الموضوع: الحد الادنى الى يخليك تعيش عيشه كريمه

المشاركة الأصلية كتبت بواسطة John_Samy_1

معلش أنا آسف بس أنا حاسس إن فيه لبس في وجهة النظر. أنا فهمت صاحب الموضوع على إنه بيحاول يقيم لو إنت عيش في بلد زي مصر إيه هو الحد الادني من المصروفات اللي يخليك تعيش في طبقة متوسطة بدون مبالغة أو اهانة.
بس أنا شايف ردود بعد الاعضاء بيقولوا إن تقيم مبلغ ده نوع من أنواع عدم الرضا أو السفه. اعتقد إن كل من عنده ايمان بالله وفنفس الوقت محترم نفسه هيدبر نفسه حتى لو بمرتب 90 جنيه فالشهر (هيشتغل بعد الظهر, هيشوف مورد دخْل اضافي, هيحرم نفسه من أساسيات كتير ويعتبرها نثريات) بس مش ده الهدف. السؤال بطريقة تانية هل لو حد بيقبض 500 جنيه فالشهر هيقدر يفتح بيت فيه اطفال ويعيشوا بطريقة كريمة من غير مايحرم اولاده ( مش نفسه ولا مراته ) من بعض أساسيات الحياه.
أنا فهمت السؤال من وجه نظر إيه هو المبلغ اللي يخليني عايش في بلد زي مصر مع أسرة متوسطة في حالة متوسطة وكريمة؟, هدف السؤال ليَّ شخصيا عشان أعرف قبل ماابتدي اكون أسرة أحاول يكون طموحي اوصل داخلي ل كام عشان اوفر عيشة كريمة لبيتي مش أكتر. بس طبعا الواحد عارف إنه فالوضع الحالي لازم يتدبر ويمد رجله على اد لحافو ويشكر ربنا دايما على كل الأحوال ( لا يحمد على مكروه سواه فهو مستحق الحمد على كل شيء لأن كل شيء من عنده خير مش مكروه زي مابنكون فاكرين). بس ده برده ميمنعش إني اخطط ل قدام وإلا هاقعد محلك سر. القناعة واجبة وإلا مهما وصلت مش هشعر بالبركة ولا السلام ولا المحبة ولا الرضا, والاجتهاد واجب ولا هيبقى حالي زي مصر اللي معملتش عربية محلية في زمن كل دول العالم العندها تخطيط بتغزو الفضاء.
تقبلوا تحياتي

بالظبط

المشاركة الأصلية كتبت بواسطة john_samy_1

معلش أنا آسف بس أنا حاسس إن فيه لبس في وجهة النظر. أنا فهمت صاحب الموضوع على إنه بيحاول يقيم لو إنت عيش في بلد زي مصر إيه هو الحد الادني من المصروفات اللي يخليك تعيش في طبقة متوسطة بدون مبالغة أو اهانة.
بس أنا شايف ردود بعد الاعضاء بيقولوا إن تقيم مبلغ ده نوع من أنواع عدم الرضا أو السفه. اعتقد إن كل من عنده ايمان بالله وفنفس الوقت محترم نفسه هيدبر نفسه حتى لو بمرتب 90 جنيه فالشهر (هيشتغل بعد الظهر, هيشوف مورد دخْل اضافي, هيحرم نفسه من أساسيات كتير ويعتبرها نثريات) بس مش ده الهدف. السؤال بطريقة تانية هل لو حد بيقبض 500 جنيه فالشهر هيقدر يفتح بيت فيه اطفال ويعيشوا بطريقة كريمة من غير مايحرم اولاده ( مش نفسه ولا مراته ) من بعض أساسيات الحياه.
أنا فهمت السؤال من وجه نظر إيه هو المبلغ اللي يخليني عايش في بلد زي مصر مع أسرة متوسطة في حالة متوسطة وكريمة؟, هدف السؤال ليَّ شخصيا عشان أعرف قبل ماابتدي اكون أسرة أحاول يكون طموحي اوصل داخلي ل كام عشان اوفر عيشة كريمة لبيتي مش أكتر. بس طبعا الواحد عارف إنه فالوضع الحالي لازم يتدبر ويمد رجله على اد لحافو ويشكر ربنا دايما على كل الأحوال ( لا يحمد على مكروه سواه فهو مستحق الحمد على كل شيء لأن كل شيء من عنده خير مش مكروه زي مابنكون فاكرين). بس ده برده ميمنعش إني اخطط ل قدام وإلا هاقعد محلك سر. القناعة واجبة وإلا مهما وصلت مش هشعر بالبركة ولا السلام ولا المحبة ولا الرضا, والاجتهاد واجب ولا هيبقى حالي زي مصر اللي معملتش عربية محلية في زمن كل دول العالم العندها تخطيط بتغزو الفضاء.
تقبلوا تحياتي

