الموضوع: لو معاك 500 الف تجيب عربية ولا كذا عربيه

المشاركة الأصلية كتبت بواسطة kamatsho

مدام مخصص ال 500 الف للعربيه يبقى الصح انها متبقاش عربيه واحده يبقوا اكتر من عربيه وبرضو لازم اعمل منهم مشروع لاااااااااااااااااااااازم

اشترى سوناتا 2011 مش هتزيد عن 200 الف جنيه وسعر موديل 2010 ب 190 الف 2500 سى سى عربيه جبااااااااااااااااره وفى نفس الوقت قطع غيارها مش غاليه زى عربيات تانيه وسحبها جميل جدا
واشترى سكود ا فانتازيا 2010 واسقطلها موتور نضيف زى ما الكتاب بيقول وابيع الموتور القديم
وبكده هبقى اشتريت عربيتين احلى من بعض شكل واداء وفخامه وكل حاجه
وهيتبقى حوالى 90 الف جنيه اشترى بيهم اوبترا واشغلها فى شركه سياحه تدخلى 3000 الاف جنيه فى الشهر يبقوا مصاريف العربيتين السوناتا والفانتازيا مع انى كنت هقولك تشترى بـ 90 الف كام توك توك كدا تشغلهم ويدخلولك برضو دخل كل شهر بس حسيت انك هتتنرفع من النقطه دى :)

اولاً حضرتك المبلغ زي ما قلت قبل كده لعربيه او اكثر فقط مش لحاجه تاني
ثانياً السوناتا على فكره موديل قديم حتى لو 2011 في نيو سوناتا دلوقت وكمان قطع غيارها غاليا جداً (الشكل القديم) وممكن حضرتك تسأل عليها
هو التوكتوك بيكسب قوي كده هههههههه

المشاركة الأصلية كتبت بواسطة hosam_optrawy

لو انا بس اللى هاستعملهم اكيد مش هاجيب 3 4 عربيات

هاجيب عربيه واحده واغيرها كل فتره

ويوم ما ادلع نفسى هاجيب عربيتين واحده سيدان والتانيه سيراتو كوبيه :)

فكره تمام وهو دا الدلع

المشاركة الأصلية كتبت بواسطة romio11192

بسم الله
انا الفهمته منك ان حضرتك قصدك انه مثلا بدلا من انى أجيب عربية ب 500 الف و تقعد معايا 5 او 7 سنين و ساعتها حتكون تكنولجيتها قدمت و بدأت تحتاج صيانة
تجيب عربيى ب 200 ألف مثلا و ال 300 الباقيين يكونوا هما الخساره فى سعر اعاده البيع عند تغير العربيه كل فتره
لو كان قصد حضرتك كده
يبقى انا مع الرأى التانى
أولا انها العربيه ال فى حدود 200 او 250 حتوفر قدر من الرفاهيه مش بطال
ثانياً لو حصل لا قدر الله حادثه ممكن ب الفلوس الباقيه تجيب عربيه تانيه
ثالثاً مصاريف صيانه اقل
رابعاً متعه التغير
خامساً مواكبه التكنولوجيا و السوق
و بعد 7 او 8 سنين العربيه ال ب 500 و بفرض حساب التخفيض فى القيمه الجمركيه و مصاريف الصيانه حترجع ليك كرأس مال فى حدود 150 الف
و هو نفس سعر تقريبا بيع أخلا عربيه من ام 250 الف فى أخر الفترة
اتمنى تكون وجهة نظرى وصلت

وصلت طبعاً يا باشا وفعلًا انت فهمت وجهة نظري صح جداً

المشاركة الأصلية كتبت بواسطة mummy_47

بالنسبة لي انا:
انا هحط ال 500 الف في البنك شقة محترمة وأأجر الشقة ده بحوالي من 3000 الى 5000 ج في الشهر.
او
احطهم في البنك هيجبولى حوالي 3000ج في الشهر ..
ادفع اللي معايا في مقدم عربية محترمة يكون قسطها لا يزيد عن ال 3000 الاف...او اشتري العربية بضمان الوديعة لو ممعيش المقدم ..يبقى انا كده احتفظت بالمبلغ والعائد واشتريت اللي نفسي فيه ..
بالنسبة للعربية اللي هختارها: هم لازم يكونوا عربيتين واحدة للسفر وواحدة للمشواير داخل المدينة.
اما نوعهم:
1- لاند كروز 4x4 مو 2004 ب 150 او 140 الف عربية عشرة على عشرةاو ال جي ام سي بليزر مو التسعينات عربية وهم ب 45 الف ودبه هشتريها بالمبلغ اللي معايا.
2- العربية السيدان بقى انا احب المرسيدس مو من 2001 وانت طالع يعني بتكلم في حدود 180 الى 200 الف ..وطبعا ديه هشتريها برهن جزء من الوديعة لدى البنك ..والفوائد تسدد المبلغ.

ايه رايكم

مافيش عربية بدون مقدم حتى لو معاك وديعة بنكية
وبعدين ما هو كدا انت مابقاش معاك حاجه تدفعها مقدم العربية لانك حطيت المبلغ كله في شقة او وديعة في البنك
إلا اذا كان قصدك تدفع من معاك غير 500 الف

ولما تشتري المرسيدي الوديعة هاتقل والفائدة هاتقل برده يعني لو بقت 1600 جنيه تبقى حلوه اوي فامنين هاتجيب قسط العربية الـ 4×4 ؟؟؟

بس انا نفسي اعرف فين المبلغ الي معاك طالما هاتحط الـ 500 الف كلهم في شقة او بنك؟؟؟

المشاركة الأصلية كتبت بواسطة m7amd_7amdy

لآ ياباشا منستهمش انا بتكلم لو انا مخصص المبلغ كله لعربية هعمل كده

مش هجيب بيهم كلهم وهستكفى بال c-180 واى عربية تانية ب 100 ألف بس كده :))

واللى عايز لفة نديله ومنخليش حد نفسه فى حاجة هههههههه

آه كده فهمت
فكره برده
بس ماتنسانيش في لفة انا كمان طالما انت كريم اوي كده
وهابقى ادعيلك

انا هجيب برافو ولينيا
واجيب مرسيديس سى 200 2004