الموضوع: ارجو المساعدة - زجاج المرايا مازدا 3

المشاركة الأصلية كتبت بواسطة himaz

لا حول ولا قوة الا بالله

هيروح من ربنا فين


بص يا باشا انا رايى انك تعمل ازازة عند اى حد بتاع ازاز المقعرة بتكلفة حوالى 40 - 50 جنيه
وعلى ما اتذكر كان احد المازداوية قال ان فيه حد فى ش دمشق وعندة الاسطمبة بتاعت المازدا

بمناسبة المرايت
انا من يومين كنت فى الحرفيين وشوفت محلات كتير قوى بتيع حاجات للمازدا 3
و عندهم المرايات اللى بتضم كهرباء
ممكن برضه لو قريب منك تشوف لو بيبيعوا الكفين دول اصلى استيراد
بس المشكلة انك تعرف انهم اصلى اصلا

يا ابراهيم باشا الف شكر على ردك و رمضان كريم اولا و كل سنه و انتم طيبين كلكم

بص يا باشا، انا الى كنت فهمه ان لو الكف لسه معايا ممكن اروح اعمل المرايا المقعرة و اركبها و كده، بس طبعا الكلام ده مش هينفع من غير الكف

انا انشاء الله هنزل النهارده بعد الشغل و ربنا ييسر كده و اشوف الدنيا فيها ايه

بالمناسبة بقى يا باشا، انت سألت على سعر المرايات الضم دى؟

المشاركة الأصلية كتبت بواسطة mamido83

يا ابراهيم باشا الف شكر على ردك و رمضان كريم اولا و كل سنه و انتم طيبين كلكم

بص يا باشا، انا الى كنت فهمه ان لو الكف لسه معايا ممكن اروح اعمل المرايا المقعرة و اركبها و كده، بس طبعا الكلام ده مش هينفع من غير الكف

انا انشاء الله هنزل النهارده بعد الشغل و ربنا ييسر كده و اشوف الدنيا فيها ايه

بالمناسبة بقى يا باشا، انت سألت على سعر المرايات الضم دى؟

كل سنة وانت طيب يا محمد باشا
ربنا يخليك ودايما نسمع كل خير عنك وع كل الاعضاء


بالنسبة للمراية الضم بالكهرباء ومعاهم المفتاح
انا مسالتش كتير بس حد قاللى فى حدود 1500
ومع خبرتى و بعد الفصال اعتقد تيجى على 700 800 بالكتير

لان عندك مثلا شوفت الكاسيت كامل 6 اسطوانات ب 700 من غير فصال بس مش متاكد اوديو ولا ام بى سرى

اهم حاجة تلف كويس وتسال وطبعا الفصال ده شىء اساسى
وهناك الحمد لله فيه محلات كتير قوى فى المازدا

وربنا ييسر الحال لاحسن اختيار ان شا الله
ومش هوصيك تطمنا طبعا عملت ايه

بص يا باشا..

كف المرايه اصلي جديد بحوالي 150 جنيه(مش متاكد قوي بس ينقص او يزيد حاجه بسيطه)

كف الملاايه استيراد بحوالي 90 ال 110 حسب الحاله,,و ده بقي اللي انا اتخميت فيه قبل كده و هقولك ازاي عشان تاخد بالك.
انا من فتره كف المرايه الشمال اتكسر و نزلت الحرفيين عند الشهير ابو زيزو و اشتريت كف استيراد,و قالي ركبه بمعرفتك عشان معنديش حد دلوتي يركبه.قلت مش مشكله هو اصلا كبس و انا ركبته قبل كده لوحدي و الحمد لله محصلش حاجه,,و انا يادوب بظغط عليه عشان اركبه في المكنه راح الكف مشروخ كذا شرخ !!!! و الله لسه ما قرصت عليه و لسه بقول بسم الله و بركب لقيته اتشرخ في ايدي,,المهم رجعتله تاني و قولتله انت مديني كف بايظ و قعدت اتخانق و زعقت و المهم اداني كف تاني و ركبته برده لوحدي و الحند لله مفيش مشاكل..

يتهيالي دول الحلين اللي قدام حضرتك عشان انت بتقول ان الكف كله اتسرق..

و للمعلوميه برده المرايه كلها كامله تايواني ب 300 جنيه.

و ربنا معاك يا رب

تقبل تحياتي.

ابراهيم باشا,

بلنسبه للمرايات الضم انا كنت فاكر اني لقيتهم عند ابو زيزو استيراد ب 500 جنيه..و اتاكد برده تاني عشان يتهيالي كده 700 كتير شويه..

و سوال بعد اذنك..حضرتك لقيت الكاسيت ال 6 اسطوانات فين ؟؟؟

تقبل تحياتي.

المشاركة الأصلية كتبت بواسطة nightmare_9595

ابراهيم باشا,

بلنسبه للمرايات الضم انا كنت فاكر اني لقيتهم عند ابو زيزو استيراد ب 500 جنيه..و اتاكد برده تاني عشان يتهيالي كده 700 كتير شويه..

