الموضوع: زوجتي والسيارة

المشاركة الأصلية كتبت بواسطة a.saad

لعمل موقف بايخ
وقف العربية فى مكان شمس وواسع ومفيهوش الطل وحاول تدور خليها مدورش وميكونش فيه مياة ساقعة فى العربية
مياة ساخنة او مفيش
وممكن تظبط اكلة بتعطش قبلها
ما تجبش المارش للاخر
خد غيار وما تكونش دايس دبرياج
واقلب وشك
وافتح الكبوت
وزنجر واضايق
وقلها هاروح اجيب كهربائى ولا ميكانيكى
وروح مكان حلو
غيب فيه ساعة
وطبعا هيا فى الشمس
وتكون مظبط مع حد صنايعى حبيبك ييجى ويعمل ان فيها حاجة ويصلحها وياخد مصنعية عالية
وخد بالك
اما تكلمك ما تقعدش فى مكان فيه تليفزيون او كاسيت عالى
يا ساتر
انا طلعت شرانى اوى

بس دي كده ممكن تزن على بيع العربية و الستات لما تزن مش هتسكت
كل المطلوب عدم الاعتراض على مصروفات الصيانة بس مش اكتر

بس الصراحة عجبتني فكرة تسيبها في الشمس و ريقها ناشف ,,, لا يا عم تصعب عليا دي برضه أم أولادي و عشرة عمري و حبيبتي لالالالا ما تهونش عليا

متزعلوش منى انا مش مقتنع بكلام كتير من اللى اتقال و يمكن كمان مش مصدق المواقف اللى انتوا حطين نفسكوا فيها.

اولا انا مش مقتنع بموضوع انك تسيب ميزانية البيت فى ايد المدام، ليه يعنى، هو مين اللى بيشتغل و بيتعب و مين كبير البيت؟ البيت ليه اللى يحتاجه و اكتر كمان، بس انت الراجل اللى بتشوف النجوم فى عز الضهر علشان خاطر بيتك وولادك و بتحرم نفسك من كل حاجة علشانهم، يبقى على الاقل تستمتع باحساس انك ريس المركب.

ثانيا كلام فى صيانة العربية او قطع غيار او حتى اكسسوارات مايصحش ان ست تتدخل فيها، زى ما الراجل ما يصحش انه يتدخل فى مقادير الكيكة او نوع المكرونة اللى الست بتتطبخها، كل واحد وليه مسؤولياته اللى يقوم بيها.

نصيحة مخلصة لازم تحط حدود باسلوب شيك و لكن واضح و صريح و مفيهوش فصال، علشان محدش هيغلب ست فى الفصال ابدا.

المشاركة الأصلية كتبت بواسطة hossam_hassan

متزعلوش منى انا مش مقتنع بكلام كتير من اللى اتقال و يمكن كمان مش مصدق المواقف اللى انتوا حطين نفسكوا فيها.

اولا انا مش مقتنع بموضوع انك تسيب ميزانية البيت فى ايد المدام، ليه يعنى، هو مين اللى بيشتغل و بيتعب و مين كبير البيت؟ البيت ليه اللى يحتاجه و اكتر كمان، بس انت الراجل اللى بتشوف النجوم فى عز الضهر علشان خاطر بيتك وولادك و بتحرم نفسك من كل حاجة علشانهم، يبقى على الاقل تستمتع باحساس انك ريس المركب.

ثانيا كلام فى صيانة العربية او قطع غيار او حتى اكسسوارات مايصحش ان ست تتدخل فيها، زى ما الراجل ما يصحش انه يتدخل فى مقادير الكيكة او نوع المكرونة اللى الست بتتطبخها، كل واحد وليه مسؤولياته اللى يقوم بيها.

نصيحة مخلصة لازم تحط حدود باسلوب شيك و لكن واضح و صريح و مفيهوش فصال، علشان محدش هيغلب ست فى الفصال ابدا.

طبعا كلامنا اكيد فيه جزء من المبالغة
من باب التريقة على تدخل الستات في كل حاجة تخص جوزها حتى التفاصيل اللي مهما شرحتهالها مش هتفهمها زي المساعدين و العفشة و لازمتهم ايه في العربية و نغيرهم ليه يعني ب 2000 جنيه

ربا يكون فى عونك دى تعتبر حاله عامه

كبسة ,.........
المدام كبست عليا و انا بشارك في الموضوع ده ......
و شايفة ان الرجالة واخده موقف من الستات الغلابة اللي قلبهم على مصلحتنا و على فلوسنا و خايفين علينا من فتنة المال

بس جت سليمة الحمدلله عجبتها المشاركة اللي فاتت بس قررت تشترك في المنتدى مش عارف ليه بس حاسس ان الموضوع داخل على مراقبة
من هنا و رايح كل واحد يخلي باله الستات ناوين يراقبونا هنا