الموضوع: لو معاك 500 الف تجيب عربية ولا كذا عربيه

اطلع ذكاتهم الاول حوالى 1250 جنيه
اشترى عربيه سكودا اوكتافيا 2010 1.6 F/O A/T Fantasia Elegance
بــ 207 الالف المانى وبتعيش بس عيبها قطع غيارها غاليه شويه بس كـ سعر واعاده بيع ف المستقبل مضمون وسعر كويس جدا على امكانيتها وبلد صنعها
والبافى اعمل بيه مشروع محترم اقدر اتجوز واشترى شقه واصرف منه على البيت

500‏ ألف لعربية أو أكتر :
عشان احنا أسره كبيره هشتري لمراتي و اخواتي الاتنين كيا كارينز أعلى فئة كسر زيرو
عشان كل واحده فيهم تبقى مرتاحة هيه و ولادها بدال الصني و الفولكس و لانسر الصغيرين
كده قول صرفنا 240 ألف و هنصرف لكل عربية 10 ألاف تظبيط و ترويق و اكسسوار و ديفيدي عشان العيال يبقى كله كده 270 ألف
هدور لنفسي بقى على حتة إس 40 أو إس60 أو إس 80 مستعملة سنتين أو تلاتة بالكتير و دي مش هتعدي 130 ألف
كده يبقى 100 ألف
قول هناخد منهم 20 ألف لزوم تظبيط و ترويق عربيتي
يبقى لسه معانا 80 ألف هحطها في البورصة عشان كمان 5 سنين أطلع طلعة زي دي تاني

السلام عليكم
تحياتي للجميع ... وربنا يوسع أرزاق المسلمين جميعا يا رب
انا عندي تعقيب صغير ... العربية ممكن تعتبر أصل من أصول رأس المال وكمان ليه ميزة انك لو شغال في تجارة واتزنقت في مبلغ سهل انك تبيعها ... أسهل كتير من العقارات و الاراضي و الاصول التانية والودائع وده شئ ممكن يدي قيمة مضافة لعربية سعرها عالي ... حتي لو لا قدر الله العربية اتخبطت او عملت حادثة لو متأمن عليها في شركة محترمة برضو بتقدر تحافظ علي جزء كبير جدا من قيمتها

و كمان النهارده 500000 جنيه مش القيمة نفسها من 5 او 6 سنين ... يعني النهارده علشان تركب عربية محترمة بتبدأ تفكر من 100000 وانت طالع

خليني أسألك الاول كام سؤال ونفكر مع بعض بصوت عالي.
حضرتك عايز عربية واحدة ولا أكتر من عربية و لأيه ؟؟ يعني لو حضرتك متزوج وعندك اولاد و محتاج اكتر من سيارة في البيت .. ولا عاوز عربية لحضرتك فقط و الموضوع التاني لميزانية تانية
حضرتك طبيعة استخدامك ايه ؟؟ يعني سفريات كتير جدا وهلك و طرق مكسرة .. ولا خروجات واجتماعات وكلام من ده ؟؟ ولا ايه بالظبط
او عاوز عربية لكل الاغراض
انت ميال لأيه
و لو السؤال ان حضرتك مش محدد بالظبط و بتسأل عن الآراء
انا واحد من الناس لو معايا مبلغ 500,000 جنيه لسيارة هاجيب عربية مش هاتتجاوز ال 250,000 لان طبيعة استخدامي مش محتاج حاجه افخم و هافاضل ايه اللي ممكن اجيبه بالسعر ده في فئة السيارات السيدان الرياضية

و لو معايا مبلغ 1000000 برضو هاعمل نفس الميزانية للعربية مش أكتر لاني شايف ان العربية مش محتاج منها اكتر من اللي ممكن ألاقيه في عربية بالسعر ده .. زي الباسات ... الاوكتافيا ... بي ام دابليو 316i او اي حاجه في نفس الفئة بس تكون زيرو علشان الزيرو ليه طعم تاني

تحياتي