الموضوع: هتوحشني :'(

المشاركة الأصلية كتبت بواسطة donzi

ربنا يرحمه و يصبرك و يصبر اهله يا رب

متحملش نفسك مسئولية الحادثة او انك معرفتش تعملو حاجة لان دا قضاء ربنا و قدره و هو مكتبلو انه هو يموت في الساعة دي حتى لو كان قاعد في بيته مابيعملش اي حاجة ، دة عمره

انا علي أقتناع تام بأن ده قضاء ربنا وعارف كويس جدا ان حتي لو كان نايم في بيتهم كان هيحصل كدة
ومع ذلك انا مكنتش قادر أشوفه بيسيبني كدة :(

المشاركة الأصلية كتبت بواسطة shadygalal669

ربنا يرحمه ان شاء الله

و انت صاحب جدع و هو كان بيحبك

وكلمته دي مظنش انك تقدر تنساها ولا انا هقدر انسي الموضوع ده

عيني دمعت

معلش حاول تخرج نفسك من المود ده و شوف اخرج غير مكانك اعمل اي حاجه تلهيك عن الموضوع ده

بحاول
والحمد لله بقيت أفضل عن الأول

المشاركة الأصلية كتبت بواسطة salmas

لا حول ولا قوة الا بالله
ربنا يرحمة ويصبر اهله
البقاء لله يا بشمهندس ادعيلة وحاول دائما تكون على اتصال باهله لانهم بيكون فى اشد الحاجة على سؤال الناس للى بيحبوا

أغلب الوقت معاهم
وده اللي تاعبني أكتر
ولكن ماينفعش أسيبهم أبدا
لأن هو مكانش صاحبي بس
دول كانوا زي أهلي
وكنا بناكل في بيوت بعض ونبيت عند بعض
ربنا يرحمه

المشاركة الأصلية كتبت بواسطة mgazaly

ربنا يرحمة يا جورج ومفيش كلام يتقال والله غير ربنا يرحمة موقف صعب جدا

ربنا يرحمه

المشاركة الأصلية كتبت بواسطة fady.bekatcho

بص انت عارف اننا كلنا اخوات

وبجد لولا انى مش فى القاهرة كنت نزلتك وقعدت معاك

ربنا يخليك يا فادي
متعرفش قد أيه رسالتك ده هونت كتير عليا

المشاركة الأصلية كتبت بواسطة shnory

البقاء لله واسكنه الله فسيح جناته
افتكر ان احمد في دنيا تانيه دلوقتي دايما
مفيهاش غش ولا خداع ولا امراض
وديعه ورجعت لوادعها
وكلنا ودائع الله في الارض ومصيرنا لبارئنا
------------------------------------------
كلنا لازم نخلد ذكري احمد
كل ما واحد فينا يشوف غرزه مفتوحه ومياخدهاش يدعي لاحمد
والي يعرف حد بيحب التغريز يفكره باحمد
معلش يا جماعه كلامي ممكن يكون تقيل عليكم
بس انا معنديش استعداد احرق قلب اهلي عليا
ولا عاوز قلبي يتحرق علي حد عزيز عليا
انا قلبي مقبوض من ساعه ما قريت الموضوع
وهو دا عمره ودا قدره المكتوبله
بس ربنا قال في كتابه العزيز (ولا تلقوا بأيديكم إلى التهلكة)
والغرز والسرعه تهلكه
ارجوكم مترموش نفسكم فيها

انا كل ما أشوف منظر عربية بفتكره
أي عربية
أي شارع
علي طول فاكرة
و ان شاء الله فترة كدة وهعدل عربيته وأصلحها و أحطها تحت بيتنا
ومحدش هيلمسها
انا شكلي هيجيلي عقدة من العربيات ومش هسوق ولا هركبها تاني
وكنت هموت قبل كدة في حادثة بايك
يبقي ماقداميش غير القطر والطيارة
ربنا يستر ويريحني بقي :'(

يا جماعة انا بعتذرلكوا جميعا
انا دايقتكوا جامد معايا
ولكن المشكلة من عندي اني لما بيبقي عندي مشكلة مش بتكلم ومش بعيط قدام حد وممكن أقعد كتير كاتم جوايا
ولكن المشكلة ده حسيت اني ممكن أنفجر
وكنت عايز أتكلم
شكرا ليكوا جدا علي مواساتكوا
و في ناس كلمتني
بجد أتحسنت عن الأول
ويا رب أحاول أساعد أهله في الخروج من الحنة ده

(إن لله وإن إليه راجعون )
اللهم الهم اهله الصبر والسلوان
واسكنه فسيح جناتك

وشد حيلك يا يابشمهندس
وربنا يصبرك

انا لله وانا لية راجعون. يارب يصبر اهلة ويصبرك يا بشمهندس جورج. والله يا جماعة حياتنا بقت رخيصة لان مفيش نظام بيحكم سير الشاحنات وسيارات النقل التقيل او يحدد لها مواقيت سير ودة بيأثر علي حركة المرور في مصر. اتمني حد من ادارة المرور ينزل قرار بتحديد اوقات معينة لسير الشاحنات علي الطرق العامة