المشاركة الأصلية كتبت بواسطة se_coralsea
بس كده الاحتياطي كمان المفروض يدخل في التبديل ده و ده فعليا مابيحصلش
أنا فعلا النهاردة كنت بأفكر في الحكاية دي أزاي ها أغير الكاوتش و الاستبن لسه جديد مالمسش الارض لدرجة أني بأفكر أجيب نفس النوع و نفس النقشة
فعلا يا باشمهندس المفروض ان الاستبن يدخل مع الروتيشن
انا كنت عند المهندس نجاد بغير الكاوتش بتاع اللانسر
قاللي ان الروتيشن بيتعمل على حسب الناس:
1. النوع الاول اللي مش بيحب ينزل الاستبن على الارض على اعتبار لما ييجي يبيع العربية ببيقول ان الاستبن ملمسش الاسفلت َ!!!
دول بيعملوا روتيشن عادي الادام يرجع ورا عدل(مش مقص) واللي ورا يطلع ادام بالعكس (مقص)
دا اللي انا عملته باللانسر لان بالصدفة كنت بعمل روتيشن من غير الاستبن وبالتالي الاستبن هو الوحيد اللي فعلا منزلش على الارض
2. النوع الثاني من الناس بينزل الاستبن ويدخله في الروتيشن
دا اللي انا عملته في اللوجان :
بعمل روتيشن وبدخل معاه الاستين وبالتالي الكاوتشة الواحدة بتريح كل 40000 كيلو يعني تمشي 30 الف وتريح 10000
كمان بتحس ان الجنوط اقل ضررا لانك برضه بتريح جنط كل 40 الف
انا بحس ان ده بيديني امان اكتر مش عارف ليه ولما اجي اغير الكاوتش على 50000 حتبقى كل كاوتشة ماشية 40000 فقط وده ميزة مش عيب
العيب الوحيد : حتغير الاستبن مع تغيير الكاوتش العادي يعني حتجيب 5 عجلات مش اربعة
وبالمناسبة المهندس نجاد قالي ان الاثنين صح او بمعنى اصح مش غلط على اعتبار ان المفروض ان الكاوتش اصلا بيتغير على حسب الاستخدام مش حسب الكيلومتر بس
المفضلات