هتعمل إيه ...؟؟؟ مفروووس

**akramlail** · 20-07-2010 03:58 PM

الفلوس تنساها دلوقتى خالص لحد متنقل الصيدلية باسمك تخصمهم من اخر ايجار متبقى وتعرفها ان دول اللى سرقتهم منك
تانى حاجة البنات تفضل مفهمهم ان مخصوم منهم لحد مييجى وقت القبض تديهم فلوسهم كاملة وكفاية انهم عاشوا احساس العقاب

**Akram** · 20-07-2010 04:23 PM

اخصم من البنات مبلغ و لو بسيط لأن الحاجات دي مفيهاش هزار و هما كده مش شايفين شغلهم تمام ,

انقل الصيدلية الأول بإسمك و اعتقد هتحتاج الدكتورة دي في إجراءات النقل ,

بعد نقل الصيدلية خللي البنات تكلمها و تقولها إن المبلغ ده اتخصم منهم و بالتالي الدكتورة دي مش هتيجي تاني ,

و لو جت اديها الوش الخشب زي ما بيقولوا

**cyborg_ift** · 20-07-2010 05:02 PM

بص يا دكتره من واقع شغلي مع الدكاتره تسع سنين إستعوض ربنا في القرشين دول لإنك لسه محتاجهه وإنت عارف اجراءات تغيير الاسم حبالهه طويله شويه وتاني حاجه انت واثق فعلا من البنات اللي شغالين عندك؟؟؟ وبعدين يا بوب 900 قليل اليومين دول وانت عارف بتوصل لألفين وعموماً لو عاوز اي حاجه في ادارة الصيادله انا ممكن اساعدك في أي وقت وانا عارف الناس هناك أهوه بقالي تسع سنين شغال في تسجيل الأدوية

**A7MED_PHARMA** · 20-07-2010 10:37 PM

المشاركة الأصلية كتبت بواسطة dr ahmed

انسى يا د أحمد المبلغ ده حاليا وفاجئها بنقل الصيدلية بإسمك

شكرا طبعا لكل الردود

لكن يادكتور أحمد

الصيدلية رسميا بإسمها
يعني لازم كل الأجراءات تتم من خلالها...

ربنا يستر والاسبوعين الجايين يعدوا على خير ...نخلص منها بقا
حاجة تقرف

ونفس الموقف إتكرر تاني النهاردة
الدفاتير بتاعت الصيدلية حصل لها تلف..فالمفروض نروح نعمل دفاتر تانية من مديرية الصحة
النهاردة جت فتحت الدرج برضووو ...واخدت منه مبلغ ( وأنا مش موجود)
وقالت دي فلوس ورق الدفاتر
لما جيت النهاردة والبنت قالتلي...
خليت البنت تكلمها وتقولها الدكتور أحمد عاوز يعرف حضرتك أخدتي كام من الدرج النهاردة ...والدكتور أحمد خصملي 10 أيام كاملين علشان الدرج مسؤليتي في فترتي
راحت فاتحة الجعورة...إنتوا بتسرقوني ...إنتوا إزاي بتقولوا كده ...أنا أعمل إلي أنا عاوزاه..أنا الدكتورة

أنا قربت أتشل من الولية دي

**heshamzaky** · 20-07-2010 10:49 PM

ما تسيش فلوس نهائيا فى الدرج و الست دى مش سهلة و وشها عريان سايسها لغاية ما تخلص مصلحتك و بعدين اقلبها و ما تتغصبش دى مش سهلة و هى استحلت اللعبة

**icehearted girl** · 20-07-2010 10:50 PM

المشاركة الأصلية كتبت بواسطة akramlail

الفلوس تنساها دلوقتى خالص لحد متنقل الصيدلية باسمك تخصمهم من اخر ايجار متبقى وتعرفها ان دول اللى سرقتهم منك
تانى حاجة البنات تفضل مفهمهم ان مخصوم منهم لحد مييجى وقت القبض تديهم فلوسهم كاملة وكفاية انهم عاشوا احساس العقاب

مقتنعة جدا بالحل دا

**heshamzaky** · 20-07-2010 10:54 PM

معلش سؤال غريب هى ممكن تعمل وقف نشاط بما ان الورق كلة بأسمها ؟؟؟ انا عارف ان الصيدليات الضرائب على الادوية بتكون مدفوعة مقدما كدة صح و لا خطأ

**A7MED_PHARMA** · 20-07-2010 11:23 PM

المشاركة الأصلية كتبت بواسطة heshamzaky

معلش سؤال غريب هى ممكن تعمل وقف نشاط بما ان الورق كلة بأسمها ؟؟؟ انا عارف ان الصيدليات الضرائب على الادوية بتكون مدفوعة مقدما كدة صح و لا خطأ

