البولو مايلة على جنب

**mrekaby** · 19-07-2010 11:29 PM

أخوانى الاعزاء ان حاسس بحاجة فى العربية من يومين و هى انها مايلة على جنب من ناحية السواق مش عارف ايه السبب يعنى باحس انها ماكفية من هذة الناحيةو تحدف شمال جامد مع العلم الكاوتش مضبوط و مرصص و ضبط زوايا قبل سفرى الاسبوع الماضى
انا باقول انها مشكلة مساعدين لو سمحت فى اسئلة ياريتكم ترد علي
1- ازاى اكشف ان المساعدين بايظين ( انا من غير المتخصص )
2- على فرض _ لاقدر الله _ انهم باظوا اسعارهم كم الجديد و الاستيراد و منين
3- رشحولوا عفشجى ابن حلال و أمين
شكرا يا جماعة

**wael_mega** · 20-07-2010 01:20 AM

أولا:-
انتا محتاج مساعدين امامى ؟
ولو جديد احسن وسعرهم 550 كوفاب اسبانى
ثانيا :-
مكان سكنك لو قريب من الهرم اعرف واحد محمد مصطفى قالى علية محترم وشغلو نظيف

**M.Mostafa80** · 20-07-2010 12:58 PM

هقولك على حاجه حلوه اللى عندك دا بسبب اليايات هتقولى الراجل كشف عليهم وقال كويسين
هقولك هما فعلا كويسين بس الجنب دا من قدام هبط نتيجه ان اغلب الجلوس بيبقى فى كرسى السائق فا بيبقى وزن وخصوصا لو انت أو اللى قابلك وزن تقيل حصل الموضوع ده عندى وعكست اليايات اللى فى اليمين فى الشمال واللى فى الشمال فى اليمين وراح الميل دا بس الأحسن تشفلك طقم يايات أستيراد يطلع من نص يكون حلو تركبه هتلاقيها ظبطت معاك
يأما هتفك الجنب اللى مايل دا وتحطله علايه 2او 3سم بالكتير هتوزن معاك ودا طبعا حسب الميل هل هو أمامى ولا خلفى ولا الجنب كله لو الجنب كله يبقى هتعمل كده قدام وورى

**mrekaby** · 20-07-2010 01:15 PM

شكرا يا وائل على ردك . بص يا حاج محمد اللى قولته قريب من الحقيقة ليه عشان أولا انا وزنى تقيل و و الميل دى امامى فقط من ناحية السواق فقط و الموضوع اليايات انا معرفش عنه حاجة معليش كمل جميلك و قولى اعمله فين و هى اليايات بكم ؟
شكرا تانى يا جماعة

**M.Mostafa80** · 20-07-2010 01:24 PM

بص انا نازل الحرفيين النهارده لو فاضى تقابلنى هناك تعالى واظبطلك الكلام
وهما مش هيبقو غاليين قوى

**mrekaby** · 20-07-2010 01:46 PM

ماشى شغال ان شاء الله

**M.Mostafa80** · 21-07-2010 03:20 AM

أنا بعتذرلك جدا يامحمود عن انى ما
قابلتكش بس والله غصب عنى انا لسه داخل من الحرفيين دلوقتى حالا والله وانا بكتبلك الرد ده والكهربائى طلع عينى عشان يحل مشكله النور اللى عندى ربنا يسامح اللى كان السبب بقى
انا رجعت لمختار وعرفت منو أنه ماكنش عنده فعلا السوست بتاعتك هى كانت موجوده فى محل أخوه وهو شديد شويه فى حتت البيع والشراء ومكنش راضى يطلع اليايات غير بالمساعدين أنا أسف جدا أنى ما قبلتكش وأنى محلتلكش مشكلتك بس ربنا اللى يعلم والله انو غصب عنى
أسف مره تانيه انا محرج جدا منك