الموضوع: يعنى اية امين شرطة !!!

المشاركة الأصلية كتبت بواسطة بحري

ميصحش إننا نقول عن واحد واخد دبلوم تجاره أو صنايع أو معاه إعدادية أو ابتدائية فقط إنه عيل فاشل لمجرد إن دي شهادته

دي حاجة مختلفة تماما عن الموضوع..والظلم اللي بيحصل مش بس من أمناء الشرطة وإنما أيضا من الضباط اللي كتير منهم مستوياتهم الاجتماعية مرتفعة ومنهم من دخل كلية الشرطة بمجاميع مرتفعة

وللعلم في دكاترة بتشتغل في السجون ومقار أمن الدولة للإشراف على التعذيب بحيث يحافظوا على من يتم تعذيبه أطول فترة ممكنة دون أن يتوفى...واسمهم دكاترة مش دبلومات

اخي الفاضل ...... المعنى في بطن الشاعر
فرق شاسع بين اني أقول شخص حاصل على دبلوم تجارة وبين عيل صايع أخد دبلوم تجارة
في فرق كبير بين حاصل وبين أخد .... أخد يعني هو في الاساس فاشل وصايع وخد الدبلوم بالغش زي ما بنشوف في لجان الدبلومات انا لي صديق كان مراقب على لجنة من لجان الدبلوم الطلبة ضربوه بمطوه عشان منعهم من الغش فالنوعيه دي هيه الى أتجاهم بيكون على معهد أمناء الشرطة لانه أصلا أخد الشهاده وهو ميعرفش أ ب من كوز الدره زي ما بيقولوا وميعرفش يشتغل اي حاجه بشهادته
اما الدكاتره بتوع أمن الدوله والضباط الى دخلوا كلية الطب او الشرطة بمجاميع كبيرة وأشتغلوا في التعذيب والظلم دول في الاساس غير أسوياء عندهم امراض نفسية " ساديين" أما الظالم فكم من إنسان حامل الدكتوراه وظالم لغيره .....إن الله حرم على نفسه الظلم وجعله بين الناس محرما
معلش انا غلط في ردي الاول اني نسيت أن اذكر إن ما يمنعش ان في قله قليله منهم محترمين لان قلوب العباد بين أصابع الرحمن يقلبها كيفما يشاء وسبحان من يغيير ولا يتغير ..... وأتمنا ان أكون شرحت لك وجهة نظري .....وآسف للإطاله

المشاركة الأصلية كتبت بواسطة mgazaly

يعنى اية امين شرطة

يعنى ايه كل اما اروح مكان اشوفك جنبى
يعنى ايه ايدك ساكنه جوه جيبى و عيشتى

وضحت الصورة يا أبو جنة...ربنا يبارك فيك

المشاركة الأصلية كتبت بواسطة بحري

وضحت الصورة يا أبو جنة...ربنا يبارك فيك

الله يكرمك ويبارك فيك ويوسع في رزقك ويهدي أنفسنا الى ما يحب ويرضى

انا ركبت واحد مرة وكان مولع سيجارة وبقوله طفيها قالي هدخنها من الشباك
خليته ينزل و من يومها مركبتش حد منهم تاني ولا هركب ان شاء الله

من شهرين كده الصبح امناء الشرطة بيروحوا يمضوا ويستلموا العهدة من ادارة المرور
وبعدين كل واحد يروح لمكان شغله ميدان - اشارة - كوبري..... الخ

فبيعملوا ايه بقى ..... بيوقفوا اي عربية اجرة او نقل ياخدوهم في طريقهم
لحد كده كويس
اللي شفته بقى انه وقف عربية نصف نقل
فالسواق شاورله انه رايح جهة اخرى وكمل طريقه
لقيته طلع الدفتر واداله مخالفه ظلما وعدوانا كده
وكده بقى مع كل واحد ميرضاش يقف له
الحقيقة الواحد دمه اتحرق وكل يوم بيزداد كرهه لهؤلاء الخونة