رابطة مالكي المكواة...لانسر 2001-2002-2003

**Haitham10** · 04-10-2010 03:38 AM

دة الجروب بتاعه هتلاقي فيه بضاعته وتليفوناته وعناوينه
Willkommen bei Facebook

ومتستناش من الفلتر لوحده انه يديلك اي اختلاف غير الصوت انا حتي بفكر اغير مواسير الشكمان كامله اخليها 2 بوصه واركب علبه رياضى نضيفه بس من غير صداع .... ومع الفلتر يمكن اشحت حصانين تلاته زيادة بالكلام دة

برضه فكر في حوار المكنة يا احمد ....... المكنة ..... سحب اعلي قوة وتوفير بنــــــــزيـــــــن

**mr_vampire** · 04-10-2010 04:02 AM

حوار مكنة ايه ؟ قصدك تسقيط مكنة تانية غير ال 1300؟؟؟؟؟؟؟؟ لو قصدك كدة انا كدة فل الفل يامعلم مقتنع اوي بال 1300 ومريحاني بس قولت الفلتر بس لزوم الشغل بس يبقي معايا الاوبشن واستخدمه وقت مايجيلي مزاج استخدمه انما اكتر من كدة مبفكرش بصراحة.

**mr_vampire** · 04-10-2010 08:26 PM

انا غيرت النهاردة لزيت فيسكو2000 بالفلتر. وغيرت بوجيهات وظبطت رجة العربية عن التبطيل. ربنا كرمني بميكانيكي تمام خلاه وراه لحد ماظبطها. جاري بقي ملاحظة اداء الزيت وسحب العربية بعد التحويل.

**Haitham10** · 04-10-2010 11:39 PM

هاااااا صوت الموتور اية دلوقت ؟؟

**mr_vampire** · 05-10-2010 03:07 AM

المشاركة الأصلية كتبت بواسطة haitham10

هاااااا صوت الموتور اية دلوقت ؟؟

بص ياهيثم هو الصوت لسة مش حاسس بفرق جامد بس فعلا حاسس بنعومة الموتور واستجابة سريعة بصوت افضل ( اكيد البوجيهات برده عاملة فرق) بس هتابع بقي معاه واشوف نظامه ايه وربنا يستر.

بخصوص الفلتر بقي يامعلم. لقيت السيموتا عندي في بنها ب150ج لوحده من غير مواسير ولا حوارات. والميكانيكي اللي عملي البوجيهات قالي ممكن اعملك كوعة بتركب علي راس الكربراتير وبنفس الشكل بالظبط كانها فابريكة ( هيخركها عند خراط حتي هياخد قاعدة العمة اللي راكبة علي راس الكربراتير عشان تتعمل بنفس الشكل والمقاس ) وهتبقي ( حرف l ) وهتتبرط بمسامين موجودين اصلا علي راس الكربراتير وبعد كدة نجيب مواسير استانليس توصل بين الكوعة والفلتر بالطول اللي احنا عايزينه عشان نشوف عايزين نحط الفلتر فين.

فانا بفكر اخليه يعمل الكوعة الاول قبل مااشتري فلتر ومواسير عشان لو معجبتنيش وطلعت عك يبقي خسرت تمنها هي بس (30 ج ) وكمان اخدت الصورة اللي هنا وهوريهاله يمكن يعرف يعمل زيها وتبقي مصلحة.

بس انا حاسس اني لو نزلت حرفيين او توفيقية هجيب الفلتر والمواسير ارخص من كدة محدش يعرف الفلتر من هناك يعمله في حدود كام؟؟؟؟؟؟؟؟؟؟؟؟؟؟

**aimo** · 07-10-2010 05:03 PM

يا جماعة الخير انا من كتر كلامكو عن المكوة حطيتها فى دماغى لما اجى اغير من الاكسنت 99 بتاعتى

بعد قرايتى لل 19 صفحة بالكامل تقريباً عايز حد يجاوبنى على الاسئلة دى :

- محدش جاب سيرة علو العربية عن الارض , يعنى هى ولا البومة ولا الكورولا 2002 ؟؟؟ وخلى بالكو فى عربيات زى النيسان عالية بس لما بيركب فيها اربعة بتسلم على كل المطبات
- لسه برضو عايز اعرف هل من الممكن انى انزل من 1500 كورى واركب 1300 يابانى .
- بالنسبة لتكييف الـ 1300 اوتوماتيك , ايه اخباره فى السحب , انا حسب معلوماتى البسيطة ان التكييف مع الاوتوماتيك بيخلي اى عربية زى البطة او على الاقل بيخليها ابطأ من مثيلتها المانيوال .

