طلب نصيحه بخصوص فيات تمبرا

**heshamzaky** · 22-07-2010 05:42 PM

المشاركة الأصلية كتبت بواسطة محمد الشامي

ياجماعه بجد ربنا يبارك لكم على كل معلومه جديده بعرفها منكم :-) انتو نااااااس جاااااااامدين جدااااااا

لعلمك انت لسة فى مرحلة الاعداد لما تجيب الغربية حا تلاقى كل واحد من التمبراوية مشكلة و عندة الكثير و تلاقى المعلومة الخلاصة من الاخر فى عدة مشاركات ورا بعضها زى الرعد و البرق كدة ههههههه

**محمد الشامي** · 22-07-2010 06:39 PM

انا متأكد ان الواحد في وسطكم هيكون ف ايد امينه :-) ربنا يحفظكم ويديم المعروف بين الناس كلها

**ahmed_122** · 30-07-2010 01:54 AM

يا جماعة اخير افيدونى انا كان حلمى اركب تمبراودورت كتير مش لاقى عربية نضيفة لحد ما لاقيت عربية مع اخوانا المعاقين شفاة الله لسة هيرفع حذرها الاسبوع القادم وهى لم ترش الا الكبوت فقط وبصراحة شكلها يفتح النفس بس عيبها انها موديل 90 ومفيهاش اى اوبشن ولا حتى الزجاج الكهرباء وبصراحة مصمم على 28500 اتوكل على الله واخدها ولا كدة غالية افيدونى لكى اتمكن من الرد علية وشكرا مقدماً

**wae** · 05-08-2010 10:30 PM

يا جماعه انا اشتريت تمبرا مو 2000 كامله مانيول انجكشن دواخل فابريكه ختها ب 35000 الف ايه رايكوا

**galilio_mad** · 05-08-2010 10:38 PM

المشاركة الأصلية كتبت بواسطة wae

يا جماعه انا اشتريت تمبرا مو 2000 كامله مانيول انجكشن دواخل فابريكه ختها ب 35000 الف ايه رايكوا

اعتقد السعر كويس لو العربية نضيفة و مش محتاجة مصاريف

بس موديل 2000 و انجكشن , صعب قوى
المفروض ان 96 اخر الايطالى و كان انجكشن
من 96 ل 2000-2001 كانت تجميع مصرى و كلها كانت كربراتير

**heshamzaky** · 05-08-2010 10:50 PM

المشاركة الأصلية كتبت بواسطة galilio_mad

اعتقد السعر كويس لو العربية نضيفة و مش محتاجة مصاريف

بس موديل 2000 و انجكشن , صعب قوى
المفروض ان 96 اخر الايطالى و كان انجكشن
من 96 ل 2000-2001 كانت تجميع مصرى و كلها كانت كربراتير

ازيك يا جاليليو انت الملك يا باشا ما أقدرش أفتح بقى بكلمة بس عاوز أقول للزميل سؤال انت العمة بتاعت الكاربراتير مدورة و لا مستطيلة يعنى الى فى الصورة الاولى و لا الثانية

**heshamzaky** · 05-08-2010 10:51 PM

المشاركة الأصلية كتبت بواسطة wae

يا جماعه انا اشتريت تمبرا مو 2000 كامله مانيول انجكشن دواخل فابريكه ختها ب 35000 الف ايه رايكوا

ألف مبروك على العربية و أهلا بيك معانا فى رابطة التمبرا

**caysersosaih** · 05-08-2010 11:25 PM

فعلا مافيش انجكشن موديل 2000 خالص

**wae** · 07-08-2010 09:20 PM

اسف علي التاخير في الرد بس هي فعلا موديل 2000 وانجكشن ولسه العربيه مشدوده

**abdelmessih67** · 08-08-2010 09:03 AM

أهلا باخ الفاضل wae

المشاركة الأصلية كتبت بواسطة wae

اسف علي التاخير في الرد بس هي فعلا موديل 2000 وانجكشن ولسه العربيه مشدوده

أنا متفق مع الاخوة جاليليو و الدكتور ضياء مو 2000 كلها مصري و كاربيراتير و دي المشكلة اللي كنت باتناقش فيها مع الاخ جاليليو في موضوع آخر , بعض العربيات بتيجي من بره استيراد معاقين و بتكتب بتاريخ حديث لسهولة بيعها على اساس انها عربية حديثة .

أنا عندما كنت أبحث عن تمبرا للشراء اتعرض علي واحدة استيراد معاقين 1400 سي سي بدون أي كماليات و لا حتى زجاج كهرباء امامي و لا حتى سنتر لوك و طبعا طبعا لا في تكييف و لا باور و كان مكتوب في الرخصة بتاعتها مو 1999 - فيات - ايطالي و كان صاحبها بيقولي دي أول يد شاريها زيرو استيراد معاقين من سنة 1999 .

بعد كده الاخ جاليليو وضح لي أن مافيش تمبرا كانت بتنزل من غير سنتر لوك كحد أدنى من الكماليات يعني غالبا العربية دي كان ملعوب فيها و شايل السنتر لوك أو لاغيه .

اسأل أحسن على تاريخ العربية يعني جت من بره ازاي , هل استيراد معاقين و اتباعت لكذا واحد بعدها و الا استيراد عادي و كانت مع مين قبل كده .