الحد الادنى الى يخليك تعيش عيشه كريمه

**MaZaGAngeE** · 19-07-2010 10:00 PM

المشاركة الأصلية كتبت بواسطة shaddadfalcon1

ايه الأرقام دي ياجماعه

انا شايف من 1300 الي 1800 حلو قوي قوي قوي بكل حاجه

عن نفسي ده اللي انا بصرفه واحيانا اقل بكتيير وساعات اكتر

بس انا عن نفسي بحب احوش عشان اعمل حاجه تنفعني بعد كده

يعني انا مش بشتري لبس كتيير - فسح قليله جدا - تقريبا مش بصيف - مش باكل من بره خالص الا في الشغل وحاجات عاديه جدا

احسبها معاكم

كيلو لحمه كل اسبوع = 4 * 50 = 200
50 جنيه بنزين كل اسبوع = 5*50 = 200
مياه + غاز + كهرباء = 50
4 فرخات نقول ب كله 150 مع اني مش عارف السعر كام
4 كيلو سمك مش لازم حاجه عاليه قوي نقول بلطي مثلا مش لازم جمبري : 4 * 15 = 60
لبن وجبن يوميا قول مثلا 6 * 30 = 150
خضار وفاكهه 50 * 4 = 200
مصروف جيبي مثلا 10 عشان سندوتشات = 10 * 25 عشان الاجازات = 250
اي حاجات زياده قول 300

يبقي الاجمالي 1560 جنيه من غير المدارس واحنا كده مرحرهنها شويه

ايه ابقي الأرقام الهلاميه دي؟

احنا مش بنقول ارقام هلامية , انت اللي مجربتش
كيلو الجبنة الرومي ب 35 جنيه , البيضة ب 75 قرش , كيلو اللبن ب 4 جنيه
احسب انت بقى الفطار لوحده بكام
ورقة شاي العروسة ب 1.5 جنيه

**shaddadfalcon1** · 19-07-2010 10:26 PM

المشاركة الأصلية كتبت بواسطة mazagangee

احنا مش بنقول ارقام هلامية , انت اللي مجربتش
كيلو الجبنة الرومي ب 35 جنيه , البيضة ب 75 قرش , كيلو اللبن ب 4 جنيه
احسب انت بقى الفطار لوحده بكام
ورقة شاي العروسة ب 1.5 جنيه

مجربتش ازاي ياباشا امال الارقام اللي انا كاتبها دي عباره عن ايه؟

انا متزوج وعندي طفل عنده سنتين وفي واحد في السكه
وده اللي انا بصرفه

انا عارف اني مش عايش حياتي بس برده علي قد لحافك مد رجليك والواحد يحمد ربنا علي النعمه

ممكن لما اجيب شقه واجدد عربيتي ساعتها مصاريفي تذيد والفسح والمصايف تشتغل

**SeiffoZ** · 19-07-2010 11:00 PM

المشاركة الأصلية كتبت بواسطة shnory

انا شايف ناس بتكتب ارقام فلكيه
ومش عارف ده علي اساس ايه
والدتي دايما تقولي مثل
علي قد لحافك مد رجليك
لما يكون مرتبك مبلغ معين حطه قدامك وظبط حياتك عليه
لان مفيش اختيارات تانيه ولا بدايل
ممعكش فلوس للعربيه متركبش عربيه واركب مواصلات
ممعاكش فلوس للمدارس الخاصه يبقي العيال يدخلوا حكومه
العيل الغبي بيفضل غبي ولو دخلته السربون
والعيل الذكي بيفضل ذكي ومتفوق ولو دخل كتاب الشيخ شحته
وبشكر ربنا نعمته بتزيد والبركه بتزيد
فيه ناس دخلها 300 جنيه وبتحوش منهم
محدش يبص للاغني منه
فيه ناس افقر بكتير مننا مهما كان دخلنا قليل
المصاريف اللي بنصرفها بنزين في الشهر فيه اسر كامله عايشه بيهم
وربنا يغنينا واياكم بالحلال
والصحه والستر فوق اي فلوس او عربيات او ماديات

صح يا شنورى ...

**viper911s** · 19-07-2010 11:29 PM

انا اهلى رافضين انى اخطب علشان المصاريف وانى هجيب شقة ايجار قديم
وبيتكلموا فى مصصاريف الخطوبة وكلام ياما كد عقدونى بس انا متمسك بالفكرة
وبقول ربنا هيفرجها طالما انى ناوى خير .
بس اروح لااهل العروسة الاول

**ahmed-moga** · 20-07-2010 02:27 AM

عايز تعيش عيشه كريمه حط في حسابك حاجه

اعتبر قيمةال 100 جنيه بقت بقيمة ال10 جنيه وشوف هتصرف كام 10 جنيه علي الحساب الجديد في الشهر الأول .

