هتعمل إيه ...؟؟؟ مفروووس

**heshamzaky** · 21-07-2010 01:37 PM

بيس يا مان حافظ على هدوء أعصابك و تكتك صح الذكاء انك تخرج من الموضوع باقل الخسائر التوتر العصبى و الانفعال يؤدى الى قرارات غير صائبة و غير حكيمة بعد كدة يا عم اديها ب ..........

**elassar2010** · 21-07-2010 01:44 PM

المشاركة الأصلية كتبت بواسطة a7med_pharma

م
2.ممكن أتسبب في حبسها هيا شخصيا ..لمدة لاتقل عن20 سنة ..وطبعا رفدها من قيد النفابة

يعني أنا كنت أهبل صحيح
بس أنا دلوقتي ممكن أوديها في داهية وحديد...لو قلت أصلها أكتر من كده

موضوع انك تحبسها صعب قوى لان كل حاجة هتلف وهتيجى عليك انت شخصيا
يعنى هتحط ادوية مغشوشة هيتقبض عليها صح بس التحريات هتجيب حضرتك لان المدير المسؤل والناس تعرفك انت وبتشوفك انت وانت المتحكم الاول والاخير

استبعد موضوع انك تضرها

اشتغل على جوزها يعنى مثلا بيعمل عمليات مشبوهة بيعمل مشاكل فى الشغل وكدة يعنى تلوى دراعة وهو يلوى دراع مراتة ويقنعها

**SunSet** · 21-07-2010 01:44 PM

بص يا دكتور احمد

حضرتك لازم تفترض اسوء الظروف

يعني ممكن ترفض تنقل الصيدلية بإسمك وهي اللي تديرها وخاصة انها عملت اسم وغالبا بيكون في ناس شغالين في الصيدلية يعني هي ممكن فعلا تفكر في كدة

فانت لازم تحط في بالك اسوأ الظروف ففكر لو ده حصل ايه المكان التاني اللي ممكن تفتح فيه الصيدلية

وبرضه حضرتك مطنش ومش عاوز تقول المبلغ كام يعني؟

انا خايف يطلع 5 جنيه والا حاجة

**heshamzaky** · 21-07-2010 01:53 PM

عاوز اقولك نصيحة و دى كنت قولتها لك من قبل معلش ممكن اكون برسملك خطة حربية طويلة المدى فاكر لما قلت لك ما تخصمش حاجة للبنات الى شغالين معاك فى الصيدلية لان دول كانو مجرد ضحايا و عفوا على نياتهم و صغيرين الفكرة لا تزيد من عدد الاعداء بالنسبة لك حليف اليوم قد يصبح عدو الغد و انت عاوز تكون معلش فى الكلام الجبهة الداخلية بتاعتك مؤمنة جيدا يعنى فيش حركات غدر او خيانة داخلية و اكسبهم فى صفك ليدعموك فاهمنى

**A7MED_PHARMA** · 21-07-2010 01:57 PM

وبرضه حضرتك مطنش ومش عاوز تقول المبلغ كام يعني؟

انا خايف يطلع 5 جنيه والا حاجة

معلش يامسلمة ..مش واخد بالي من السؤال

وصدقيني
أنا مش خايف خالص من إنها ترفض النقل
بالعكس..لو رفضت
هجيبها تقعد في قعدة عرفي...وهيتحكم عليها بفلوس
وماينفعش إنهم يرفضوا المجلس العرفي ..خصوصا بو بدعوة شخصية مهمة..زي مأمور القسم إلي إحنا تابعين ليه..والعمدة
في الأرياف..المواضيع بتمشي بالعرف
ولو مش كده
يبقا عليا وعلى أعدائي..وأحبسهم هما الإتنين
كله إلا أكل العيش