معلش انا فهمت النقطة غلط
ردا على كلامك

علشان تعيش عيشة كريمة بدون تنازلات كبيرة اعمل حسابك على 2000 لو انت وزوجتك و زود الف لأول طفل

المشاركة الأصلية كتبت بواسطة sara2001

انا كمااان شفت ناس بتدور على حاجه تأكلها من الزباله وفي منطقة المهندسين كمان يعني مش في مكان فقير
حسبي الله ونعم الوكيل

هما راحو يدورو فى زبالة المهندسين علشان يلاقو اكل
لانهم لو نزلو منطقه فقيره او شعبيه مش هيلاقو حاجه
مع الاسف شوفت المنظر ده اكثر من مره
وللعلم مشهد محزن جدا جدا

انتوا فكرتوني بالنكتة دة

واحد مصرى سأل واحد اماراتى مرتبك كام؟؟؟

الإماراتي : راتبي 15000 درهم ,


وبدل سكن 90000 درهم سنويا ,


وبدل مواصلات 1200 درهم شهريا ,

وبدل غلاء معيشة 2000 درهم،

وبدل ماء وكهرباء 1000 درهم

وسيارة كل سنة

وتأمين صحي للعائلة


ومدارس خاصة لأولادي ,


وتذاكر سفر دولية عالدرجة الأولى




وبعدين سأل الإماراتي المصري : وأنت كم راتبك ؟



قال المصري: راتبي 300 جنيه ..!



رد الإماراتي : هذي بدل ايش ..؟؟!




قال المصري : بدل ما أشحت

هههههههههههههههه

في نكتة جامدة تانية

في جلسة ودية بين الرئيس المصري حسني مبارك


والرئيس الأمريكى باراك أوباما
دار الحوار ا لتالى
مبارك: فخامة الرئيس ... كم متوسط راتب الموظف الأمريكى في الشهر؟
أوباما: حوالى 5.000 دولار
مبارك: وكم يصرف شهريا؟
أوباما: حوالى 2.800 دولار
مبارك: يعنى يبقى معاه 2.200 دولار، ويا ترى بيعمل بالمبلغ الباقي ده ايه؟
.أوباما: فى الحقيقة لأننا دولة ديمقراطية، احنا ما بنسألوش

أوباما: وانتم يا فخامة الرئيس... كام متوسط راتب الموظف عندكم؟
مبارك: حوالى 200 دولار.
أوباما: أووو!!! ... وبيصرف كام؟
مبارك: حوالى 1.000 دولار.
أوباما: ومنين بيجيب الفرق الكبير ده؟؟؟!!!!
مبارك: فى الحقيقة لأننا دولة ديمقراطية زيكم بالضبط، احنا كمان ما بنسألوش

المشاركة الأصلية كتبت بواسطة mtak

تحتاج اولا قبل اى شئ

القناعة
ثم
الصدقة
ثم
صلة الرحم
ثم
ما ترزق به
----
صدقنى مهما كتبت من ارقام
بدون ما ذكر اعلاه فلن يكفيك و لو عشت على الكفاف

+1
الله ينور عليك ... أحب أضيف عليهم "البركة" ... البركة في الرزق إللي تخلي أسرة من 4 أفراد عايشين ب 1200 جنيه في منتها السعادة و بيحوشو كمان ... والعياذ بالله عدم البركة إللي تخلي أسرة بيدخلها 10,000 جنيه كل شهر و عايشين بمديونيات كتيرة.
اللهم إنا نسألك بركة في الرزق ... ونعوذ بك من منع بعد عطاء ... آمين

المشاركة الأصلية كتبت بواسطة age

البركه اهم حاجه

الله يباركلك ... معليش ماكنتش قرأت تعليقك قبل ما أكتب زيك.