وفعلا فعلا بجد حاليا ال10 بقت بتتصرف زي الجنيه

وعلشان الموضوع يوضح اكتر

من 30 سنه مضت كان عندي ساعتها 5 سنوات وكانت والدتي بتبعتني اشتري ال5 بيضات ب25 قرش من البقال اللي تحت البيت مباشرة

وكان والدي لما بيروح يجيب التموين كان عباره عن سكر وزيت وشاي وصابون وأرز وعدس علي مااتذكر وكان والدي بيخدني معاه

دائما وكان والدي بيدي لبتاع التموين 2 جنيه والحاجه كانت بتبقي تقيله جدا ووالدي ماكنش بيقدر يشلها من تقلها

وال10 جنيه كانت بقيمة 100 جنيه وكان مرتب والدي 350 جنيه وكنا عايشين عيشه كريمه جدا وكان كل يوم يافراخ

يالحمه ياسمك ده غير الجبن بجميع انواعها

اما الأن في ظل حكومتنا الرشيده اللي بتدعملنا كل حاجه انقلبت الصوره للعكس وده بيدل علي ماتوهمنا به حكومتنا

الغاليه علينا انها بتدعملنا حاجات كتيره لدرجه بقي فيه عجز في الميزانيه يقدر ب26.5 مليار جنيه في السنه شوفتوا

التضحيه حسبي الله ونعم الوكيل

تخيلوا بقي لما الحكومه تشيل الدعم المزعوم واحده واحده لحد ماتشيلوا خالص من كل حاجه بتزعم انها بتقول انها

بتدعمها ساعتها غيروا الحسبه الي

ال 100 جنيه أصبحت بقيمة 1جنيه ساعتها متفكروش في اي خزعبلات تسمي حياه كريمه

لنا الله هو المنتقم الجبار من كل مسئول لم يخاف ويراعي الله فينا حسبي الله ونعم الوكيل

**ahmed_belta** · 20-07-2010 06:45 PM

المشاركة الأصلية كتبت بواسطة timtim

كل واحد بيعيش حسب دخله .. مش بيشوف المستوى اللي عايز يعيش فيه وبعدين يحدد دخله..

[blur1]

صح

[/blur1]

**elassar2010** · 20-07-2010 06:54 PM

انا شايف ارقام غريب 5000 جنية فى الشهر دة لمصروف البيت
غير اكيد لازم تشيل مبلغ كل شهر للاولاد يعنى عايز على الاقل 7 الاف جنية مثلا

مين الى بيقبض 7 الاف جنية فى بداية حياتة ولا فى اخرها

فى ناس عايشة 500 جنية ومستورة معاهم المهم البركة

ا

**Sherif Khalifa** · 20-07-2010 07:07 PM

كل ما دخلك بيزيد كل ما احتياجاتك بتزيد
و دى فعلا حقيقة

ربنا سبحانه و تعالى هيخليك تتكيف مع دخلك

اعرف واحد بياخد 65000 فى الشهر و بيشتكى من المصريف

و على فكرة مش بيتدلع

الفكرة انك لو دخلك 1000 هتفكر انك نركب مواصلات كويسة
لو زاد 3000 هتفكر تجيب عربية معقولة
لو زاد لى 8000 مثلا هتفكر فى الزيرو العادى

لو وصل 20000 هتفكر فى زيرو من الفئات الاعلى
و على هذا المنوال كل ما الدخل بيزيد فى مكان السكن هتفكر فى فيلا بدل شقة
اماكن الفسح مرينا و كدة بدل مرسى مطروح
مدارس الاولاد انترناشونال و جامعات و تعليم فى الخارج بدل العادى

خلاصة الكلام دا رزق من عند الله هوا البيحددة و صدقنى ملهاش اى مقايس نهائى و صعب جدا تحسبها

**mohamedbook** · 20-07-2010 07:20 PM

المشاركة الأصلية كتبت بواسطة zkralla

بفرض أن عندك ولدين وزوجه
أيه المبلغ الى يعيشيك عيشه كريمه دون اسراف
يعنى عربيه متوسطه يعنى لانوس وفيرنا
مدارس لغات بنت حلال او خاصه عربى محترمه
اكل متوسط يعنى الاكل العادى
مصيف متوسط يعنى مش مارينا وفنادق شرم لأ كفايه اسبوع فى السنه مطروح أواسكندريه
.... باختصار كل حاجه متوسطه بعيد عن المبالغه والاسراف وبعيد عن الفقر
يعنى عائله من الطبقه المتوسطه تحتاج كام شهريا

في المخروسة ديه مش اقل من 4000 ج بدون رحلات ولا مصايف ولا خروجات ولافسح

-

الموضوع: الحد الادنى الى يخليك تعيش عيشه كريمه

LinkBack

أدوات الموضوع

عرض

-

-

-

-

-

المواضيع المتشابهه

بجد بقت عيشه تقرف

شكله تامر بتاع غمرة و بيقلب عيشه فى حتة تانية :)

موضوع هااااام جدا عن الزيوت يخليك تغير زيت بعد عشرين الف مش 3000

لمبة واحدة الله يخليك

ممكن تقرير مصور عن فئات النيو سيراتو ( الاعلى الى الادنى )

الكلمات الدلالية لهذا الموضوع

المفضلات

المفضلات

ضوابط المشاركة