و سوال بعد اذنك..حضرتك لقيت الكاسيت ال 6 اسطوانات فين ؟؟؟

تقبل تحياتي.

اشكرك يا باشا بشدة على تصحيح سعر المرايات وكدة يبقى فى المعقول
عندى سؤالين بالنسبة للمراية الضم دى :
هو فيها اشارات من الجمب ولا عادية ؟
هل تركيبها سهل على الفيش الاصلى على طول من غير مد اى سلوك زيادة ولا ايه الحوار


بالنسبة للكاسيت للاسف ضاع منى الكارت بس هو قريب من عدلى ومسعد بتوع الهوندا لو عارف مكانهم
لو خليت عدلى على يمينك من الشارع الرئيسى المحل قدام شوية على الشمال بعد حوالى 4 محلات تقريبا

هو فى السريع كده كان قاللى الكاسيت ب 700 لو هشتريه
ولو هبدل بالاصلى سليم يبقى تدفع 300 جنيه
وعلا كلامه انو بيركب عادى فى نفس الفيش على طول
وطبعا ده منطقى جدا
موضوع انهم
Mp3
ده اللى مش عارفه
لازم تجرب بنفسك
لان لو اوديو فقط يبقى مالوش اى 30 لازمة
عشان اسطوانة واحدة ام بى سرى احسن من ال 6 اوديو و اكبر

ابراهيم باشا,
كل سنه و انت طيب و يا رب دايما بخير انت و العائله الكريمه,

بلنسبه للمرايات هي مفيهاش اشارات علي الجنب للاسف.
و انا شفتهم راكبين و جربتهم علي عربيه صاحب المحل(ابو زيزو) و للاسف لان دول استيراد(يعني اصلي من مازدا)فا مفيش مفتاح بييجي معاهك عشان تقفلهم.
بيبقي مفتاح القفل و الفتح في الباب مع المكان اللي بتظبط منه المرايات(يا رب تفهم قصدي عشان مش عارف اوصله !!)جنب زراير القزاز,
و ده طبعا في الاوروبي الكامله مش الخليجي.
و قالي عشان اجيب اللوحه دي(تحكم المرايا + مفتاح طي المرايا كهربا + زراير القزاز ) بتيجي غاليه شويه لو استيراد حتي و ممكن تدخل في 600 جنيه و ده اصلا لو لاقيتها.
عشان كده هو موصلهم علي الكونتاكت,
بمعني انه اول ما بيبطل العربيه هما بيقفلو !!! و طبعا ده شيء مش عملي ,,

و بلنسبه للوحه انا فعلا دورت عليها كتير في انصاص مازدا كتير في الحرفيين مالقيتش ولا واحده فيها المفتاح ده.
ان شاء الله هتلاقيه بس محتاح تدور كتير و تتابع ..

هذا و الله اعلم,,


بلنسبه لمحلات الهوندا اللي حضرتك ذكرتها,فانا معرفش مكانها اصلا,يا ريت حضرتك توضحلي العنوان تاني.

تقبل تحياتي.

الف شكر يا رجالة على ردكم و اهتمامكم و الله
انا كده على كلامكم اتعمل على احلى شغل امبارح لانى للاسف لحد ما نزلت امبارح من الشغل مكنش الموضوع فيه اى جديد، يلا الحمد لله على كل شىء
انا نزلت امبارح روحت عند محل اسمه "فرنسا" فى شارع دمشق، الواد الى هناك قلى الكف بتعها يعمل فى حدود 250 الاصلى عند و احد اسمه "محمد جابر"، و ممكن يجبو من عند واحد اسمه "الشافعى" على 175 الاصلى برده ، قولتله خلاص تعالى نبص عليها عند الشافعى، المهم، الراجل طلع المرايات من كيس نايلون كده و مكتوب عليها بقلم ماركر "مازدا" و بصيت على المرايا بس حسيت انها مختلفة شوية على الى كانت راكبه عندى
المهم قولت اروح ابص على الى عند محمد جابر و لو الاتنين زى بعض اجيب من عند الشافعى و خلاص
الراجل جاب المرايات فى علب مازدا و عليها علامة مازدا الاصلى و الرقم الكودى بتعها ، و طلعتها لقتها زى الى كانت راكبه بالظبط، الازاز كان لونو اغمق من الى كانت عند الشافعى و كان فيها شحم اسود ورا مكان الكلبسات
قولت ياااد يلا مش مشكله، اجبها اصلى و خلاص، و انا اصلا مليش فى حوارات الفصال خالص و بالعافيه حسب المرايات على 450 جنيه
و الواد الى ركب المرايات خد 40 جنيه ده غير انو قعد يركب فيهم ساعة كاملة و الله العظيم لما طلع عينى
الواحد اتظبط امبارح اخر حاجة، يلا الحمد لله على كل شىء و رمضان كريم و كل سنه و انتم طيبين و بجد و الله ربنا يجازيكم كل خير على ردكم و اهتمامكم و ربنا يتقبل منا جميعا انشاء الله