ان شاسيه الكريستالة هو شاسيه الايفو
بس مش عارف من حيث ايه يعني من حيث المتانه ولا التصميم ولا الشكل
ياريت تشاركوني هواجسي .........

**Ralliart** · 04-07-2010 01:15 AM

طالما سليم ماتخبطش ومفيهوش بارومه وشكله مش معووج يبقى يعتمد عليه عادي ولو سقطت موتور ابقى اعمل بارات علشان تطمن وتزود الثبات في الملفات
وبعدين دا الناس بتحط مواتير كبيره في ال128 اللي هي الشاسيه بتاعها بيفتح وهو زيرو والدنيا ماشيه عادي

**SkyBird** · 18-07-2010 03:39 AM

العربية من تحت في اماكن مكحوته وفيها صدا ومش عارف اعمل ايه للموضوع ده مقلقني جدا
بص في الصورة دي تلاقي صدا على العوارض من اثار الكحت في المطبات بالذات الناحية الشمال من الصورة اللي دايما عليها الحمل (يمين العربية)
وكمان ناحية المقصات
اشيل الصدا ده ازاي ؟

**M.Al-Hefnawy** · 18-07-2010 09:28 PM

موضوع الصدا ده بسيطة عند أي بوهيجي يصنفره كويس وبيعملها خلطة كده عبارة عن معجون فواصل (اسمه ترسون) بـ 35 جنيه أنبوبة زي بتاعت السيليكون كده ويخلطها في بنزين عشان المعجون ده مش بيدوب غير في بنزين مش هينفع التنر ويرشها على العربية من تحت بتبقى زي العزل بتاع الفبريكة.

**SkyBird** · 18-07-2010 10:55 PM

متشكر يا باشا على الرد الله يطمنك
طيب ترسون يترش على العربية كلها من تحت ولا الحتت المصديه بس
يمكن حضرتك ملاحظ من الصورة ان العربية مدهونة من تحت اندركوت

**SkyBird** · 20-07-2010 01:18 AM

واحد صاحبي قال خلي بوهيجي يدهنها بيوتامين من تحت (بيتهيالي هو الاسود في الصورة اللي مدهونة بيه العربية بس بيتخدش من المطبات)
هو افضل ولا معجون ترسون ؟

**HeMa_LanCeR** · 20-07-2010 02:34 PM

طبعا شاسيه يعتمد عليه لأقصي حدود
العربيه بيسقط فيها مواتير لحد 2400 سي سي وشغاله زي الفل
العربيه يعتمد عليها فعلا
وبالنسبه انه نفس شاسيه الايفو فا ده صح بس مع اختلاف وجود تقويات في اماكن معينه ليتحمل سباقات الرالي والخ...... وكده مش ممكن نقول ان هو هو نفش الشاسيه بالظبط
وبالنسبه بقي للجزء اللي فيه صدا عندك ده فا ده مايعتبرش الشاسيه ده جزء زياده عن الشاسيه علشان يمتص الاحتكاك
وانت ممكن تنظفه كويس وتدهنو بلاك مثلا
بس تدهن الجزء ده بس ماتدهنش حاجه تاني

**SkyBird** · 21-07-2010 07:30 AM

تشكر يا هيما على الاضافة القيمة جدا جدا

كنت عايز اسالكم يا رجاله
ازاي الواحد يصفح الشاسيه من تحت ضد المطبات ؟
او يدعم منطقة امتصاص الصدمات اللي على الاجناب