طلب نصيحه بخصوص فيات تمبرا

**محمد الشامي** · 20-07-2010 11:57 PM

المشاركة الأصلية كتبت بواسطة innovation

الدوجان حصلنا منها مشاااكل فظيعه على الصحراوى
مثلا لأول مره فى حياتى كنت اشوف السقف الداخلى للعربيه ( الدوجان) بيتملى هواااااء لما تطلع على 120 مثلا .. و تلاقى السقف الداخلى ده نازل فوق راسك .. بجد كانت حاجه مخيفه..

اشكرك على ردك القيم والمفيد , ربنا يستر طريقك وطريقنا جميعا يارب

**محمد الشامي** · 20-07-2010 11:59 PM

المشاركة الأصلية كتبت بواسطة heshamzaky

علبة الدريكسيون مثلا جديدة بحواى 4000 جنية استيراد زى الفل ب 350 جنية دى أغلى حاجة جديدة فى التمبرا

انا سمعت العيب ده اكتر من مره من ضمن مشاكل التمبرا

هل ده شئ شائع في التمبرا فعلا زي ما فهمت ؟؟ ولو شائع ياترى ايه معدل تلف او هلاك علبه الدريكسيون دي ؟

**heshamzaky** · 21-07-2010 12:02 AM

المشاركة الأصلية كتبت بواسطة محمد الشامي

انا سمعت العيب ده اكتر من مره من ضمن مشاكل التمبرا

هل ده شئ شائع في التمبرا فعلا زي ما فهمت ؟؟ ولو شائع ياترى ايه معدل تلف او هلاك علبه الدريكسيون دي ؟

مش بسهولة صعب شويتين تبوظ و الكلام دة فى علبة الدريكسيون بتاعت الباور ما تشغلش نفسك بيها لو جبتها استيراد ممكن ب 300 جنية بس و شغالة ما حدش بيجيبها جديدة نهائيا و ما فيش حد من رابطة التمبرا غيرها على ما أظن

**محمد الشامي** · 21-07-2010 12:16 AM

ربنا يطمن قلبك :-)

**heshamzaky** · 21-07-2010 12:18 AM

المشاركة الأصلية كتبت بواسطة محمد الشامي

ربنا يطمن قلبك :-)

يا باشا اسال ما تريد ان شاء الله ستجد الاجابة سواء منى او من الاخوة الافاضل اصحاب التمبرا و اخواتى

**galilio_mad** · 21-07-2010 12:34 AM

المشاركة الأصلية كتبت بواسطة محمد الشامي

طيب بالنسبه للتمبرا الكاربيراتير , ممكن نعدلها لإنجيكشن ولا صعب ؟؟؟ مجرد استفسار بس

لأ ما ينفعش
انت ممكن تجيب كل القطع وتركب بدون مشاكل
بس المشكلة حتبقى فى حساس ال TDC , مالوش مكان يركب فيه

بس ممكن تجيب موتور استيراد بالكونترول يونت و الضفيرة كاملة و طرمبة البنزين الكهربا و حساس الشكمان بالمشترك
كل ده استيراد و التكلفة لن تتجاوز 2500ج

بس مالهاش لازمة القصة من اساسها , كربراتير التمبرا كويس و لو مش ملعوب فيه بيشتغل احسن من الانجكشن
المشكلة فى الانجكشن انه رشاش واحد مش 4 زى عندك فى اللانوس
يعنى فى الاخر كربراتير الكترونى

بجانب اللى قاله الاخ العزيز هشام , احب اقولك ان فعلا و عن تجربة شخصية ,لا مقارنة بين الدوجان و التمبرا

راحة الكراسى , وضعية القيادة , نقلات الفتيس , دواسة الدبرياج , دوشة العربية , المناورات فى الزحمة او السفر

فى كل ده التمبرا تكسب بجدارة و تفشل الدوجان او الشاهين

هى بس ثقافة مصر بتاعة العربية اللى بتستحمل و على كورونا

و برضو حاول تجرب دى ودى و تحكم بنفسك

**heshamzaky** · 21-07-2010 01:04 AM

على فكرة انت محظوظ جاليليو دة بقى يا باشا حبيبى و اخويا و هو عبقرى فى المواتير و انت اكيد لما قرأت الرابطة بتاعت التمبرا شفت دة ((((( اية الكلام الكبير و الكتير دة يا جاليليو امال غلى الرابطة بتكتب كلمتين و بس هههههههههههه )))))))

**caysersosaih** · 21-07-2010 01:15 AM

سيبه يا هشام ياخد راحته شوية انت علي طول كده وراه وراه هههههه

**heshamzaky** · 21-07-2010 01:32 AM

المشاركة الأصلية كتبت بواسطة caysersosaih

سيبه يا هشام ياخد راحته شوية انت علي طول كده وراه وراه هههههه

ماشى يا دوك و وراك انت كمان كدة يا استاذ محمد عصابة التمبرا فى مرحلة التشكيل و لسة باقى التمبراوية اصبر لبكرة الصبح

**galilio_mad** · 21-07-2010 10:58 AM

المشاركة الأصلية كتبت بواسطة caysersosaih

سيبه يا هشام ياخد راحته شوية انت علي طول كده وراه وراه هههههه

دى بقت حاجة وحشة قوى

اصلى من ساعة ما كسبت منه السباق و هو مش طايقنى

الموضوع: طلب نصيحه بخصوص فيات تمبرا

LinkBack

أدوات الموضوع

عرض

-

-

-

-

-

-

المواضيع المتشابهه

فيات تمبرا

فيات تمبرا

فيات تمبرا

فيات تمبرا !!

إستفسار بخصوص فيات تمبرا

الكلمات الدلالية لهذا الموضوع

المفضلات

المفضلات

ضوابط المشاركة