الموضوع: يا جماعة ....تقليد السيريون قريبا بالاسواق ...رايك ايه يا ابو عبد الله ؟

يا جماعة فى اخبار السيارات كان فيه اعلان على عربية جديدة تطرحها سوزوكى فى مصر قريبا
باسم سيلاريو ........و كاتبين عليها مواصفات جبارة الصراحة
انها تمتاز بالامان و القوة و السرعة و بتصل الى 100 كم فى 9 ثوانى فقط و انه فيها ABS AND EBD
و انها يابانى ........و جايبين بس كابوت العربية فى الصورة و الكاشفات .
المهم الاعلان استفزنى و روحت داخل على اليوتيوب لاقيت انه :
العربية نازلة بره بكزة اسم منها سوزوكى التو و منها سوزوكى ايه ستار و منها سلاريو و منها ماروتى ايه ستار
مواصفات العربية : مقاربة خالص للسيريون وان بمعنى
موتور 1000 سى سى و 67 حصان و 3 سلندر و 2 ايرباج و ABS AND EBD
شنطة صغيرة مش فاكر 175 لتر تقريبا
و منزلين ليها كليبات كتير على اليوتيوب ......الغريب انها هندى مش يابانى خالص
و كمان هيا التو الشكل الجديد برة بس هنا مش عاوزين يقولوا عشان يستمروا فى بيع التو بنفس الاسم و دى خلوها باسم جديد عشان المستهلك المصرى يفرح.
طب هاييجى حد يقولى و احنا مالنا هنا منتدى دايهاتسو .........السبب انه حضرتك ان العربية دى ايا كان اسمها اول ما شوفتها حسيت انها سيريون بالظبط نفس المقدمة و حتى من الداخل تقريبا نفس التابلوه ...شكل الرفرف الخلفى .. يعنى سيريون سيريون ....
معرفشى سعر العربية هايكون ايه ؟؟؟؟؟؟ لانها هاتظهر فى معرض اتوماك؟؟
بس هل ممكن يوصل التقليد للدرجة دى .........هوا ده سؤالى ؟؟؟؟؟
للاسف مش عارف ارفع الصور ......كنت جبتهالكوا عشان تشوفوا قصدى ...
و برضه مستنيين مقارنة جامدة من الكنج ابو عبد الله بين سلاريو و السيريون وان حبيبتى ..
و معرفشى ليه يا ابو عبد الله ......مرتين او تلاتة بجيب سيرتك فى مشاركاتى ... و انت مش بتلاغينى خالص ...
يا ترى زعلان منى فى حاجة .....؟
و لا عشان انا من محبين و لست من ملاك السيريون يعنى ........
على العموم ربنا يدينى ان شاء الله قريب ........ و ابقى من الملاك عشان تعبرنى يا سيدى .....
انا بهزر معاك ....... و المثل بيقول اللى يحبك يلاغيك ..

شكرا يا محمد باشا على ذوقك