لو اللوجان اتجمركت هايبقى سعرها كام؟؟؟

**fellacd** · 30-08-2010 05:04 PM

معلش عارف إنخ سؤال يمكن يكون مكرر ورخم ...
لكن سامحونى
أنا عاوز إجابة قاطعة على السؤال ده...
لو اللوجان اتجمركت زى باقى الأنواع هايبقى سعرها كام؟؟؟؟
ونفسى حد يجاوبنى برقم محدد أو أقرب للتحديد مش بكلام إنشائى أو تخمين
يعنى نفسى حد من اللى بيفهموا قصة الجمارك بجد يحسبها صح ويورينا ازاى حسبها وإيه النتيجة
طب فايدة السؤال إيه؟؟
طبعا الإجابة عليه هتخلينا نعرف الفئات المساوية للوجان وبالتالى يسهل المقارنة مع السيارات التى فى نفس الفئة السعرية بعد إضافة الجمارك؟؟
يعنى لو كانت اللوجان لو اتجمركت وصل سعرها 90ألف مثلا يبقى نشوف إيه العربيات اللى بالسعر ده ونقارن بينهم
وياريت محدش يستعجل ويقول الموضوع قتل بحثا ... إلخ
لأن كل المداخلات - اللى شوفتها - اللى اتكلمت عن الموضوع ده كان أغلبها غير دقيق وغير محدده وكلها كلام إنشا سواء للدفاع أو الهجوم ومجموعة من الأحاسيس والمشاعر ومحدش ذكر رقم محدد يمكن المقارنة على أساسه بشكل دقيق
وشكرا جزيلا

**amr.elsayed** · 30-08-2010 05:52 PM

حتستفاد ايه غير العطلة
انت معاك 70 الف جنيه شوف العربيات اللى فى نفس السعر وقارن اللوجان بيهم لو هى احسن يبقى توكل على الله واشتريها
لو اى عربية تانية احسن يبقى بردو توكل على الله واشتريها .... حسبة الجمارك مش حتستفاد منها اى شيئ غير العطلة
ودخول اللوجان فى مقارنات ممكن العربية تتظلم فيها .... احنا شعب غريب جدا بصراحة عربية ب 70 الف جنيه عايزين نتخيل سعرها
90 الف جنيه ونبدأ نقارنها بالعربيات اللى ب 90 الف جنيه ... انصحك لو ناوى تشترى اللوجان تشيل من دماغك الفكرة دى والا حتشعر بعدم الرضا عن العربية
لانك بتقارنها بعربيات اغلى منها بالاضافة انها مش خالصة الجمارك بالكامل بل 40 % فقط

**waelfarid** · 30-08-2010 06:37 PM

السؤال كويس لانه حقيقي يعني لو الواحد اشتري لوجان من الخليج ونزلها معاه مصر تمنها حيبقي كاااااام تمن الهاف اوبشن منيوال في السعودية 35000ريال سعودي لونحسبها بالمصري اضرب في (واحد ونص )وبعدين اضرب الناتج في (واحد و(خمسة وستين من مية)) بالحبشتكنات يعني يبقي الناتج كاااااام اكيد اكتر من 65000جنيه حوالي 86625جنيه بس يعني من حق اللوجاناوية يقول لوجاناوي وافتخر بسيارتي الاوروبية

**ada7** · 30-08-2010 09:43 PM

بنفس السعر
تسعير المنتج لا يعتمد على تكلفته بل يعتمد على قيمته
وليه السعر ده لانه فى نفس مستوى الا نوس والافيو التجميع المحلى (من غير جمرك) وهو مبالغ فيه بس هوا هيقدر يسوق بالسعر ده من غير مشاكل مع منصور وغيره

**sukkar76** · 31-08-2010 04:26 PM

انا كنت فى توكيل رينو فرع المهندسين وسالت واحد من المبيعات نفس السؤال فقالى لو اتجمركت هايبقى تمنها 80000

**zkralla** · 31-08-2010 04:56 PM

لو اتجمركت ما كنتش جت من المغرب
كانت جت من رومانيا
عشان تكلفه السياره فى مصنع سوماكا بالمغرب عالى شويه عن مصنع داشيا برومانيا عشان حجم الانتاج فى داشيا اضعاف سوماكا
يبقى لو فيه جمارك كان المستورد هيفضل رومانيا ولما كانت بتيجى من هناك كان سعرها 75000 جينه

