الموضوع: التاكسي‏ ‏الأبيض‏ ‏يخرج‏ ‏التاكسي‏ ‏الأسود‏ ‏من‏ ‏السوق‏!!‏

انا بختار التاكسي لو في وقت ومش متأخره عن ميعادي
غير كده بركب تاكسي ابيض او اسود

المشاركة الأصلية كتبت بواسطة icehearted girl

مفيش غير مرة واحدة التاكسي الابيض كان موقف العداد وطلبت منه انه يِشغله

مرتين حصل وركبت التاكسي وكان موقف العداد وقلتله يشغله
في مرات ودي بتحصل كتير واكتشفتها قريب انه بيكون لاعب في العداد
او ماصفروش اول ماركبت
وفي نهاية المشوار بأكتشف ان الأجره قربت من ضعف الأجره المعتاده
آخر مره سألت السواق وقلتله العداد ده مش مضبوط فإرتبك وقال انا جديد على التاكسي ...ده اول يوم لي النهارده عليه ..... ادفعي اللي متعوده تدفعيه .... انا آسف ..آسف

وبعدين فيه ميزة مكنتش بلاقيها طول عمري

انا بفتح الباب واركب.. وبعدين اقوله علمكان اللي انا ريحاه

مش زي التاكسي الاسود قبل مركب اقوله انا ريحة فين ويرفض واتحايل عليه وييوافق يا يرفض

الميزه دي أول ما اشتغل بس
دلوقتي بيرفض بكل ثقه وكبرياء

وكمان ما بيشغلش التكييف خالص ومن فتره كمان ركبت واحد شايل
أوكرة زجاج الشباك
قلتله بعد إذن حضرتك يعني لو مفيش مانع عند سيادتك ممكن نفتح الشباك
اتكسف وجابلي الأوكره علشان الشباك اللي جنبي وفتح اللي وراه

ده غير اللي بيلف بي طريق رأس الرجاء الصالح في مشوار طريقه محدد ومعروف علشان يزود الأجره وده ينطبق على الإتنين تاكسي ابيض او اسود

الخلاصه ان السواقين هما هما والعربيات بس مختلفه