الموضوع: لماذا اشتريت ساجا ؟

المشاركة الأصلية كتبت بواسطة misho502

[align=center][table....="width:70%;"][cell="filter:;"][align=center]
"حكايتى مع بروتون"
[/align][/cell][/table....][/align]
بدأت الحكايه من سنه 2004 لما ركبت عربيه بروتون ويرا مع واحد صاحبى كان مأجرها , و مكنتش مصدق ان دى عربيه 1300 سى سى
من قوه السحب و الماتور بتاعها , المهم بقيت متابع لأى اخبار عن الماركه المجهوله دى و ليه مش منتشره مع انها سياره جيده جدا من حيث الأمكانيات و السعر و الأعتماديه ؟؟؟؟!!!!!
و بدأت اتعاطف معاها اكتر لما عرفت انها ماليزى و هى دوله اسلاميه !! و حبيتها لما شوفت الواجا و عشقتها عندما طلت علينا الجين2 بتصميمها الثورى التى تشعرك بأنها مفتوله العضلات لدرجه تجعل عضلاتها تبرز من البادى لتكاد تفتقه بقوه و شراسه غير محدوده , ليجعل العديد من مصنعى السيارات العالميه يقتبسون منها العديد من اللمسات التصميميه الداخليه و الخارجيه ايضا , يكفى انها هى الماركه الوحيده التى تنزل مصر لتحترم المستهلك فى كمالياتها ( مثال جميع فئات بروتون تنزل بجنوط سبور و افخم انواع الأطارات ) باستثناء فئه البيرسوانا الأدنى طاسات, مع العلم ان سيارات فارهه مثل فولكس تنزل مصر بطاسات!!!!!!!!!
يا للعجب!!!!!!!! و برده لسه ملهاش شعبيه كبيره!!!!!!!!!
المهم اقنعت اتنين من زمايلى يشترو جين2 واحد مو 2008 اوتو سبورت باكدج لون كافيه ماشاء الله تحفه فنيه بالعتب و الشنبات قدام و ورا و كان فيها مثبت سرعه (مبقاش ينزل) بس كان عيبها ان مفيهاش تابلوه و زراير الزجاج فى النص (اذواق) اتعدل من 2009 جابها واحد صاحبى تانى سوداء اوتو ماشاء الله جميله , بس للأسف امكانياتى مكنتش تسمح لى بشراء سياره وقتها , لحد ما ربنا وفقنى جبت الساجا (لسه مستلم امبارح) اوتو فضى لأن امكانياتى حاليا لاتسمح بأكثر من ذلك و كمان عايز عربيه عائليه لأنى متزوج و عندى طفل , وانشاء الله ان كان لى رزق و ربنا اكرمنى حجيب برده بروتون فئه تانيه (واجا او جين او بيرسوانا او .....) و مهما رجع بيا الزمن برده هى بروتون .
توقيع : العاشق الولهان لبروتون

اعتقد ان البيرسونا بتنزل ايضا ذي الجين2 بجنوط سبور وليس طاسات ... وربنا يباركلك فى عربيتك

مش واخدين بالكوا ان احنا أصبحنا متعصبين للساجا بتهيألي مفيش حد بيحب عربيتهبالشكل ده زي اللي عندعم ساجا وأعتقد أن السبب في ده أنها جديدة في السوق واللي اشتراها عنده شيء من التفكير يجعله يقدم على شراء سيارة لم تنتشر بعد (ربنا يباركلنا فيها ويكفينا شرها)