الموضوع: عملوها الوحوش

المشاركة الأصلية كتبت بواسطة badboyeg

من أول ما بدائنا المشروع ده و احنا عنيننا على اللي بعد كدة
طبعا في ناس مننا هتتشغل سواء شغل أو الجيش بس احنا ناوينا و ربنا يعيننا انشا الله اننا نساعد كل الفرق اللي بعد كدة لحد ما نرجع مصر تاني لخريطة التعليم الدولي و اننا نكون من الفرق اللي يتعملها الف حساب انشا الله

باشمهندس معتز ..

ياريت تشرفونا بالحضور يوم الجمعة القادم في لقاء المنتدي علي الافطار علشان أعضاء المنتدي يتعرفوا بيكم و يتشرفوا بحضوركم معاهم

مع خالص تحياتي
م/ سمير الشهاوي

المشاركة الأصلية كتبت بواسطة badboyeg

طبعا بجد اقدر اقول بلسان الفريق كلو اننا اكيد سعداء جدا بالردود بتاعتكم
و انا متأكد ان اي حد كان بينقد و لو حتى كان نقدة في صورة سخرية فأكيد ده كله عشان هو نفسة انه يشوف مصر و الناس اللي من مصر في احسن صورة.
لن نقول ان السيارة رائعة او ان شكلها رائع
و لكن لو نظرنا لفرق الامكانيات و الاجواء و الصعوبات التي مررنا بها لانبهرنا بالناتج
يكفي ان اقول اننا سافرنا يوم الاحد و لم نحصل على تصاريح السفر غير يوم الخاميس
و لحد السبت باليل احنا مش عارفين في فلوس نسافر اصلا ولا لأ
و لو اتكلمنا على ميزانيات فالميزانية بتاعت جامعة شتوتجرت 3,000,000 يورو و يشكون من التمويل!!!!!

انا بس حبيت اوضح بعض الأمور و ده مش تبرير و اللخ بالعكس احنا راجعين و كلنا اصرار و امل ان ادائنا يكون افضل بكتييير ان شاء الله السنة القادمة

بشكر كل اللي كتب تعليق و متأسف انني طولت

ألف شكر ليكم انتوا والفريق بالكامل حتى لو الميزانية 10000000 مليون يورو
برده هتحس ان الميزانية قليلة علشان نفسك تحط فى العربية خامات احسن وتطورها
بس بجد انتوا طولتوا رقابتنا وخلتنونا نشوف ضوء شمعة فى العتمة اللى البلد فيها

المشاركة الأصلية كتبت بواسطة badboyeg

طبعا انت معاك حق
في الاول احب اعرفكم بنفسي
م/ معتز بالله مصطفى (اللي طالع في الفيديو بتاع نايل سبورت)
و اعتز و افتخر طبعا انني كنت واحد من الفريق المشارك
بالنسبة لموضوع الكاوتش الصورة دي كانت العربية لسة ماخلصتش و العجل مش مربوك اصلا و طبعا مش ظابطين زوايا
و الكاوتش ده مستعمل و مش بتاع سباقات خالص و ده عشان منستهلكش الكاوتش بتاعها على الفاضي.
و اي استفسار تاني انا تحت امرك

اهلا وسهلا ازيك يا بشمهندس معتز
انا اخوك مصطفى رايح الفرقة الثانية سيارات ان شاء الله

بجد انا سعيد بمدخلتك معانا
وياريت تكلمنا بقى وتحكلنا على التجربة دى وعيزين شوية صور وفديوهات بقى للعربية
وان شاء الله نتقابل يوم الجمعة

وحوش وحوش ربنا يوافقهم و يرفعوا راس مصر

رجاله من دهر رجاله ولاد رجاله

هو ده الكلام الصح يا رجاله مصر .... ربنا معاكو و الى الامام دايما ياااااااااااااا رب