**fellacd** · 31-08-2010 05:35 PM

المشاركة الأصلية كتبت بواسطة ringoo

حتستفاد ايه غير العطلة
انت معاك 70 الف جنيه شوف العربيات اللى فى نفس السعر وقارن اللوجان بيهم لو هى احسن يبقى توكل على الله واشتريها
لو اى عربية تانية احسن يبقى بردو توكل على الله واشتريها .... حسبة الجمارك مش حتستفاد منها اى شيئ غير العطلة
ودخول اللوجان فى مقارنات ممكن العربية تتظلم فيها .... احنا شعب غريب جدا بصراحة عربية ب 70 الف جنيه عايزين نتخيل سعرها
90 الف جنيه ونبدأ نقارنها بالعربيات اللى ب 90 الف جنيه ... انصحك لو ناوى تشترى اللوجان تشيل من دماغك الفكرة دى والا حتشعر بعدم الرضا عن العربية
لانك بتقارنها بعربيات اغلى منها بالاضافة انها مش خالصة الجمارك بالكامل بل 40 % فقط

مع احترامى لحضرتك كلامك ده مش مظبوط
لأنى مش عاوز أقارن اللوجان بعربية أغلى منها
أنا هاقارنها بعربية بنفس سعرها لو أضفنا ليها الجمارك
يعنى اللوجان لو اتجمركت هاتبقى فى نفس الفئة دى المفروض ... يعنى مفيش ظلم ولا حاجة
لأن العربية اللى بـ 90ألف زى ما حضرتك بتقول لو من غير جمارك هاتبقى بـ 70ألف زى اللوجان
يبقى المقارنة عادلة جدا جدا ونشوف إحنا مضحوك علينا ولا لأ .... فهمت؟؟
أرجو إن حضرتك تكون فهمت وأكون أنا وضحت وجهة نظرى
وبرضه أرجو إن يكون حدد متحصص أو على دراية كافية يجاوبنا بشكل قاطع لو اللجان اتجمركت هاتبقى بكام؟؟؟؟
بعيد عن الهتافات والشعارات والكلام اللى زهقنا منه
وعلى فكرة .. إحنا مش شعب غريب ولا حاجة
إلا إذا كانت محاولة الفهم حاجة غريبة والصح هو إننا نعيش كده مش عارفين حاجة فى أى حاجة ومضحوك علينا من الكل
وعجبى

**fox198626** · 31-08-2010 07:00 PM

المشاركة الأصلية كتبت بواسطة fellacd

مع احترامى لحضرتك كلامك ده مش مظبوط
لأنى مش عاوز أقارن اللوجان بعربية أغلى منها
أنا هاقارنها بعربية بنفس سعرها لو أضفنا ليها الجمارك
يعنى اللوجان لو اتجمركت هاتبقى فى نفس الفئة دى المفروض ... يعنى مفيش ظلم ولا حاجة
لأن العربية اللى بـ 90ألف زى ما حضرتك بتقول لو من غير جمارك هاتبقى بـ 70ألف زى اللوجان
يبقى المقارنة عادلة جدا جدا ونشوف إحنا مضحوك علينا ولا لأ .... فهمت؟؟
أرجو إن حضرتك تكون فهمت وأكون أنا وضحت وجهة نظرى
وبرضه أرجو إن يكون حدد متحصص أو على دراية كافية يجاوبنا بشكل قاطع لو اللجان اتجمركت هاتبقى بكام؟؟؟؟
بعيد عن الهتافات والشعارات والكلام اللى زهقنا منه
وعلى فكرة .. إحنا مش شعب غريب ولا حاجة
إلا إذا كانت محاولة الفهم حاجة غريبة والصح هو إننا نعيش كده مش عارفين حاجة فى أى حاجة ومضحوك علينا من الكل
وعجبى

