الموضوع: نصائح لشراء عربية في الامارات..

:(
امتى الاسعار تبقى عندنا كده بقى

المشاركة الأصلية كتبت بواسطة Raul_7

السلام عليكم ورحمة الله..

يا جماعة أنا واحد صاحبي عايش في الامارات(أبو ظبي) و عايز يجيب عربية 1600 cc مستعملة ومحتار.

هو في رانج السعر اللي حاطه لنفسه اللي هو 15-20 ألف درهم قدامه الاختيارات ديه.

VW Golf 2006
Ford Focus 2006
Peugeot 307 2006
Mazda 3 2007

يا ريت تقييم للعربيات ديه من ناحية التوكيل وتوافر قطع الغيار واسعارها ومراكز الخدمة, وأداء التكييف في كل واحدة, وطبعا في الحسبان إنها هتتجاب في الامارات مش هنا.

مستني اراءكم, ويا ريت اللي عايش في الامارات كمان يشاركنا بخبرته.

تحياتي.

بلاش ford و peugeot اعطال كتير و سعر إعادة البيع واطي أوي أفضل حاجة حتكون Golf
انتو سألت على الجمرك بتاع المستعمل ايه لو تعرف ممكن تالي إيه الأسعار

المشاركة الأصلية كتبت بواسطة osamy

:(
امتى الاسعار تبقى عندنا كده بقى

لما يطبقوا اتفاقية الجااااز.

المشاركة الأصلية كتبت بواسطة MuhamedNabil

بلاش ford و peugeot اعطال كتير و سعر إعادة البيع واطي أوي أفضل حاجة حتكون Golf

أنا كنت بأقول المازدا أفضل هناك والله أعلم.

المشاركة الأصلية كتبت بواسطة golf2010

أنا رأيي مادام مستعمل ولا واحدة في دول هات كورولا 1800 سي سي مستعمل عربية مابتعطلش زيت وبنزين بس طول العمر

هو مش عايز يجيب كورولا عشان منتشرة بصورة رهيبة.

المشاركة الأصلية كتبت بواسطة Ahmed A.Maksoud

أنا فى الأمارات

قولى هو عاوز أيه من العربية ؟؟؟

يعنى يهمة سعر أعادة بيع و لا لأ
أوبشنز و لا مش مشكلة
تكييف ممتاز و لا عادى

كده يعنى.

هو يهمه التكييف يبقى ممتاز وإن قطع الغيار تبقى متوفرة بسهولة ومش غالية, وطبعا تبقى عربية قليلة الاعطال.

بالنسبة للoptions مش هتفرق قوي, بس الفكرة إن العربية كمجمل تبقى في حدود السعر اللي هو حاطه.

تحياتي.