هاتشتري موبيال لابنك ولا لاء ؟؟؟

**tutankhamoun** · 27-02-2008 08:13 AM

أشتري لأبني موبايل رخيص في الحالات الآتية
السن يكون فوق 12 سنة ...
إذا كنت بغيب لمدة كبيرة عن البيت و أمه كمان
----------
غير ذلك ......... فلا و الف لا
طيب ما أحنا زمان ارتبنا من غير موبايل و من غير اي حاجة
لازم الأولاد يتعلموا حاجات كتير
منها الاعتماد على النفس
ايضا عندما يريدون شئ يجب أن يكون ذو منفعة كبيرة لهم و أيضا الحصول على الاشياء يجب أن يكون ليس سهلا حتى لا يتعودون على ذلك

**eng_mkhalaf** · 27-02-2008 08:31 AM

أشتري لأبني موبايل رخيص في الحالات الآتية
السن يكون فوق 12 سنة ...
إذا كنت بغيب لمدة كبيرة عن البيت و أمه كمان

+1000000000

**memo_hefnawy** · 27-02-2008 08:55 AM

يا جماعه ما إنت عشان بتغيب و مشكلتك إيه عايز تطمن عليه ؟؟

أولا الولد فى السن ده بيكره إن اهله يقلقوا عليه و يحسيسوه إنه طفل

ثانيا عشان يكلمك لو عنده مشكله - كباين التليفون فى كل مكان

ثالثا لو هو فى حته و عايز يمثل عليك إنت مش هاتقدر تعرف لأن إنت أكيد عملتها من قبله و عارفين إللى بيحصل

**mshamy** · 27-02-2008 09:30 AM

السلام عليكم و رحمة الله و بركاته
و الله يا جماعة أنا لسه شايف برنامج في National Geographic ان استخدام الموبايل له تأثير سابي على الأطفال بشكل كبير جدا ..و بعدين دول في الأخر أطفال و محدش يقدر يقول الطفل حيستخدم الموبايل أزي؟ لانك مش مع الطفل و مش حتقدر تسيطر عليه...البرنامج اللي باقول عليه استخدموا الموبايل في سلق بيضه و طلعت نصف سوى :) حقيقة علشان تعرفوا مدى الضرر.
يا ريت نفكر مرتين في اي وسيلة تانيه قبل ما نعمل كده في أولادنا

**HESHAM AMIN** · 27-02-2008 09:56 AM

انا جبت لبنتى 5 ابتجائى واحد بس للاسف بوظتة بعد شهر وعقابا ليها سحبتة منها لحد ما تتعلم
قيمة الحاجة الى شايلاها الوبايل كان ال جى بكاميرا
كنت جايبة ب 250 جم وعايز يتصلح ب 120 جم
المقصود انهم لسة مش عارفين قيمة الحاجة والفلوس بتيجى ازاى
والى يجيب يجيب حاجة رخيصة عشان ما يزعلش عليها

**وائل عطية** · 27-02-2008 10:02 AM

كيد هاجيب لإبني موبايل ..فقط لمتابعته والاطمئنان عليه وأكيد موبايل يادوب لتلبية الغرض ومش قبل سن 10 سنوات
الأخوه اللي بيقولوا إحنا اتربينا وفلحنا وماكانش في موبايلات .. أحب أقولكم بنفس المنطق في السابق ماكانش في ملاعق وسكاكين مثلاً يبقى نسيب الحاجات دي وناكل بإدينا...في السابق ماكانش في عربيات ولا طائرات ..يبقى نسيبهم ونركب الجمل !!
اسمحولي المنطق دا مش سليم، وطالما أنا قادر إني أرفع مُستوى أُسرتي يبقى إيه المانع طالما هاكون حريص على التأكد من عدم التفريط والاستهتار

**حماده عزو** · 27-02-2008 10:06 AM

موبايل أيه الى أنتو بتتكلمو عليه يا رجاله هوا خلاص العيال معدش ناقصها غير
الموبايل .
أنا مصمم انى مش هجيب لبنى موبايل من جيبى دى أولا وثانيا مش هخليه يجيبو
غير لما يكون فى أشد الأحتياج ليه ومن جيبو الشخصى
أنا شايف أن الموبايل ده دلع اوى مش الحاجه الى الواحد مش هيعيش من غيرها يعنى
عايزين نحاول نخلى ولادنا بعتمدو على نفسهم زى محنا تعبنا وشئينا كده
مش كول طلباتهم نعم وحاضر

**memo_hefnawy** · 27-02-2008 10:15 AM

يا وائل هناك فرق بين إنك ترفع مستوى الأسرة و ترفهم و إنك تجيب حاجات هاتضر أكثر من ما تنفع

قولى هاتطمن على إبنك إذاى بالموبايل ؟؟ فكر و حط نفسك مكانه إفتكر كنت بتعمل إيه

فى السن ده الولد بيكره إن أهله يطمنوا عليه كل شوية أوى أوى و بيحس إنه راجل و كده إنتم مستعيلينه و بالتالى بينفر

بكل بساطة ولد فى ثانوى باباه إتصل به إنت فين يا حبيبى أنا فى المدرسة - ياترى شوفت إنه فى المدرسة ؟

ده دلوقت بقى فيه Effects ممكن تضيفها على المكالمة بتاعتك ذى صوت الإستاد أو زحمة الشارع و إنت قاعد بكل بساطة فى بيتكم على سريرك !!!!!!!

يبقى حجة أطمن عليه مش مقبوله - ده هايتحول لدلع صدقنى ضار مش نافع

بجانب أضرار الموبايل الصحية

يعنى أعرف شباب حلوين(سن جامعه) إللى منهم مابينامش إلا و الموبايل تحت المخده !!!! عشان لما يجيلوا مكالمة حلوة يصحى يرد أى وقت !!!! و هكذا مابلك بطفل فى إعدادى ؟

**Hossam_Hassan** · 27-02-2008 11:39 AM

عن نفسى لو لقيت فرصة، هستغنى عن الموبايل بتاعى تماما و أكيد مش هجيب لبنتى موبايل الا فى حالة الضرورة القصوى، و حط تحت القصوى 100 خط

**وائل عطية** · 27-02-2008 02:21 PM

ياجماعة في حاجة مهمة إنتوا تناسيتوها وهى إن الأطفال دول مش عايشين منعزلين لوحدهم ..بمعنى إن إبني مش عايش لوحدة ..لأ دا بيخرج بيروح المدرسة بيشوف ناس بيشوف زملاؤه بياكلوا إيه وبيلبسوا إيه وبيشربوا إيه و و و ... مين بقى إن شاء الله هايشوف ابنه نفسه في حاجة وفي إمكانك تجيبهاله ومش هاتجيب؟ صعب جداً

الموضوع: هاتشتري موبيال لابنك ولا لاء ؟؟؟

LinkBack

أدوات الموضوع

عرض

-

-

-

خطر جدا -

-

-

-

-

-

المواضيع المتشابهه

لو انت مشتري جديد وحبيت تشتري لانسر هاتشتري اية

اوعى تسيب لابنك او اخوك الصغير مفتاح العربية

طلب غريب -عايز موبيال قديم شويتين وشغال

فتح حساب بالبنك لابنك الصغير ؟

الكلمات الدلالية لهذا الموضوع

المفضلات

المفضلات

ضوابط المشاركة