الشراء بواسطة المرابحه الاسلاميه

**joso** · 22-07-2010 07:07 PM

اه نسيت ممكن تحويل قيمة القسط فقط بس في البنك بيفضلوا قوي تحويل المرتب كله

**joso** · 22-07-2010 07:12 PM

انا هسال دكتور حمدي اللي عرضت عليه اوراق المرابحه الاسلاميه ودرسها ومن اوصى برفع الحظر وغرامة التاخير علشان احط تليفوناته

وكمان الاستاذ محمود عبد العزيز مراقب المعاملات الاسلاميه بالبنك الاهلي وهو اخ فاضل واذا وافقوا باذن الله اضع تليفوناتهم لايضاح الرؤيه

وللعلم ممكن الاستاذ محمود ييجي لحد مقر اعمالكم لشرح النظام شرح وافي

**Donzi** · 22-07-2010 07:17 PM

المشاركة الأصلية كتبت بواسطة joso

انا هسال دكتور حمدي اللي عرضت عليه اوراق المرابحه الاسلاميه ودرسها ومن اوصى برفع الحظر وغرامة التاخير علشان احط تليفوناته

وكمان الاستاذ محمود عبد العزيز مراقب المعاملات الاسلاميه بالبنك الاهلي وهو اخ فاضل واذا وافقوا باذن الله اضع تليفوناتهم لايضاح الرؤيه

وللعلم ممكن الاستاذ محمود ييجي لحد مقر اعمالكم لشرح النظام شرح وافي

جزاك الله كل خير ، كدة يبقى كويس جدا عشان كل اللي نفسه يسال في حاجة يسال

المشاركة الأصلية كتبت بواسطة joso

اه نسيت ممكن تحويل قيمة القسط فقط بس في البنك بيفضلوا قوي تحويل المرتب كله

اذا كان كدة ماشي اصل انا في شغلي مش بيوافقو على موضوع تحويل المرتب دة لكن ممكن انا احول جزء القسط فقط ، ربنا يسهل و لو الموضوع تم هابقى اقولكو التفاصيل برضو عشان الافادة للجميع

**M.Radwan** · 22-07-2010 07:57 PM

المشاركة الأصلية كتبت بواسطة donzi

الله يسلم حضرتك ، الحمد لله تمام
لأ انا ضيفة بس لو تسمحولي يعني ، بس انا كدة كدة هشتري بنظام المرابحة الاسلامي دة , بس مش لوجان للاسف
ياريييت كات تبقى لوجان بس مش هاتنفع معايا بكل اسف
.

تشرفي فى أى وقت يا فندم
طيب ممكن نعرف حضرتك ناوية تشتري ايه؟ هيونداى تانى ولا ايه؟
وليه اللوجان متنفعش؟

**M.Radwan** · 22-07-2010 08:00 PM

المشاركة الأصلية كتبت بواسطة joso

انا محتاج حد منكم يا جماعه يتبرع ويجي معايا الاستلام ياريت حد يوافق اكون شاكر ليكم بس ياريت يبقى عنده خبره جيده وربنا يبارك فيكم ارجو الرد ولو تخلو يوم الاستلام بتاعي يوم تجمع اللوجانيه علشان الفايده تبقى مزدوجه نتعرف ببعض واتشرف بيكم وتبصو معايا على العربيه انا في انتظار كم

حضرتك هتستلم امتى وفين؟
أنا مش خبير أوي، بس ممكن أجي لو قدرت.

**FrozenFire** · 22-07-2010 08:05 PM

معلشي ياجماعة ممكن حق يقولنا المستندات المطلوبة إيه؟
وإيه إمكانية التقسيط لغير سكان القاهرة؟
وهل في تقسيط مستعمل ولا لأ؟
وياريت العنوان بالظبط

**joso** · 22-07-2010 08:07 PM

المشاركة الأصلية كتبت بواسطة foxoo7

حضرتك هتستلم امتى وفين؟
أنا مش خبير أوي، بس ممكن أجي لو قدرت.

شكرا ياباشا وتنورني انا لسه مش عارف بس هيتحدد خلال الاسبوع ده ان شاء الله وهبلغكم لاني محتاج تكونو معايا بجد

دي عربية العمر كله باذن الله

**Donzi** · 22-07-2010 08:08 PM

المشاركة الأصلية كتبت بواسطة foxoo7

تشرفي فى أى وقت يا فندم
طيب ممكن نعرف حضرتك ناوية تشتري ايه؟ هيونداى تانى ولا ايه؟
وليه اللوجان متنفعش؟

شكرا لحضرتك
ان شاء الله بيكانتو او ساجا ، اكيد مش هيونداي i10 تاني خااااالص
اللوجان متنفعش عشان انا عاوزة اجيب اتوماتيك بقى و ارتاح و بصراحة على ادد المبلغ اللي معايا هايكون في حدود 70000 و بالقسط كمان و للاسف مفيش حاجة في اللوجان تناسبني
لكن لو كنت هاجيب مانيوال اكيد كنت هافكر فيها