المشاركة الأصلية كتبت بواسطة zalpany2000
السلام عليكم
تحياتي للجميع ... وربنا يوسع أرزاق المسلمين جميعا يا رب
انا عندي تعقيب صغير ... العربية ممكن تعتبر أصل من أصول رأس المال وكمان ليه ميزة انك لو شغال في تجارة واتزنقت في مبلغ سهل انك تبيعها ... أسهل كتير من العقارات و الاراضي و الاصول التانية والودائع وده شئ ممكن يدي قيمة مضافة لعربية سعرها عالي ... حتي لو لا قدر الله العربية اتخبطت او عملت حادثة لو متأمن عليها في شركة محترمة برضو بتقدر تحافظ علي جزء كبير جدا من قيمتها
على فكره العكس هو الي صحيح العقارات الي كل ما بتقدم قيمتها بتزيد عكس العربية تعتبر سلعة استهلاكية
دا انت لو ركنتها سنتين ثلاثة قيمتها هاتقل وكمان ممكن تعطل فيها حاجات زي البطاريه مثلاً
وكمان العقارات نادراً ما بتخسر دا انت لو اضطريت تبيعها بعد سنة او اثنين وكنت مستعجل على البيع هاتجيب على الأقل ثمنها إلا اذا كنت انت شاريها غاليه اصلاً
و كمان النهارده 500000 جنيه مش القيمة نفسها من 5 او 6 سنين ... يعني النهارده علشان تركب عربية محترمة بتبدأ تفكر من 100000 وانت طالع
يعني المليون هو الي هايحافظ على قيمته بعد 5 او 6 سنين؟؟؟؟!!!!!
انا واحد من الناس لو معايا مبلغ 500,000 جنيه لسيارة هاجيب عربية مش هاتتجاوز ال 250,000 لان طبيعة استخدامي مش محتاج حاجه افخم و هافاضل ايه اللي ممكن اجيبه بالسعر ده في فئة السيارات السيدان الرياضية
و لو معايا مبلغ 1000000 برضو هاعمل نفس الميزانية للعربية مش أكتر لاني شايف ان العربية مش محتاج منها اكتر من اللي ممكن ألاقيه في عربية بالسعر ده .. زي الباسات ... الاوكتافيا ... بي ام دابليو 316i او اي حاجه في نفس الفئة بس تكون زيرو علشان الزيرو ليه طعم تاني
هي دي الاجابة المطلوبة...
تحياتي