أيه رأيكم يا جماعة في عرض السيريون وان الجديد

**Mamdoh Elarby** · 19-07-2010 09:40 AM

السلام عليكم و رحمة الله,

دلوقتي يا جماعة عاملين عرض علي السيريون وان و بقت ب 66 الف فقط لاغير و زودو عليها الكاسيت كمان ,
بس المشكلة الوحيدة انها 2009 واحنا خلاص داخلين علي 2011,

فأيه رأيكم انا مبقتش عارف و احترت جدا.و ارجو من اصحاب السيريون وان يقولولنا اخبارها ايه

**M.Mosaad** · 19-07-2010 11:16 AM

بصراحه عرض محير جداااااااااا يعني سعرها القديم كان بيخليها مرفوضة لكن بالسعر دة بقت محيرة جدااااااااا هو اكيد بيخلصوا الاستوك بتاعهم لان السيريون وان سوقها تقيل بس اعتقد بالسعر دة هتبقي افضل من منافسيها لانها اوسع من البيكانتو و الi10 بس برضة بص علي السيلاربو لانها بنفس السعر هتبقي السيلاريو اتوماتيك

**slim_shika** · 19-07-2010 06:08 PM

بالمقارنة مع (ال i10 - البيكانتو) هي أحسن كوسع داخلي وحتى كأداء, لو مش فارقة معاك حوار 2009 يبقى توكل على الله.

**GMakram** · 20-07-2010 09:24 AM

انا شايف انها هتبقى صفقه رابحه,مش مهم موديل كم المهم استلام امتى ومشيت قد ايه

تحياتى

**yyy** · 20-07-2010 09:30 AM

دي 1000 سيي سيس ولا 1300 ؟

**GMakram** · 20-07-2010 09:40 AM

المشاركة الأصلية كتبت بواسطة yyy

دي 1000 سيي سيس ولا 1300 ؟

1000Cc

مش عارف ليه حاسس ان الدفعه دى بعد ماتتباع مش هينزل سيريون وان تانى,لما الشركه بتكون عندها استوك قديم من عربيه بتبيعها عليها تخفيض وبتبيع الموديل الجديد اغلى لكن السيريون وان مظهرش منها 2010 ده بالاضافه الى انها زى ما سليم قال سوقها تقيل والتوكيل مغرقها عروض

**Mamdoh Elarby** · 20-07-2010 10:44 AM

اصلا ياجماعة المشكلة ان انا كنت خلاص هخلص في frv بس لما لقيت السيريون كده احترت تاني,

طبعا انا عارف ان ديه ياباني و ديه صيني و تفرق عنها في الخامات و العمر الافتراضي مش اقل من 50 % بس كل اللي مخوفني موضوع الموتور ال 3 سيلندر و خايف ميبقاش شديد علي العربية و مع التكييف و السفر المستمر,

و كمان حاجة و ديه مش مهمة اوي ان احنا خلاص شهرين و هنبقي في 2011 يعني العربية هيبقي بقالها سنتين

**slim_shika** · 20-07-2010 05:17 PM

من ناحية السفر والتكييف هاتادي الغرض. بمعنى إن الموتور مش هيبقى شديد هيبقى كويس مش أكتر.

من ناحية العربية هتستحمل ولا لأ, هتستحمل, بس طبعا مع الصيانات الدورية بتاعتها في التوكيل.