وبالنسبة للعضو elassar

طالما هيا صاحبة الصيدلية من الناحية الرسمية ...يبقا هيا هتشيل المسؤلية من الناحية الرسمية
وبعدين كمان
أنا إلي مقدم الإقرار الضريبي بإسمها..وفواتير الدوا معايا
يعني لو حصل حاجة ...قانون الضرايب الجديد مابيرحمش

وصدقني
طرق الشر مفيش أكتر منها...وزي ماقولت..كله إلا أكل العيش

**A7MED_PHARMA** · 21-07-2010 01:59 PM

المشاركة الأصلية كتبت بواسطة heshamzaky

عاوز اقولك نصيحة و دى كنت قولتها لك من قبل معلش ممكن اكون برسملك خطة حربية طويلة المدى فاكر لما قلت لك ما تخصمش حاجة للبنات الى شغالين معاك فى الصيدلية لان دول كانو مجرد ضحايا و عفوا على نياتهم و صغيرين الفكرة لا تزيد من عدد الاعداء بالنسبة لك حليف اليوم قد يصبح عدو الغد و انت عاوز تكون معلش فى الكلام الجبهة الداخلية بتاعتك مؤمنة جيدا يعنى فيش حركات غدر او خيانة داخلية و اكسبهم فى صفك ليدعموك فاهمنى

تصدق
لو صورتك الصيدلية دلوقتي حالا..حالا
هتلاقيهم قاعدين بيسمعوا زي أفلام ...وبياكلوا أيس كريم والله

أنا من الناس إلي بيدايق بسرعة ...وبيصفا بسرعة
هههههههههههههههههه
لكن كله إلا أكل العيش

**heshamzaky** · 21-07-2010 02:16 PM

المشاركة الأصلية كتبت بواسطة a7med_pharma

تصدق
لو صورتك الصيدلية دلوقتي حالا..حالا
هتلاقيهم قاعدين بيسمعوا زي أفلام ...وبياكلوا أيس كريم والله

أنا من الناس إلي بيدايق بسرعة ...وبيصفا بسرعة
هههههههههههههههههه
لكن كله إلا أكل العيش

يا باشا انا فاهم انك طيب بس قصدى خليك حريص و ما تكسبش عاء حد و تكتك على نار هادية و موضوع الاقرار الضريبى ممكن اتاكد لك منة فى كام حاجة كدة فى دماغى و اقولك

**A7MED_PHARMA** · 21-07-2010 02:31 PM

المشاركة الأصلية كتبت بواسطة elassar2010

اكسب الدكتورة دى فى الوقت الحالى والعب على نقطة النقص الى هى (دكتورة)
بمعنى لما تيجى الصيدلية قولها يادكتورة ماتعرفيش بديل للدواء الفولانى اصلة مش موجود
قولها ماتعرفيش حد مثلا فى شركة ادوية يا دكتورة يجبلى النوع دة مثلا

كدة يعنى كل عقلها وخليها تمارس الدكترة

ماتعرفش الألف من كوز البطاطا

وبخلاف كده
هيا شكلها زعلانة من معاملتي معاها ..ومش هتيشرفني تاني ههههههههه

النهاردة كانت معدية من قدام الصيدلية ..وكانت عاوزة حاجة ..وقفة بره الصيدلية ...وبعتت واحدة كانت ماشية معاها

والأنقح
والدي بيصيف في مطروح...لقيته بيكلمني الصبح ويقولي :"مزعل الدكتورة ليه ياأحمد؟؟؟

-

-

الموضوع: هتعمل إيه ...؟؟؟ مفروووس

LinkBack

أدوات الموضوع

عرض

-

-

-

-

-

المواضيع المتشابهه

هتعمل ايه لو حصل ده

هتعمل ايه!!!!!!

بجد لو كانت 50 كنت هتعمل ايه؟؟؟؟؟؟

لو انت مكانى هتعمل اية ؟؟؟

هتعمل اييييييية ؟؟؟؟؟؟

الكلمات الدلالية لهذا الموضوع

المفضلات

المفضلات

ضوابط المشاركة