ياباشا الراجل مش قصده أى حاجه هى فعلا حسبه متعبه ...وحضرتك عندك حق برده
هو فكرة الجمارك دى ..إن حضرتك تعرف إن العربيه أعلى من قيمتها السعريه..
وأنا محاسب وحقول لحضرتك هو إستحاله نحسبها بالضبط عشان فيها بعض الإفتراضات زى ربح التاجر بس بالتقريب
لو الهاف حيكون سعرها تقريبا84000
وأدى الحسبه
الجمارك على العربيات لحد 16000 سى سى 40% بس السيارات الأوروبيه المفروض إنها نزلت مع بداية 2010 إلى 36% وطبعا حنعتبر هنا إن الجمارك 36% مش 40%
فيه بعد كده 15% ضريبة مبيعات بتحتسب من قيمة السياره(القيمه من المصنع+النولون البحرى+التأمين) والجمارك معا بيدفعها التاجر وبعد كده بيحط هامش الربح وبتحتسب من هامش الربح كمان ضريبة مبيعات ويستردها التاجر بعد كده من المستهلك النهائى...فيه كمان رسم تنميه حوالى 3% بيحتسب بعد ضريبة المبيعات (بدون ضريبة المبيعات من الربح) والجمارك وومكن نضيف كان مصاريف تفريغ 1% كل الحجات دى ممكن تدخل فى 62 % من قيمة السياره ودى بتكون نسبة الضرائب والجمارك طيب بالنسبه للهاف أوبشن
قيمتها النهائيه 64000
لازم نعرف نعرف ربح التاجر والموزع حنفترض إنه 4000 جنيه يبقى قيمة السياره بدون الربح هى 60000 نشيل كمان الربح يعنى حنشيل مثلا 4600 نقول 4500 تبقى قيمة العربيه بدون الربح وضريبة المبيعات الخاصه بالربح= 64000-4500 =59500
طبعا العربيه معلهاش جمارك يبقى النسبه المتبقيه هى 62%-36%=26% دى النسبه التاخدت على القيمه منهم 3% رسم تنميه بتحسب بعد ضريبة المبيعات يبقى حنحذفها قبل منحذف ضريبة المبيعات وقبل ما نحذفها حنشيل كمان 2000 جنيه تخليص جمركى ومصاريف أخرى
تبقى القيمه قبل مانحذف رسم التمنيه=59500-2000=57500
القيمه قبل رسم التنميه =(57500)*(100/103)=55800 تقريبا
القيمه قبل ضريبة المبيعات =55800 *(100/115)=48000 تقريبا
دى قيمة العربيه قبل أى حاجه
نبدأ نحسبها بقى لو فى جمارك وكل المصاريف
القيمه بالجمارك =48000*1.36=65280
القيمه بعد ضريبة المبيعات=65280*1.15=75072
القيمة بعد رسم التنميه=75072*1.03=77324
مصاريف التفريغ = 48000 *1%=480
هامش الربح +ضريبه مبيعات الربح=4600
مصاريف تخليص جمركى=2000
سعر السياره بالكامل=77324+480+4600+2000=84404 تقريبا
العايز يحسب الفول أوبش يحسبها على نفس الطريق..
على نفس الطريق الفول حتبقى تقريبا90000

**zkralla** · 31-08-2010 07:00 PM

هى فعلا لو جت من المغرب بالجمارك هتبقى فى حدود ال 85000
احنا حسبناها فى القسم هنا كتير وبطرق مختلفه
لكن فى الحاله ديه (حاله انها هتيجى من المغرب بجمارك )كان المستورد هيجيبها من رومانيا ( هى نفسها ) بدل ما يجيبها من المغرب وسعر ها لما كانت بتيجى من رومانيا كان - زى ما قلت قبل كده فى المشاركه الى فوق بس حضرتك يمكن ما اخدتش بالك - 75000 الف جنيه للفول اوبشن
يعنى اغلى من اللانوس والفيرنا ولاالاسبرنزا بحوالى 7000 جنيه بس
لكن المقارنه بينها وبين الى فى فئه ال 80000 هيبقى ظلم للعربيه زى ما عمرو (رينجو ) وضح لحضرتك

**fellacd** · 01-09-2010 04:21 AM

شكرا أستاذ fox على المجهود الرائع
وشكرا أستاذ zkrallah
ومعنى كده إن اللوجان المفروض تكون فى مستوى الإلنترا مثلا أو عربية سعرها فى حدود 90ألف ... مش كده ولا إيييييه؟؟
وميصحش نقارنها باللانوس أو الفيرنا لأن العربيات دى لو من غير جمارك زى اللوجان هايكون سعرها 45ألف أو 50ألف ج بالكتييير ... مش كده ولا أنا غلطان؟؟؟؟