شكراً مقدماً لاحلى اعضاء فى احلى منتدى

**Haitham10** · 07-10-2010 11:02 PM

شوف يا سيدي
اولا في حاجة انت مش واخد بالك منها ...... المكواة والبومة ال1300 توأم في كل شئ ماعدا الاكصدامات والفوانيس وانها كرباتير مش انجكشن ... يعني عالية عن الارض مش زي الاكسنت خالص خالص
المانوال بتاعها تحفه علي فكره وبمناسبة 1500 انا كان معايا اكسنت من 3 سنين 99 1500 برضه وبصراحة يعني متحاولش تقارن اصلا بس حاول تجربها مع اي حد معرفة الاول برضه
موضوع التكييف دة زي اي عربيه يعني ودة شئ طبيعي انه لازم تحس بيه في العربيه ومع الاوتوماتيك هتحسه اتقل من المانوال دة برضه في اي عربيه

عموما انصحك تجرب المكواة مع اي حد تعرفه الاول عشان برضه تاخد القرار النهائي ... يعني شوف علو العربيه وفراملها والباور بتاعها وهكذا جرب طريقة سواقتها الاول واذا كنت مجرب بومة قبل كدة يبقي مش هتلاقي اختلاف كتير وربنا يوفقك للي فيه الخير ان شاء الله ونورتنا ياجميل

**mr_vampire** · 08-10-2010 01:09 AM

مش هقولك اكتر من اللي هيثم قاله جربها بسسسسسسسسس والله ماهترضي تتنازل عنها. ركوبة تمام وشبابي وعلو عن الارض حلو جدا حتي وانتا محمل. تكييفها مش بيموتها يعني ( انتا راكب ياباني حطها في دماغك اوي)كربراتير يعني ممكن تحط 80 وتظبط كهربا وتعيش بمزاج قطع غيار زي الفل

**shooter123** · 08-10-2010 05:10 PM

بعد البحث والتحري
اكتشفت ان الفلتر الهوا الرياضي مجرد صوووووووووووت مش اكتر حتي السيموتا التيواني برده بيديك صوت وبس وبيزود سحب العربية بمقدار لا يذكر
يعني لما تصرف عليه 250 او 300 جنية لمجرد سماع صوت مزعج او لزيادة السحب زيادة غير ملحوظة او طفيفة جدا يبقي حرام عليك
نصيحة للكل وبالذات لفامبير

**mr_vampire** · 08-10-2010 06:55 PM

المشاركة الأصلية كتبت بواسطة shooter123

بعد البحث والتحري
اكتشفت ان الفلتر الهوا الرياضي مجرد صوووووووووووت مش اكتر حتي السيموتا التيواني برده بيديك صوت وبس وبيزود سحب العربية بمقدار لا يذكر
يعني لما تصرف عليه 250 او 300 جنية لمجرد سماع صوت مزعج او لزيادة السحب زيادة غير ملحوظة او طفيفة جدا يبقي حرام عليك
نصيحة للكل وبالذات لفامبير

علم وجاري متابعة التنفيذ ان شاء الله مع الشكر لshooter علي جولة البحث والتحري

بس برده بقولك لما هركبه ان شاء الله وتسمعه (حتتتتتتتتتتتتتتتتي لو صوت بس ) هتعرف انا بتكلم في ايه يامعلم.

الموضوع: رابطة مالكي المكواة...لانسر 2001-2002-2003

LinkBack

أدوات الموضوع

عرض

-

-

-

المواضيع المتشابهه

رابطة مالكي البطة - لانسر 1992 : 1995

رابطة مالكي الشارك- لانسر 2008 : 2012

لانسر اخر شكل المكواة موديل 2003 للبيع

مطلوب ضرورى كتالوج لانسر 2001 او 2002 او 2003

ما الفرق بين لانسر 2001 2002 2003 و بين لانسر 2004 2005 2006

الكلمات الدلالية لهذا الموضوع

المفضلات

المفضلات

ضوابط المشاركة