من الناحية الرسمية...تقدر
لكن عرفيا ...ماتقدرش

وإحنا هنا في الأرياف ..بيحكم العرف أكتر من الناحية الرسمية

وشئ أخر
جوزها طبيب بشري...وإبن عمي مفتش في الصحة
حصلت بينا مشكلة قبل كده ..وجوزها إستعبط في الكلام وقال هقفلك الصيدلية ...وكلام من ده
إبن عمي قاله ..يوم ماتعملها
هلبسك قضية سرقة وإهمال وإتلاف عهدة ..وهرفدك من النقابة كلها

**heshamzaky** · 20-07-2010 11:35 PM

المشاركة الأصلية كتبت بواسطة a7med_pharma

من الناحية الرسمية...تقدر
لكن عرفيا ...ماتقدرش

وإحنا هنا في الأرياف ..بيحكم العرف أكتر من الناحية الرسمية

وشئ أخر
جوزها طبيب بشري...وإبن عمي مفتش في الصحة
حصلت بينا مشكلة قبل كده ..وجوزها إستعبط في الكلام وقال هقفلك الصيدلية ...وكلام من ده
إبن عمي قاله ..يوم ماتعملها
هلبسك قضية سرقة وإهمال وإتلاف عهدة ..وهرفدك من النقابة كلها

الست دى مش سهلة انا كدة فهمت هية بتتصرف معاك بانهى وش هية حاسة ان الموضوع كلة فى ايدها و بما ان جوزها فال لك مرة حا اقفلك الصيدلية دة اكيد حوار دار بينة و بين المدام الدكتورة يعنى هناك نية مبيتة لحركة غدر اذا ما حدث ما لا يحمد عفباة ممكن جدا اكون غلط بس سيكولوجيا من الكلام و الاحداث و الله أعلم ممكن مش عايز احبط عزيمتك او أخوفك بس بخاول افكر معاك بصوت عالى طب معلش انت ما جاوبتش عليا البطاقة الضريبية بأسمك و لا بلسم السنيورة و مين الى بيقدم الاقرار الضريبى

**A7MED_PHARMA** · 20-07-2010 11:48 PM

المشاركة الأصلية كتبت بواسطة heshamzaky

الست دى مش سهلة انا كدة فهمت هية بتتصرف معاك بانهى وش هية حاسة ان الموضوع كلة فى ايدها و بما ان جوزها فال لك مرة حا اقفلك الصيدلية دة اكيد حوار دار بينة و بين المدام الدكتورة يعنى هناك نية مبيتة لحركة غدر اذا ما حدث ما لا يحمد عفباة ممكن جدا اكون غلط بس سيكولوجيا من الكلام و الاحداث و الله أعلم ممكن مش عايز احبط عزيمتك او أخوفك بس بخاول افكر معاك بصوت عالى طب معلش انت ما جاوبتش عليا البطاقة الضريبية بأسمك و لا بلسم السنيورة و مين الى بيقدم الاقرار الضريبى

كل شئ بإسمها رسميا
وأنا كان المفروض أخد عليها ورق في أول تعامل بينا..لضمان حقي

بس للأسف..أنا ووالدي فينا طبع الهبل..إن كلمة الراجل ..بــ 100 ورقة
وماأخدتش عليها ورق

ولما حصلت مشكلة قبل كده ..ظهرت الخسة والندالة ...وكان بيتكلم بقلب جامد ..علشان بس أنا إعتبرت جوزها راجل..وماأخدتش عليهم ورق
بس ربنا يسر الموضوع من خلال إبن عمي المفتش
وإبن عمي كلمه في التليفون..وقاله هرفدك من نقابة الأطباء لو فكرت تضر أحمد ..وكفايا إن أحمد إعتبرك راجل..وإنت طلعت أبعد ماتكون عن الرجولة

وبصراحة
جوزها(الدكتور البشري) بعد ماكان بيتكلم بقلب جامد...رجع زي الــ ...............
وهوا فعلا حل المشكلة دي
إني أخصم الفلوس دي ..بعدما خلص نقـــل الصيدلية بإسمي

الموضوع: هتعمل إيه ...؟؟؟ مفروووس

LinkBack

أدوات الموضوع

عرض

-

-

-

-

-

-

المواضيع المتشابهه

هتعمل ايه لو حصل ده

هتعمل ايه!!!!!!

بجد لو كانت 50 كنت هتعمل ايه؟؟؟؟؟؟

لو انت مكانى هتعمل اية ؟؟؟

هتعمل اييييييية ؟؟؟؟؟؟

الكلمات الدلالية لهذا الموضوع

المفضلات

المفضلات

ضوابط المشاركة