كفاية بقي أستهتار بأرواحنا يا عالم

**Samir Elshahawy** · 21-07-2010 10:46 AM

تقريبا كلنا متفقين أن تطبيق القانون و تشديد العقوبات علي الجميع بلا أستثناءات هو الحل كخطوة أولي بالاضافة الي زيادة الوعي في وسائل الاعلام المختلفة

للأسف المنظومة كلها فاشلة (ده أذا كان هناك منظومة فعلا)

بصراحة انا زهقت من اللي بأشوفه و أسمعه كل يوم و أصبح مشوار الشغل كل يوم بالنسبة لي عذاب و عقاب علي ذنب لم أرتكبه سوي أني بأمتلك سيارة

بجد انا بدأت أفكر اني أسيب البلد دي و أروح أي مكان تاني (حتي لو بيركبوا الافيال) لحد ما يتصلح حالها أو أرحل انا عن الدنيا و مافيها بس ساعتها أموت بطريقة كريمة مش مهروس تحت عربية نقل

معلش أنا أصلي خلاص هانفجر من اللي شوفته أمبارح

مع خالص تحياتي
م/ سمير الشهاوي

**hany_mohamed** · 21-07-2010 12:38 PM

المشاركة الأصلية كتبت بواسطة se_coralsea

تقريبا كلنا متفقين أن تطبيق القانون و تشديد العقوبات علي الجميع بلا أستثناءات هو الحل كخطوة أولي بالاضافة الي زيادة الوعي في وسائل الاعلام المختلفة

للأسف المنظومة كلها فاشلة (ده أذا كان هناك منظومة فعلا)

بصراحة انا زهقت من اللي بأشوفه و أسمعه كل يوم و أصبح مشوار الشغل كل يوم بالنسبة لي عذاب و عقاب علي ذنب لم أرتكبه سوي أني بأمتلك سيارة

بجد انا بدأت أفكر اني أسيب البلد دي و أروح أي مكان تاني (حتي لو بيركبوا الافيال) لحد ما يتصلح حالها أو أرحل انا عن الدنيا و مافيها بس ساعتها أموت بطريقة كريمة مش مهروس تحت عربية نقل

معلش أنا أصلي خلاص هانفجر من اللي شوفته أمبارح

مع خالص تحياتي
م/ سمير الشهاوي

باشمهندس سمير ايه رأيك نطرح مناقصة لشراء جزيرة صغيرة لاعضاء نيل موتورز المحترمين مثلا من جزر الامارات او اى بلد تانية افتكر لو فيه واسطة محترمة ممكن ناخد جزيرة من اللى فى النيل بسعر كويس
او قرية فى الساحل الشمالى او اى ساحل
و ولدينا المستشاريين ورجال القانون فى المنتدى و يحطوا دستور نحترمة جميعا
و اطباء ذوى ذمة و رجال تعليم ذوى ثقافة عالية
اما الامن و الحفاظ علية فمش حنحتاج امن داخلى وانما امن لحماية الحدود

**hossaam** · 21-07-2010 01:23 PM

ليه شرطة المرور عندنا..هي شرطة لجان وبس

هي عربية دورية شرطة المرور في بلدنا شكلها ايه بالضبط
واذا حبيت اشوفها شغالة ..الاقيها فين

ليه العسكري او الصول او الضابط اللي على الموتوسيكل ما بيلبسش الخوذة
وليه اللي في الدورية او الونش ما بيربطش الحزام

ليه...

وليه..

اذا كان رب البيت بالدف...

ما تألبوش علينا المواجع :(

**Sherlock** · 21-07-2010 01:26 PM

شكرا لطرح الموضوع .

أعتقد المشكله من سائقى النقل نفسهم و الاستهتار الذى دائما ما يتسبب بكارثه , أى حادث تصادم لنقل بمقطوره يؤدى لكارثه عكس السيارات الملاكى الصغيره , مجموعه من البلطجيه + غير متعلمين + مخدرات + عمل لساعات طويله = كوارث .

المفروض المرور يعمل حاجه فى الناس الـ !@#$@# دى , يعنى من كتر عربات النقل ما بتطير من فوق الكبارى الواحد بقا يقلق وهو ماشى تحت كوبرى , كلنا طبعا فاكرين اتوبيس النقل العام الى طار من فوق الكوبرى ووقع فى النيل وغيره كتير .

