الموضوع: استهلاك البنزين

المشاركة الأصلية كتبت بواسطة hanyhosney

صباح الفل علي رجاله الب ام:y_hi_3[1]:

محتاج رايكم في مشكله في العربيه
استهلاك البنزين عالي جدا
العربيه 1800 سي سي
والموتور مش بتاعها الموتور متسقط
94
بالفتيس
دلوقتي انا حرقت في 130 كيلو 19 لتر
طبعا كنت بجرب العربيه علي الدائري
ولفيت جامد
عشان اشوف العربيه هتعمل ايه
وقفت حوالي ساعه علي اربع مرات
في حتت زحمه علي الدائري
وكنت ماشي علي الاول بس
ولما كنت بخرج كنت بمشي من 100 لي 150
كنت ودلوقتي في البلد الصفيحه عامله 100 كيلو
انت ايه رايك
تفتكر ايه اسباب المشكله دي
واقدر احلها ازي
معلش طولت عليك
بس العشم

أنا كان معى ال 1600 كانت بتعمل تقريبا 10 كيلومتر فى اللتر فأعتقد إن حرق البنزين عندك جيد! لكن فى الزحمه اكيد هتحرق بشكل أكبر لأنك بالكثير بيكون النقل ما بين الجير الأول و الثانى و الجير الأول بيستهلك بنزين كثير بالتأكيد! أما كنت على الدائرى و بتجرى قولت إن المعدل كان 130 كيلو بنسبة إستهلاك 19 لتر و اعتقد هذه نسبة جيده! لكن بالتأكيد أما تكون داخل البلد فى الزحمه هتحرق أكثر! لأنك بتقف كثير و تتحرك بالجير الأول كثير إلخ... و خصوصا إذا كنت بتشغل التكييف داخل السياره!

عالعموم أنا هسأل لك الميكانيكى لكن إلى حد كبير النسب فى الحرق جيده بالنسبة للمكان اللى أنت بتمشى فيه!

متشكر يا باشا علي اهتمامك وردك السريع
بس لو ال 1600 بتععمل 10 كيلو في اللتر
يبقي قو ال 1800 8 كيلو في اللتر
مثلا
طب ايه رايك في حتت ان ممكن تكون رجلي تقيله ده السبب في الحرق الزياده

المشاركة الأصلية كتبت بواسطة hanyhosney

متشكر يا باشا علي اهتمامك وردك السريع
بس لو ال 1600 بتععمل 10 كيلو في اللتر
يبقي قو ال 1800 8 كيلو في اللتر
مثلا
طب ايه رايك في حتت ان ممكن تكون رجلي تقيله ده السبب في الحرق الزياده

ممكن لكن على حسب بمعنى إن إذا كان رجلك ثقيله على الأول و الثانى بالتأكيد هيكون فيه حرق زياده! لكن خد بالك إن على السرعات العاليه الحرق بيكون أقل! يعنى الثالث و الرابع و الخامس مش هيحرق كثير! عالعموم هسأل لك لكن المحرك عندك ال m40 ولا الكربراتير ال m10

المشاركة الأصلية كتبت بواسطة thebuccaneer

ممكن لكن على حسب بمعنى إن إذا كان رجلك ثقيله على الأول و الثانى بالتأكيد هيكون فيه حرق زياده! لكن خد بالك إن على السرعات العاليه الحرق بيكون أقل! يعنى الثالث و الرابع و الخامس مش هيحرق كثير! عالعموم هسأل لك لكن المحرك عندك ال m40 ولا الكربراتير ال m10

لا انا المحرك انجيكشن
موديل 1994

المشاركة الأصلية كتبت بواسطة hanyhosney

لا انا المحرك انجيكشن
موديل 1994

تمام يبقى محرك ال m40 هسأل لك و هرد عليك تمام! لكن بالنسبة لى أنا من وجهة نظرى إن معدل استهلاك البنزين جيد!

شوف يا هانى انا معايا نفس الموتور بس على دبانة الى متهيالى ان جسمها اتقل من عربيتك غير ان الفتيس بتاعها اتوماتيك هى 1600 ال 10 لتر تقريبا بيعملو من 85 الى 90 ك بس لما فى شوارع زحمة والعربية بتفضل طالعة اول تانى بس بتعمل اقل ولما بكون مسافر العربية بتكون موفرة اوى فى البنزين . اة على فكرة يا هانى احنا اعضاء الرابطة بكرة هنتقابل فى الهرم عند on the run الى قدام المينا هاوس واحنا حوالى 3 فقط الى قررنا البدء بأول مقابلة الكلام ده هيبقى الساعة 7 وهتلافى 3 عربيات دبانة حمره وسوده و زيتى وتنمنى انك تكون فاضى وتشرفنا.

حاول تغير بوجيهات يمكن تكون هي السبب لان كده العربيه بتاكل بنزين وبعدين يا جماعه المفروض 1600 تعمل 200 او 210 في الصفيحه والماتور 1800 يعمل اكتر لان البي ام تقيله و1600 ضعيف عليها عشان كده بياكل بنزين

المشاركة الأصلية كتبت بواسطة elfashn

شوف يا هانى انا معايا نفس الموتور بس على دبانة الى متهيالى ان جسمها اتقل من عربيتك غير ان الفتيس بتاعها اتوماتيك هى 1600 ال 10 لتر تقريبا بيعملو من 85 الى 90 ك بس لما فى شوارع زحمة والعربية بتفضل طالعة اول تانى بس بتعمل اقل ولما بكون مسافر العربية بتكون موفرة اوى فى البنزين . اة على فكرة يا هانى احنا اعضاء الرابطة بكرة هنتقابل فى الهرم عند on the run الى قدام المينا هاوس واحنا حوالى 3 فقط الى قررنا البدء بأول مقابلة الكلام ده هيبقى الساعة 7 وهتلافى 3 عربيات دبانة حمره وسوده و زيتى وتنمنى انك تكون فاضى وتشرفنا.

متشكر
جدا يا باشا علي اهتمامك
بس افهم من كلامك ان استهلاكي عالي
جدا
دا اولا
ثانيا
انا يشرفني اكون معاكم في اول لقاء
بس ممكن توصفلي اول ازاي
عشان انا مليش في الهرم اوي
ولما تيجي المعادي اوعدك مش هتوه ابدا