**Donzi** · 21-07-2010 01:38 PM

المشكلة مش في نوع العربية نفسها سواء مقطورة ولا تريلا ولا ميكروباص او حتى ملاكي ، المشكلة ان مافيش اصلا نظام ولا قانون عدل يحكم كل دول و ينظمهم و بالنالي كل واحد بقى ماشي على هواه و معتبر ان الطريق بتاعة و عارف ان القانون مش هايعقبه كما يجب و مشفيش عواقب لتصرفاته عشان كدة بيعمل اللي هو عاوزه

انا نفسي كنت ضحية واحد من دول بيلف عكس الاتجاه عشان مكسل يمشي 200 م زيادة بالعربية لحد الملف الصح بتاعه و لا هو مقطورة ولا تريلا و لا حتى ميكروباص دة ملاكي و راجل كبير كمان و اتعملو محضر و خلاص غرامة مالهاش اي لازمة و لا اتحبس ولا انا خدت منو ايييييييي حق

نظام البلد كله غلط و عاوز - دة لو فيها نظام اصلا - و عاوز يتعدل كله من اول و جديد

.

**mahmoud_afifi** · 25-07-2010 10:40 PM

المشاركة الأصلية كتبت بواسطة donzi

المشكلة مش في نوع العربية نفسها سواء مقطورة ولا تريلا ولا ميكروباص او حتى ملاكي ، المشكلة ان مافيش اصلا نظام ولا قانون عدل يحكم كل دول و ينظمهم و بالنالي كل واحد بقى ماشي على هواه و معتبر ان الطريق بتاعة و عارف ان القانون مش هايعقبه كما يجب و مشفيش عواقب لتصرفاته عشان كدة بيعمل اللي هو عاوزه

انا نفسي كنت ضحية واحد من دول بيلف عكس الاتجاه عشان مكسل يمشي 200 م زيادة بالعربية لحد الملف الصح بتاعه و لا هو مقطورة ولا تريلا و لا حتى ميكروباص دة ملاكي و راجل كبير كمان و اتعملو محضر و خلاص غرامة مالهاش اي لازمة و لا اتحبس ولا انا خدت منو ايييييييي حق

نظام البلد كله غلط و عاوز - دة لو فيها نظام اصلا - و عاوز يتعدل كله من اول و جديد

.

بالظبط المشكله في عقلية الناس, ما كل العالم عندهم مقطورات ولا بنسمع عن حوادث ولا حاجه الا لو كان السبب واحد مستهتر مثلا بس بيبقى حاجه نادره.
انا كنت عايش في السعوديه وعندهم طريق اسمه طريق الملك فهد وده طريق سريع زي الدائري كده بس على انضف, ممنوع العربيات النقل تمشي فيه طول النهار الي هوا ميعاد ذهاب وعودة الموظفين. و اوقات تانيه مش فاكرها وحتى في الميعاد بتاعهم بيمشوا محترمين. وشوفوا دي السعوديه الي بيمشوا مسافات اطول من هنا بمراحل. مش حتت مشوار من القاهره لأي محافظه او داخل القاهره ذات نفسها.
نجيب السعوديين ينظمولنا بلدنا طالما احنا مش عارفين ؟!

**maiasn2000** · 26-07-2010 12:05 AM

والله يا صديقي ده هو الاختصاص الرئيسي لشرطة المرور مش انهم يشاور للعربيات تمشي وتقف ولا اهم يلموا الجبايه ويقول لك شوف المخالفه بكام لو سجلتها عليك هاتدفع كام وتخلص نفسك!!!!
ولا انهم يترازلوا علي خلق الله ويقفلوا الشوارع يالساعات علشان وزير والا غفير معدي بس يقدر يول لهم بخ
ولا انهم بيشغلوا ميكوباصات لحسابهم ومش فاضيين الا انهم يشوفوا الايراد كام؟
ولا انهم كل شويه يغيروا النمر علشان ياخدو تامين جديد طيب والتامين القديم فين؟؟؟؟
ولا انهم يربكوا المرور ويوقفوا خال الشوارع في المدن والباشا جاي والباشا معدي والباشا الله يحرقه مات
لو حد منكم عاصر الوزير احمد رشدي هايعرف المرور المفروض يشتغل ازاي